¹ Petulo,mseng'wa va Yessi Khilisiti, khwa vagenji va vutawanyikho,khwa vachakulwa mi Ponto yoha,Galatia, Kapodokia, Asia, ni Bisinia, ² khuhuma nuvumanyi wa Nguluvi khwa khuvalachwa nu Umubepo umwimikhe,khwa vutiifu wa Yeesu khilisiti nakhwa khunyinyizila idanda yakhe. Lukano luvechake khwenyo nu lutengama ³ Baba uNguluvi va Mutwa vetu Yeesu khilisiti na akinikhwake.Mu vukhomi wa lupyana kwa mwene,atupeelye ukhusaliwa vupya khwa vujasili wa vulisi ukhulutila uvufufukho wa Yeesu khilisiti khuhuma mu vafwe, ⁴ khwa vulisi wesiwiyangamila,siachawiva nuvuchafu wala ukhupungukha. ⁵ Utunjichwe Khushanya khwaajili yenyo. Khwa vuweso wa Nguluvi ⁶ Mwikhelake mu ili, hata yingava lino yivele lasima khwenyo khwipulikha husuni mu majalibu ka aina mbalimbali. ⁷ Iyi, yivele khwa sababu ulufuvo lwenyo lwiwesa ukhujalibiwa, ulufuvo lweluvele kwa samaani khulikho isahabu, ambayo yiyaka mu mwoto ambao kwakwijalibu ulufuvo lwenyo.Iyi yayihumila nekhe ulufuvo lwenyo lupate khubaaba isifa,vuvalache, ni heshima muvufunuo wa Yeesu Khilisiti. ⁸ Simwamuwene umwene, lakhini mukhamukhela. Simukhamuvona lino, lakhini mwifuwa mwa mwene na mwikhikhela yesiyiwesekhana khuyelesekha khwa lukhelo ambayo yimemilwe nu vuvalache. ⁹ Lino mwiyanukhila yunye amatokeo ka imani yenyo, uvukhombochi wa harusi chenyo. ¹⁰ Avavilisi valondile nukhuvucha khwa umakini khuhusu uvukhombochi uvu, khuhusu lukano ambayo ngaliyiva yenyo ¹¹ Vatemwe ukhumanya yivele aina kaniya vukhombochi ambao ngaliuyichake.Valondile pia khumanya kuve musikha kani Umubepo va Khilisiti yeavelemukati mwavo aavele ilongela khini navene. Iyi yaavele yihumila musikha peavele akhavachovela mapema khuhusu amapumukho ka Khilisiti nu vuvalache ambao ngaliwamufwatile. ¹² Yaafunuliwe khwa vavilisi kwamba vavele vakhakatumikhila amambo aka, na si khwaajili yavene, bali khwaajili yenyo-amasimulisi ka mambo aka ukhulutila vala yevileta ienjili khwenyo khwa njila ya Umubepo Umwimikhe yeaseng'ilwe khuhuma khushanya, mambo ambako hata umalayikha vilonda khufunuliwa khwa mwene. ¹³ Khwa hiyo mufungake ingudi cha luhala lwenyo. muve vatulifu mu fikila chenyo. Muve nuvujasili uvukamilifu mu lukano ambalo achalwiletwa khwenyo musikha kwa khufunuliwa khwa Yeesu Khilisiti. ¹⁴ Ngita vaana avatiifu, musiyokhufungwa yunye ni tamaa ambacho mwachifwatile musikha pemwavele mungaya vumanyi. ¹⁵ Lakhini kama yeavakhemelye sheavele muvalache, nanye, pia, muve vavalache mu tabia yenyo yoha mumaisha. ¹⁶ Khwa khuva yiyandikhilwe,''Muvake vavalache, khwa sababu Unene ndivele muvalache.'' ¹⁷ Na kama mungakhemela ''Baba''yula yeihukhumu khwa haki ukhulingana khasi ya khila munu, tumile musikha kwa safali yako mu vunyenyekefu. ¹⁸ Mumanyile kwamba siyavele khwa sendi au zahabu -finu fyefihalibikha ambafyo mkhomboliwe khuhuma mu tabia chenyo cha vujinga ambacho mwifunjiche khuhuma khwa vababa venyo. ¹⁹ Lakhini mkhomboliwe khwa dandaya heshima ya khilisiti, ngita ng'olo yesiyiveli ni hila wala ilidoa. ²⁰ Khilisiti aachakulilwe Kabula ya misingi kya dunia , lakhini lino sikhu ichi cha mwisho, afunuliwe khwenyo. ²¹ Mukhamufuwa uNguluvi khulutila umwene, ambaye uNguluvi aamufufwele khuhuma khwa vafwe na ambaye aampelye uvuvalache nekhe kwamba ulufuvo lwenyo nu vujasili vuve mu Nguluvi. ²² Mufanyake inafusi chenyo khuva safi khwa vutii wa salwesi, khwa lilengo lya lukhelo lya vulongo lyelivele nu vunyoofu, ewe mukhelanake khwa bidii khuhuma mu numbula. ²³ Mumalile khusaliwa mala ya khavili, siyo khwa mbeyu yeyihalibikha, lakhini khuhuma mu mbeyu yesiyihalibikha, khulutila uvuumi ni licho lya Nguluvi lyelyasike. ²⁴ Khwa mana '' imivili yoha e ngita matundu, nu vuvalache wakhe woha yivele ngita liua lya litundu. Litundu linyavukha niliua lidima, ²⁵ lakhini ilicho lya Mutwa lisikala milele.'' Uvu vuvele vujumbe ambao watangasichwe ngita enjili khwenyo.