ISULA YA 13

1 Iyi yivele mala ya khadatu khutya ndiyicha khwenyo. Khila litakha lasima lichengwe nu khukhusibitisa khwa mashahidi vavili au vadatu.'' 2 Ndimalile ukhuchova khwa avo yevatendile injanangifu kabula na khwa vangi voha umusikha pendavele ukhwe mala ya khavili, na yandichova khangi, Yandiyicha khangi, siachandikhavafumilila. 3 Ndikhavachovela unyenye eili khwasababu mukhamtemla khutya ukhulisiti ichova khulutila unene. Umwene siyo saifu khwenyo, badala yakhe, umwene avele munya ludali mukati mwenyo. 4 Khwa khuva aatesilwe mu vusaifu, lakhini alimuumi khwa ludali lwa Nguluvi. khwa khuva uwewe tulivasaifu mukati ya mwene, lakhini yatwiishi nu mwene khwa ludali lwa Nguluvi mumiongoni mwenyo. 5 Mwichungusake yunye muvone kama muvele mu lufuvo. Mwipimake yunye. Simkundwi khutya uYeesu Khilisiti ali mukati mwenyo? Umwene avele, panginepwe kama simusibitiswe. 6 Na ndina vujasili khutya unyenye yamwikundula ukhutya uwewe siachatwabelilwi. 7 Lino twinyilikha khwa Nguluvi khutya muwese ukhufanya sheshoha ikhibaya. Sindinyilikha khutya uwewe tuwese ukhuvonekhana tulutila amajalibu, badala yakhe ndinyilikha khutyaa muwese ukhufanya shekhivele sahihi, Yingava twivesa ukhuvonekhana tulemilwe ilijalibu. 8 Khwa khuva uwewe sitwiwesa ukhufanya lyolyoha khinyume na salwesi, lakhini yivele khwaajili ya salwesi tu. 9 Khwa khuva twikhikhela umusikha petwiva saifu naanye mngava nu ludali. Twinyilikha khutya muwese ukhufanywa vakamilifu. 10 Ndikhakayandikha amambo aka musikha pendivele pamonga naanye sindilonda ukhuvavonesa uvukhali unyenye. Sindilonda ukhutumila amamlaka Mutwa veandipelye unene ndivachenge na siyo khuvayananga pasi. 11 Hatima yakhe, valongo va khikosi na vakhidala, mwikhelake! mufanyake ikhasi khwaajili ya vulejesho, mtiwe inumbula, mkubaliane yunye khwa yunye, muishi mu amani. Nu Nguluvi va lukhelo ni amani achaiva pamonga naanye. 12 Mwihungilake khila monga khwa busu ivalache. 13 Vaumenivoha vakhavahungila. 14 Ulukano lwa Mutwa uYeesu Khilisiti, ulukhelo lwa Nguluvi, nu vushilika wa Umubepo Umwimikhe uve pamonga nu nyenye.