Egheseku 1

1 Kurwa komgharuka kughi khomkazi uno ahweru nabhana bhache bhano nseghize heme, ghwiki tanyieni hangu, nkobano bhose bheche amaheme chee. 2 Nkumaheme ghano ghanyi kwinywe gwiki ghano ghagwikara hamwe nanitwe kimwe kimwe. 3 Aniyomo nobhutobhiu naghazea mbekubha nanitwe kurwa ghotata Waryobha nokuzwa khoYesu kristo umwona whotata kohene nobhuseghe. 4 Nikhogwa bhahere chwee niwarire kumenya mubhana bhayo mbanyimu bhano bhakughi nobhuhene kyabhuno hangu twabhine atongera ino yarure ghotata. 5 Ghwiki rebhere iye mreghusasama omukari, hamwe meghukwandekera atongera ngono tware nagho kurwa simoka yikwenderu tuseghane itwe ghwitwe buno mibwe obhusegani bhuno bhukwenderu toghi nabwe kuringana natongera 6 yache. Ino miyo atongera yache ino moghure kurwa nakare mkwenderu kughi nayo iyo. 7 Ghokubha abhanginereri mbaru mbasanche mose ghwiki bhataghuseri kubha Yesu kristo michire kwomobere. Oyomiwe among`imereri mumwangi wakristo. 8 Mwiyangarere enyubhene mtacha korimeri amaghana ghari twamarire kare ghukorera emeremo muche mhabhu atuho ehikire. 9 Whose uno aghukangali ambere ghwiki taghukara mubherekereri bhokristo tanyi na Waryobha uno agwikara mubherekereri bhotata nu mwana wese. 10 Aribha omoto aracha kwinywe atakureta ubwerekereri bhuno mtacha komwisereri mchanyamba chanyu kuzu-mtamkezi. 11 Ghokubha uno aghukerani nawe munobhaghusanga nawe amabhe ghano aghukora. 12 Nenyi namahoki maaru ghano ugukwandekera, ntyendire mgandeke mwitaratasi (Righara) iyo nobwino mare mekuiyogwa kucha buwanyu tughambane turamoherani mobhosho nobhosho kobhuchemeru bwito ibhone ghukoru chwee. 13 Abhana bhomuki wanyu umoghwa unoahwiru mbakubakeri.