¹ Vala vondi yevaveele panyi palijoki ngita vatumwa vavatolele vatwa vavo kama vanya heshima chondi, vilondekhwa ukhufanya ewe nekhe ilitawa lya Nguluvi na mavulicho katanake ukhulikwa. ² Vatumwa vanya vatwa avafuvilwe vatanekhusalavu khwasabu avene valongo. Badala yakhe vavatumikhilake necho. Khwasabu avatwa vavo yevitangwa ikhasi chavo vavele vanalufuvo na vikhelwa. Vulichake nukhukatangasa amambo aka. ³ Yingavepwe umunu fulani ivulicha khwa hupotosa na siakhakayanukhila amayelekeso ketu kakhufuwa ambako kavele maacho ka Mutwa vetu uYeesu khilisitu, kama sivikubali ilivulicho lyelilongocha mu vuvalache. ⁴ Umuunu uyo ikhifuna na siamanyili sheshoha. Badala yakhe, anafulugu na mabishano juu ya maacho.Amacho aka kibabaa uwiifu, ngoondo, maliko,shuku mbaya, ⁵ ni fulugu cha mala khwa mala kati ya vanu vanya luhala chechihalibikhe. Vakhayilekha isalwesi. Vihoocha ukhuva vavalache yive njila ya khuva vataajili'' ⁶ Isaichi ukhulisikha nu uvuvalache ni faida ngomi. ⁷ Khwa mana sitwayichili ni sheshoha pa inyi. Wala sitwiwesa ukhutola sheshokha ukhuhuma mu inyi. ⁸ Badala yakhe tutoshekhake ni shakhulya na mafwalo. ⁹ Lino avo yeyacha viva ni mali vibimila mu majalibu, mu muteko. Vavibima mu vupulusi mukhomi ni tamaa mbaya, nu mu khinu sheshoha shekhikhavafanya avanu vasame muhuyangamila nuvuyanangifu. ¹⁰ Khwa khuva ukhukhela ihela ni shanjo sha aina choha cha vuvivi. Avanu ambavo avivavitamani iyo, vapotosichwe patali nu lufuvo na vinyanyile vene khwa lusungu lwolofi. ¹¹ Lakhini uveve munu va Nguluvi, kanyilake amambo ako. Fwatake ihaki, vuvalache, uaminifu, ulukhelo,ustahimilifu nu vupole. ¹² Tovake ifita finofi fya lufuvo.khamulilake uvumi wa milele wewakhemeleliwe. Yaavele khwasabu iyi khwamba wahechiche uvushuhuda mbele cha mashahidi volofu khwa khila shekhivele khinofi. ¹³ Ndikhakhupela iamuli iyi mbele cha Nguluvi, yeisababisa ifinu fyoha ukhuishi ni mbele cha Yeesu khilisitu, yeachovile yeyivele salwesi khwa pontio Pilato: ¹⁴ uyitunjake iamuli khwa vukamilifu, pesipaveli na mashaka, hadi wichilo wa Mutwa vetu uYeesu khilisitu. ¹⁵ Nguluvi yaisihilisha wichilo wamwene khwa musikha sahihi-Nguluvi, mkunilichwa, ngufu chene, mutwa yeitavala, Mutwa yeilongocha. ¹⁶ Mwene umwene iishi milele na yeitama mu mwanga kwesikwiyanangikha. Sikhweyuli umunu yeiwesa ukhumuvona wala yeiwesa ukhumulola. khwa mwene yivechake heshima nu vuweso wa milele. Amina. ¹⁷ Muvachovele avatajili va ulimwengu uvu vataneukhwifuna, na vataneukhuhuvila mu vutajili, wevusiveli nuvuhakika. Badala yakhe, vitakhiwa ukhumuhuvila uNguluvi. Ambaye akhatupela uvutajili woha wa salwesi nekhe tukhelake. ¹⁸ Vachovele vafanyake amanofi, vatajilikhe mu khasi inofi, vavechake vafuchi, nu vutayali wa khuhecha. ¹⁹ Khwa njila iyo achavikhivikhila imisingi minofi khwa mambo kekiyicha, nekhe vawese ukhukhamula maisha halisi. ²⁰ Timotheo lindake khila sheupevilwe. wiyepusake na majadiliano ka vupumbafu na mabishano kekikhipinga ambako khwa vudesi kaakikhemelwa maalifa. ²¹ Baasi ya vanu vavitangasa amambo aka, na ewe valukhosyele ulufuvo .Lukano luvechake pamonga nave.