¹ Khwa hiyo petwa vele sitwiwesaka ukhufumilila necho, twa hochiche ukhuva yikha vele vema tusikalake khukhuu khu Athene tweveene. ² Twaseng'ile u Timoteo, mlongovetu na mtumishi va Nguluvi khwa ienjili ya khilisiti, khuvaimalisha nukhuva faliji uhuhusiyana nu lufuvo lwenyo. ³ Twikhita aka khusudi atane ukhuva epo yeyondi vakhu tetelekha ukhukhumana na mapumukho aka, khwa khuva nyeevene mumanyile uhutya tumalile ukhuteuliwa khwaajili ya ili. ⁴ Khwa salwesi, umsikha petwavele pamonga nanye, twalongwee ukhuvachovela ukhutikila twavele kalibu ukhupata amapumukho,na akoka humyele ngita shemumanyile. ⁵ Khwasababu iyi, pendavele sindiwesa ukhufumilila khangi, ndasengile ilikusudi ndiipate uhumanya juu ya lufuvo lwenyo. Hwenda mujalibu aveele angalau amewajalibu, ni khaasi yetu yavee bule. ⁶ Lakhini u Timotheo ayichile ukhweetu ukhuhumila khwenyo na tuletyele imola nofi juu ya lufuvo nu lukheelo lwenyo. Aluchovyee ukhutikila mvele ni kumbukumbu nofu juu yetu, nu khuva mwidobokha ukhutuvona ngita ambafyo nawe shetwidobokha ukhuvavona unyenye. ⁷ Khwa sababu iyi, valoongo twalefichwe necho nanye khwasababu ya lufuvo lwenyo, mutabu na mapumukho keetu kondi. ⁸ Khwa lino twiishi, ndee muyime imala khwa Mutwa, ⁹ khwani chivele shukulani chilihwi tumupele u Nguluvi khwaajili yenyo, khwa fulaha yondi yetuvele nayo mbele cha nguluvi juu yenyo? ¹⁰ Twinyilikha necho ikhilo nu munyi nekhe tuwese ukhuchivona isula chenyo nukhuvayongelecha shekhipungukha mu lufuvo lwenyo. ¹¹ Nguluvi veetu nu Baba yumwene, nu mutwa veetu u Yeesu atu loongoche injili yeetu tufikhe khwenyo. ¹² Nu Mutwa aavafanye muyongesekhe nu khukina khwa lukheelo, ndee mukheline nukhuvakheela vaanu vondi,ngita shetuhavakhitila unyeenye. ¹³ Na akhitake ewe nekhe huimalisha inumbula chenyo chive bila lawama muvuvalache mbele cha Nguluvi veetu na Bba veetu khwa vuyichilo wa mutwa u Yeesu pamwinga na vavalache va mwene vondi.