Egheseku 2

1 Abharoti bhobhini mbakwiyerekanimo Bhisiraeli na abhegi bwo bhurongo mbakuja kuriki kuinywe ko obhobhisi mbakureta ameghigho bhurongo nabho mbakumwanga omokoro uno abhaghorire. Mbakwirusi amasari ighoro yabho. 2 Abharu mbakoheta anjera yabhoye chasoni, na mbahohetera komotiyata anchera ya bhene. 3 Ko obhusohu mbakubhanghoka abhato kohetera ku amang`ana gho bhobhini anchagha yabho tekuchera obhusari tibhokugu ata. 4 Mare Waryobha tabhatighire bha maraika abhasari. Mare mbabharekire nyari, kubhabhoha ne minyororo kebhuno bhatenirwe ekina. 5 Mare waryobha tikonyeriri koose ye kere. mare nambechire Nuhu uno anyi no bhobherekero obhuhene, hamwe na abhande mohungate chasiko chinyo na bhatigire. 6 Waryobha akirina ikyaro ke sodoma na gamora kirengero kubha ribhu ko ubhusari bhuyo bhuye bhubhe ikereekeryo ko obhosho. 7 Mare nakorire hangu namoroche Lutu omoto uno are nobhuhene bo kwikumberire na atemo ambe bhano bhatakugwata emegiro ghe Waryobha. 8 Ko kubha omoto uyo nare no bhuchomu bhwabho siko chose nanyakire umwene ku mang`ana ogwire kurighi. 9 Kobhuyo Omokoro neche kotori abhato bhache ribhagha vya nyako. kebhuno ahikonyereri kubhasari ko kotena ekina korosiko rorehika. 10 Ku ghayo omokoro neche umwene bha kughi k umwene motighe kubha na mang`ana ghe emebhere kutaraha ubhukangati. abhatobhayo bhanyi hangu bhasubhesubhe komeghiro gyache. Tibhahatina na kutahara abhahoro. 11 Naghamba bhamarai mbanyi nobhotora na changuru kokera abhato mare tibhakotora kureta kotena ekina mare Omokori niwe akotena. 12 Mare amatyeenyi ghano ghatanyi na mategherero ngakorire na kusirekera. 13 Bhano bhakunyaharwa kumareho ghasari ghabho omwise moghima, mwikare na abhatare ghanu bhichwire obhokoro na amasari kuchomeru kunyinwa na kuchomeru. 14 Amiso ghabho gakundekiru no ubhutari iibhakwighota kukora amabhe.Nahabhanyire na kubhaghisi abhato bhano bhakurwa ko Yesu ku masari, mbichwire amabhe bhano bhihimirwe. 15 Mbatighire anchera yehene bhaghire monchera ya abhatari mbasighire ababhe bhano bhakukara amabhe na masari. 16 Mare mbareghesire kumasari ghabho atikere ino yareri mumu ikaghamba ko riraka ryabhato akimereri abhachuru nebhehwe. 17 Abhato bhano bhanyi ne kesima ghitagwete manche, na amasaro ghatanyi na manche, risaro ririto rino riheghendwa no omukana ritagwate kighero. 18 Nahaghamba ko kwisimi chwee mbahisirakera ku mang`ana ghomobhere mbahabha nyina abhato mbakung`osa abhato bhano bhata hisereri. 19 Kubheghana na abhato bhakoro abhana abhanyi, abhasese bha amabhe. mare abhato mbakorirwe kya abhasese nako atakukara. 20 Uno akwirusi kobhokoro bwase kutumera amanyi komokoro wito amotori Yesu kristo nakugharokera obhuhara amang`ana ghache ngakubha mabhe chwee. 21 Bhano irabha abhato wayo bhateche anchera ye hene kotigha chaamuri cha nchomu china bhahebhwe. 22 Tikwenderu abhato bhatangamenyire anchera anchomu na kuimenya ikighambo kina kehene asese yihagharokera kuri amaroki na angere nokuyisabhi igharo mwitoto.