¹ Khila sheshavelepwe tangiya mwanjo-khila shetwakhipulikhe, khila shetwakhiwene khwa miho ketu shetwakhilolile, na matokeo ketu kakhikhamwe-khuhusu Ilicho lya vuumi. ² Nu vuumi vula wewafanyilwe khujulikhana wasi, na tulolile,nu khushuhudila, nukhuvatangi ³ Khila she twakhiwene nu khupulikha tukhakhitangasa khwenyo, nekhe tuwese khuungana pamonga nu wewe, nu vushilika wetu pamonga nu Baba nu Mwana va mwene uYeesu Khilisiti. ⁴ Tukhavayandikhila amambo aka unyenye nekhe ifulaha yetu yitimilikhe. ⁵ Iyi ndyo mola yetwapulikhe khuhuma khwa mwene nukhuvatasikhicha: Nguluvi avele mwanga na mukati mwakhe sikhweyili ing'isi hata khidoko. ⁶ Kama tungatikila tulinawe uvushilika nu mwene na twikenda mu ng'isi twikhichanga na sitwitenda isalwesi. ⁷ Lakhini tungakenda mu mwanga ngita sha vele mu mwanga, twishilikiyana yuwe khwa yuwe, ni danda ya Yeesu Khilisiti.mwana va mwene yikhatuvalacha khuhuma mu sambi choha. ⁸ Kama tungatikila situna sambi, twikhichanga twevene, ni salwesi siyiveli mukati mwetu. ⁹ Lakhini tungahongecha isambi chetu umwene mwaminifu ni haki ukhutusamehe isambi chetu nukhutuvalacha uvuvivi woha. ¹⁰ Tungatikila situtendili isambi tukhamufanya umwene khuva mdesi, ni licho lya mwene siliveli mukati mwetu.