Egheseku 1

1 Paulo omphohu wo kristo Yesu, naumwabho Timotheo ko Filemoni omusegha musani wito no mhoki wemeremo hamwe nanitwe. 2 Kobhuhoru bhomuki wito nako Arkipas omosirikare omghendi, nakomakanisa ino bhaghutemerana monyumba yacho. 3 Ombhango nagharea inoekuzwa ghotata Waryobha wito nako omokoro Yesu kristo. 4 Ribhagha rose nekomotuha Waryobha. neghokughamba kobhusabhi bhwane. 5 Nyehure obhuseghe nobhwesereri bhumo bhonyi komokozo Yesu nakobhona abhiserei bhose. 6 Neghusabha kubhoghani bhito bho bhiseri bhito bhubha mbhema bho bhumenyi bhweghesegho ekimanyi kino kenyi ghate yito gho kristo. 7 Ghokubha nenyi nokwiyogwa bwahene yobhuseghe bwacho ghokuba chakoro cha abhasengeru mchihachochereru naniye omwito. 8 Gokubha naghabha menyi nobhosubhe subhe bwose gho kristo ghokobgheri iye ukore kino oghotora ghukora. 9 Mare ghokuba yo obhuseghe, koghayo mikwenda eri paulo mugharuka menyi rebhere mubhohu kogheri kristo Yesu. 10 Umwana wane Onesmo uno ribhwire nenyi mobhohu byane. 11 Ghokubha okumbere ghutanchomire mare ebhere aghuchomire iye nareri. 12 Nemotomire whe uno wakoro yone heeme kugharoka kwiye. 13 Niare ndakina naghusagha nareri hamwe nimerere kumweya wacho ribhagha miriacho hano onyi mokibhoho kokubha agharea. 14 Mare ntyendire mkore mgana iyo yose mtabhire oghwitaberi kwa nyakore hangu ghwokubha ang`ana iyo iyose nimanyi ritakoru ghwokubha mekuhameriri okubha wendire eyimwene koikora. 15 Homwe ngokubha bhamwahwirehwe kho bhugati, yabhere hangu upe hamwe nawe. 16 Ghokubha atabha ghiki omotomwa, tanyi bhwahene ghokera gho omotomwa kyabuno umwanyu omoseghani, kweni, naghokera kwiye, komobheze nakubha komokoro. 17 Nakabhuno hang`u bhakungengheraeni eni mughendi, amatorunganane kyabhuno wanga amang`ana eriri. 18 Kyabhuna aghasareriri ang`ana iyo yose, hamwe monyi na rise nawe yekighero kiyo kyose oghisabhe kurwa kweri. 19 Eni paulo nikwandeke, nikwandeka ghokubhoko kwane enimwere eri neekoreha, nteghamba kwiye kubha neghutai anikara ghacho. 20 Yee mwito, tigha nibwe obuchomu kurwa komokoro wacho; uchomi akono yake gho kristo. 21 Ndabhe nobhirisereri kobhosoku bwacho, neghukwandekera ndamenya kubha ngusebhire.noghukora kuru koheta kyabhuno-ngusabhire. 22 Ribhagha iyo iyo mkore ekenyumba kyomgheni kweri, ghokubha menyi mbwema koheteza obhusabhi bhwacho neghutarere haghughe hangu. 23 Epafra omubhohu omghendi gho kristo. 24 Kebhuno aghukora marko,Aristarko, Dema,Luka, abhahoki hamwe nameni. 25 Orubhango rhomeka Yesu kristo rubhe hamwe na koro yachu. Amina.