Egheseku 1

1 Omoghaluka, ghayo omoseghani unonseghire. 2 Omoseghani neghaghusabhera ubhone mchanhela chacho chose ubhe nobhuhoru, kebhuno akoro yacho eghuchomeru. 3 Kebhuno nyanchomiru hano nyabholiru naabhahiri bhano bhichire bhakaghamba obhuhene bwacho kebhuno oghukora amachomu. 4 Ntigwate machomu ghokera ghano kogwa abhana bhane bhaghuchocha amachomu. 5 Omoseghani, Nikughibwema hano hano oghotoli, Abhahiri na abhageni. 6 Bhano bhalusiri agharea yobhoseghe bwacho mwitongo iyabhasengeri noghukora bwahene kubharahuna morughendo lwaghaleyaluno roghuchomera Ilyobha. 7 Ghokuba yelina, Mbaghile bhatagheghile kighelo kiokyose kulwa kubhato (bhase) bhamatongo. 8 Hang`u tukwenderu kobhiseleli abhato kebhuno bhano tuhoki nabho hamwe obhuheeke. 9 Nyandekire rikinda ang`ana andebhe amarediotroze uno aseghire kubha omukangati wabho taghise rerani nanito. 10 Hayo aribha kacha nikohita amahita amahoki ghache ghano akuhoki, Kebhuno akughamba amang`ana amabhe konitwe, Tasohiru na mang`ana ghano, Uwe umwene takwenda abhahiri, Kuru nakubhareki abhande bhano bhakwighombu kubha nabho abhahiri na kubhahebha bharwe mwikinda. 11 Moseghani utegha kighero kebhe, Amare weghe eghichom, Uno alghukora amachom, Uyo wilyobha, Uno aghukora amabhe akeree kumenya Ilyobha. 12 Demetrio mbamghambire bhose, Mahene nanitwe ntogwire naneche ntonghambire amahene. 13 Nenyi namang`ana marugho ghukwandekera, amare ntikwenda ghukwandekera bhukaramu yobhorure. 14 Amare nekwigombu ghokurora chasiko chino ntokughambana naniye turamohererani. 15 Emirembe gheghotu mbane, Abhasani mbaghoghukeri. Ubhakeri abhasani keumwe korina lyache.