¹ Lino,khwa mola ya msikha ni nyakati, mlongo, hamuna haja uhutya khiinu sheshondikhiyandikhwe khwenyo. ² Khwa khuva yunye veene mumanyile khwa vusahihi ya khuva ikhikono sha mutwa khiyicha ngita muhiichi sheiyicha pakhilo. ³ Pala pevichova khuna "Lutengamaso nu vusalama," ndyoo uwaanangifu wiyicha ghafula. Ngita utungu shevuhamuyichila umama umunyamudulu. Sivalayeepukha khwa njila yeyondi. ⁴ Lakhini unyenye valongo simuveli mu ng'isi hata khivayiichile ikhikono khila ngita muhichi. ⁵ Khwa mana unyenye nyevondi mlivaana va nuluna vaana va pamunyi. Uwewe siyo vana va khilo au va mu ng'iisi. ⁶ Ewe basi, tulekhe ukhukona ngita avangi shevikoneleela. Bali tutinachake nu khuva makhini. ⁷ Khwa khuva yeviikona viikona pakhilo na yevikaala vikaala pakhiilo. ⁸ Khwa khuva uwewee tulivaana va munyi, tuvechake makhini. Tufwalo ingao cha lufuuvo nu lukhelo, ni khofiya ya shuuma, ambayo ni uhakika wa wokofu wa msikha kwekwiyiicha. ⁹ Hwa khuva u Nguluvi siatuchaakulyeli mwanjo hwajili ya likhoka, bali khwa khupala uvukombochi khwa njila ya Mutwa u Yeesu khilisiti. ¹⁰ Umwene ndyo yeatufwilye nekhe uhutya tuveele miho au tukonelye, ya twaishi pamwinga nu mwene. ¹¹ Khwa hiyo, falijianeni nu hucheengana yunye khwa yunye, ngita ambavyo tayali shemwikhita. ¹² Valoongo tukhavanyilikha muvatambulake vala yevitumikha miongoni mwenyo na vala yevavele juu yenyo ya Mutwa na vala yevishavulikha. ¹³ Tukhavanyilikha khangi muvatambulake nukhuvapela iheeshima khwa lukheelo khwa sababu ya khaasi yavo. Muveechake nu lutengamaso miongoni mwenyo yunye veene. ¹⁴ Tukhavasihi, valongo: mvaonyake yevasihelela khwa vutalatibu, mvasopake inumbula yevakhaatile itamaa mtangake yevavele vanyonge, na muvechake vafumilifu khwa vondi. ¹⁵ Mlolake alekhe ukhuva epo muunu yeyondi yeihomba ilibaya khwa libayakhwa muunu yeyondi, badala yakhe mkhitake kekavele mema khwa khila yumonga veenyo nu hwa vaanu vondi. ¹⁶ Mwikhelake sikhu chondi. ¹⁷ Munyilikhake bila khwilehelwa. ¹⁸ Msengucha u Nguluvi khwa khila lijambo, khwasababu ako ndyo vukhelwa wa Nguluvi uhwetu katika Yeesukhilisiti. ¹⁹ Mtane ukhumuchimya umbepo. ²⁰ Mtane uhusalavu uvuvilisi. ²¹ Mkakelaka mambo kondi. Mulikhamulake lyeliveele linofi. ²² Mweepake khila mvonekhano kwa vuviivi. ²³ Nguluvi va Lutengamaso avakhamilisake muvuvaalache. Mbepo, inafusi nu mviili fitunjwe pepasiveli mawaa khwa khwicha khwa mwene u Mutwa veetu u Yeesu Khilisiti. ²⁴ Umwene yeavakhemelye nu mwaminifu nave ndyo ya munya khutenda. ²⁵ Mulongo, mtunyilikhilake khangi. ²⁶ Mvahungilake avalongo vondi khwa busu imbalache. ²⁷ Ndikhavasihi khwa mutwa uhutya ihati iyi yisomwake khwa valoongo voondi. ²⁸ Lukhano lwa mutwa veetu u Yeesu Khilisiti yive pamonga nanye.