¹ Ukhuhumana khwa msehe ukhubita khwa mdala umchakulwa na vaana va mwene yendivakhelye. Ambavo ndikhavakhela na siyo yune tu, ila na vala vote vevayimanyile isalwesi, ² khwa sababu ya salwesi yeyivelemwe mukhati yetu na yehacha yidumu pamwinga nafwe milele. ³ Lukhano,lehama,lufuvo chiva nafwe huhuma khwa Nguluvi babanukhuhuma khwa yeesu khilisitu,mwana va baba, mualwesi nu vupendo. ⁴ Ndikelye sana huvona baazi ya vaana vebita mu salwesi,ngita elede she twa wanushe iamuli iyi huhuma khwa baba. ⁵ Nalino ndahunyilikha uveve mudala, sindakhakhuyandikhila ililakicho ilipya, bali yetwavele nalyo ukhuhumilaka pa khwanja, khwamba twitakhiwa ukhukhelana yuwe khwa yuwe. ⁶ Ili ndyo lilakhicho, kama shemwapulikhe ukhuhuma pa khwanja, ukhutikila mwitakhiwa ukhukenda mu ilyo. ⁷ Pakhuva avadesi volofi vasambaile mudunia yoha,viyidikha ndali ukhutikila u yeesu khilitu ayichile mumuvili. uyu ndyo umudesi na ya vele khinyume nu khilistu. ⁸ Mwiyangalilake yunye nekhe mlekhe ukhuyacha amambo ketumalile ukhukafanyila ikhaasi, nekhe mpate isawadi yeyitosa. ⁹ Yeyohayula yeiyendelele khuvulongolo na siidumu mumavulicho ka khiristi asivele na Nguluvi kaa; yeidumu mumavulicho uyo ndiyo ye avele nu baba nu muswamu. ¹⁰ Uvone umunu ayichile ukhwenyo lakhini siileta ilivulicho ili uyou mlekhe ukhumkaribisa mu nyumba chenyo na mtane ukhumhungila. ¹¹ Pakhuva ye akhamhungila na yumwene ihusikha mumatendo kamwene amabaya. ¹² Ndivele na molofi akahuyandikha,lakhini sindikhalondike mukalatasi nu wino ila nditekemela ukhuyicha kwenyo nukhulongele na khwa ana ili ukhwikhela khwetu khuveechake khutosiche. ¹³ Avana va dada venyo umchakulwa akhavahungila.