¹ Paulo, Silwano nu Timotheo khu khanisa ya vatesolanike khwa Nguluvi u baba nu Bwana Yeesu Khilisiti. Ulukano nu Lutengamaso fivechake nanye. ² Twisengucha hwa Nguluvi khila hiyaki khwa aajili yenyo nyevondi, umsikha kwekukhavatambula mumanyilikho ketu. ³ Tuhayikhumbukha bila khupela mbele ya Nguluvi u Baba vetu ikhaasi yenyo ya lufuvo, juhudi ya lukhelo,nu vufumilifu uvunya vujasilli hwaajilli ya pembele hwa mutwa u Yeesu khilisiti. ⁴ Valongo ye mwikelwa nu Nguluvi, tumanyile ulukhemelo lwenyo. ⁵ Na jinsii enjili yetu sheyayichile khwenyo siyo hwa licho tu, bali piya hwa ludali, mbepo umwimikhe,nu hwa vuhakika. Hwa namna iyo, mwamanyile piya uweewe twavele vaanu va namuna gani miongoni mwenyo khwaajili yenyo. ⁶ Mwavele vaanu vakhutuyikilicha u weewe nu mutwa, ngita shemwayandikhe i licho khwa tabu hwa hukhela yeeyihuma hwa mbepo umwimikhe. ⁷ Na matokeyo khahe, muhava mufano khwa vondi mu makeenodiya nu Akaiya ambavo viifuuwa. ⁸ Khwa khuva ukhuhuma khwenyo ilicho lya Nguluvi liyeeniele khwoha, na siyo khwa Mekadonia nu Akaiya veene, badala yakhe, khwa khila mahali ulufuvo lwenyo khwa Nguluvi luyeeniele khoha. Na matokeyo kahe, sitwilonda ukhuchova sheshondi. ⁹ Khwa khuva vaveene vialifu uvuyichilo wetu waavele wa namuna nyilikhu kati yenyo, vaasimulila jinsi shemumugevushele u Nguluvi ukhuhuma khu sanamu nu khumutumikhila u Nguluvi yaavele hayi nu vasalweli. ¹⁰ Vahumiche imola ukhuuva vahamulindila umwana va mwene ukhuhuma khu shanya hwa Nguluvi yeafufuliwe ukhuhuma khwa wafu. Na uyu yu Yeesu, yakhatuviikha hulu huhumakhu gazabu yeyiyicha.