Egheseku 2

1 Ghokubha, iye mwana wane, eturu changeru kho bhokumi bhuno bhonyi mo Kristo Yesu. 2 Na mang`ana ghano rwogwire kweni ghati ya abasaiti abhare, ughatore khu khato abhatobhiru bhano bhaghotora kweghi abhande bhose. 3 Ubhena nyako hamwe na nane, ko omosirkare omumanyio kristo Yesu. 4 Tanyiho mosirikare uno akuhoki ribhagha riyo arakora emeremo eghende hang`u ghyo kumenya ghe mose, atore komotegheri omokoro wake we meremo. 5 Gwiki omote aretora ghokindana kyo muryori, takuhabhu atuho ariang`a kuryara kureng`ana na bhuri ikwenderu. 6 Mmahene kubha omoremi uno anyi wachang`uru abhe omumbere kubhona ahohi yi bhyukori bhyache. 7 Witeri kughano nekobhugha ghokubha omokoro naghokuha obhumenya khu mang`ana ghayo. 8 Omohite Yesu kristo kura mo rwibhoro rho Tauti uno aryokire kurwa mu bhaku. Ino nkureng`ani na Obhurang`ani na obhurang`ani bhwane bhwa amang`ana amachomu gha Yesu. 9 Bhuno ghokubha ye bhayo nekuuyakibhu kuru kubhona eminyororo kyo omusari. 10 Khu ghayo, nekoghumeriri amang`ana ghose gho ghiri ye bhano Iryobha rimarire kwahora, kubha bhos bhabhubhona obhotoribhu bhun bhonyi mo obhokumi bhwi irare. 11 bhuno mbo gwisegha '' Alibha tokure nawe, ntokubha bhahoru hamwe nawe gwiki'' 12 Aribha turughumereri ntoghutemi hawe nawe ghiki, aribha ntokumwanga we, wose gwiki, naghutwanga itwe. 13 Aribha tutakubha bhatobhiwe ewe naghusagha kubha muhene gho kubha ewe taghotora kwiyanga umwene. 14 Mwenderere kubhahiti ighoro ya mang`ana ghayo ubhashangi ambare yi Iryboha otighe kushang`ana kumang`ana kumang`ana. Ghokubha tutanyi na bwere kung`ana ino ko ghiri ya rimonyiho obhusari kubhari bhano bhaghutegherera. 15 Mwikonyi kwiyerekani kubha wisereribhu ni Iryobha omukori we meremo atanyi na ghesegho gyo kung`achera ohokeri ang`ana ye bhuhene ko obhuhene. 16 Wikabhahe na ebhighambo bhemose, bhino bhihahata hanene ko bhobhe. 17 Amaghamba ghubho ngangusahene ke eghesese, mubhayo nanyimu himenayo na bhireto. 18 Bhano nabhato bhatanyi na bhuhene, bhakobhugha kubha obhuryoki mbumarire kubha, mbakugharora imioyo gha bhato. 19 Nabha hangu atange ino ikongire ghi Iryobha nyiemerire uno wandekire kubha, omokoro nabheche bhano bhanji abhache, na uno akoritara erina ryo mokoro yekomuhamereri atane na obhutaraighanu. 20 Mo nyumba ya bwame, tanyi kubha mbenymu ebhighero bya amaghasi na shaba ibhene. Mare mbenyiho bhye emete, no obhutoto ebhimwe ku mahoki ghe egheseko ne ebhende ku mahoki ghano ghatanyi ne egheseko 21 Alibha omoto nakwiyeri umwene urwa kumahoki ghano ghatanyi ne egheseko, uwe nabere ekighero kyo ghosoka nahwiru sigiseri ku bwera bwo omoko, na hatoruru ko omore omumangi. 22 Uugose muraka we kebureri, urakora obhuhene, obhwiseri obhusange na aghareya na bhari bhano, bhakomobherekera omokoro ghu chakoro chero. 23 Mare wange obhuragharu na amabhori ghe ekebhese. kwo kubha weche kubha ngahaibhora rireghe. 24 Omutamisi wo omokoro tukwenderu koreghesa, kughayo nukwenderu kukwa muhoreru kubhato bhose uno aghatora kweghi na moghumeriri. 25 Na kwenderu abhereki kwo bhunyohu bhano bhakumwanga hamwe etorokane Iryobha ribhkore bhatighe amasari na kumenya obhuhene. 26 Batore kubhona obhumenya gwiki na gwisacha emutegho wo risambwa, bhacha kubha mbagwatiru nawe gho ghiri ye masige ghache.