2 Petulo 1

1 Simoni Petlo,muboyi na mseng'wa va Yeesu khilisiliti, khwa vala yevaluwanushe ulufuvo lulula lwa saamani ngita shetwayiyanushe uwewe, ulufuvo lweluvele mukati mwa Nguluvi nu mkombochi vetu Yeesu khilisiti . 2 Lukano luvake khwenyo; itengamaso yiyongesekhake ukhulutila amaalifa ka Nguluvi nu Mutwa vetu uYeesu. 3 Khulutila maalifa ka Nguluvi tupatile amambo kakhe koha khwaajili ya vuchaji wa maisha, Khuhuma khwa Nguluvi yeatukhemelye khwaajili ya vunofi wa vuvalache wamwene. 4 Khwa njila iyi atuhuviche iahadi ingoomi cha samani. Afanyile ili nekhe khutufanya valisi va asili ya Nguluvi, khwa kadili shetwiyendelela ukhuvulekha uvivi wa inyi iyi. 5 khwasabu iyi mfanyake ibidili ya khuyongesa uvunofi khwa njila ya lufuvo lwenyo, khwasabu ya vunofi, maalifa. 6 khulutila maalifa, khiasi, nu khulutila khiasi sabuli nu khulutila isabuli, vuvalache. 7 khulutila uvuvalache ulukhelo wa mlongo, lukhelo lwa mlongo,lukhelo. 8 Kama mambo aka kavele mukati mwenyo, kakhayendelela ukhukhula mukati mwenyo, basi unyenye siachamwiva tasa au vanu yesimwibaba amatunda mu maalifa ka Mutwa vetu uYeesu khilisiti. 9 Lakhini yeyoha yesiaveli na mambo aka, vaavakhakavona mambo ka kalibu tu; umwene avele mubofu. asemilwe uvuvalache wa sambi chamwene cha khatali. 10 Khwahiyo, valongo vangu mufaanye ibidili nekhe ukhwihakikisikhicha uvuchakulwa wa lukhemelo khwaajili yenyo. Kama achamwifanya aka siachamwikungudukha. 11 Ewe achamwikhipatila uwolofu wa mlyango kwa uwingilila mu vutwa wa milele wa Mutwa vetu nu mkhombochi uYeesu khilisiti. 12 Khwahiyo unene achandiva tayali ukhuvakhumbusa amambo aka khila mala, hata kama mkamanyile, na lino muvele imala mu salwesi. 13 Ndihocha khuva ndivele sahihi ukhuvalamusa nukhuvakhumbusa juu ya mambo aka, ndichike ndivele mu lihema ili. 14 Khwa mana ndimanyile khuva si musikha mutali achandihecha ilihema lyangu,ngita uMutwa uYeesu khulisitu sheeandivonise. 15 Achandikhitanga khwa bidii khwaajili yenyo nekhe mkhumbukhe amambo aka baada ya unene khuheka. 16 Khwa khuva uwewe sitwafwatile ihadisi chechiyingichwe khwa vufundi pala petwavayelesiche juu ya ngufu cha nu khwivikha wasi khwa Mutwa vetu uYeesu khilisiti, bali uwewe twaveele mashahidi va vuvalache wa mwene 17 Umwene yeayanushe Uvuvalache ni heshima ukhuhuma khwa baba uNguluvi pala peyapulikhikhe isavuti ukhuhuma mu vuvalache vukhomi yikhatikila , Uyu ndyo mwanavangu, mkhelwa vangu ambaye ndipendesichwe nave. 18 Twaapulikhe isavuti iyi yihumila khushanya pala petwavele nu mwene mu mkhidunda ikhivalache 19 Tulinalyo ilicho ili lya vuvilisi lyelyasibitise, ambalyo khwailyo mwifanya vunofi ukhulitekelesa. Ngita tala yeying'ala mung'isi mbakha yakhwisha ni nondwi cha khelisotela chechivonekha mu numbula chenyo 20 Muelewake aka kwamba, sikhwevuli uvuvilisi wewiyandikhwa khwasabu ya khwihocha khwa mvilisi umwene. 21 Khwa khuva sikhweyuli uvuvilisi wewayichile khwa makhelo ka mwanadamu, isipokhuva umwanadamu vawesechichwe nu Umbepo Umwimikhe yeachovile ukhuhuma khwa Nguluvi.