1 Ubhahiti bhasoke abhakoro bhose, kubhasoka, nokwitoghera komerera ghose omichomu. 2 Mubhahiti bhatighe kotengora moto uyo wose oirobhe, ghatighe chahaka, bhabahe abhato abhande bhatere ekina, mwereki Obhuhoreru kubhato bhose. 3 Kokubha nanitwe tware namihebho amabhe nobhushara. Tware torinire bhakatukora abhasese bhobhebhe twikere korihari nobhobhe, twakorerwe na korarana. 4 Ghiki ribhagha rebhingongi bha-Oryobha omotori wito nobhosighe bhache kubhana bharuasabe hamo gharachwe. 5 Twaghere kurahoki ghito ghebhingongi ghano turorire kobhuchomu bhache. akatotorori kokotwisabhi bhuhya, kukoro mangi. 6 Iryobha akutaha akore mangi kohetera omotori wito Yesu kristo. 7 Nakorire hangu atoze kumenya abhato bhano tonyi hamunye irare. 8 Ghano na mang`ana ghogwisereri nekubhenda rurighambe kubuhori amang`ana ghayo kubhuhori, ghokubha bhamwi bhamwiseri Iryobha ghache nakora iyera momereri emichomu abhere yagho mang`ana ghano machomu, na ghaweji nandengeru bhato bhose. 9 Mare motighe obhikara bhekiraghanu bhemumwanyu koheghana gwatoni emitwe kokubha yemeghiro amang`ana ghayo ghatanyi nabhera nandenge. 10 Mumwange uno akwenda kubhatani muramura komuseki rimwe hamwe kabhere. 11 Mumwenye kupwa omoto uyo anyihangu natighire anchera yubhera naghikora amang`ana mabhe naghokomunyohara umwene. 12 Hano komotoma kwiye artemi hanwe tikika kora bhangu uche kweriindo nikopori hano nyhendire kurikara ribhagha riro ryombeha. 13 Nwangohe omotome zena neche emeghira bhainyi na Apolo bhatasuheru nakighera. 14 abhato bhito bhakwenderu bheghe kukora emerre michomu ghino ghekubhasakeri kubhona abhighero bhina bhekweba kufatori tanyi bhino bhitanyi mandonge. 15 Bhone bhano tonyinabho bhaghoghikeri ubhakeri bhali bhatoseghire ghoghwisereri orubhango rubhe naninywe bhone.