1 Bhano bhose bhanyi hase mchanyangi chabho kyabhuno abhatomwa bhabhagheghere abhakoro bhabho bhanyi egheseko kyose. mbakwenderu ghukora hangu ibhe erina re Wryobha namerekereri ghache ghatatokwa. 2 Abhatomwa bhanobhanyi nabhakoro abhisereri bhatabhataraha ghokubha abho mbaumwabho. kobhonde mbabhahokeri ghokera hayo.ghokubha abhakoro bhabho mbaghotoribhwa emeremo abhisereri ghiki mbaseghiru. Erekereri nokuraghini amang`ana ghano 3 Aribha omoto omurebhe nakwerekereri ghano ghatanchere ghatakughwata bhwito bhuno bhwamahere, amang`ana ghano ghanyi gho omokoro ito Yesu kristo, ghokubha aribha bhatiseriri erekeri irorikweri kho omtobhiu. 4 Omoto uyo naghikori mare teche kyose, nanyi nobhusarisari namahakano nghoro kumang`ana ghano ngahibhora rihari, ubhutamani, amatoki,obhwitwaki obhobhe. 5 Na abhoghobhogho hyokwigarokera ghate mubhato bhemitwe emebhe ghino-ghisarekire bhano bhaghotigha amaheere, amituri ghabho kubha obhutobiu na mchera yho kubha nubhame. 6 Ebhere ubhutobhiu no kubhona arianhwo ankoro. 7 Nokubhatotichire nakighero kiyo kyose mose.Naabha tutaghotora kughegha kighegho kiyo kyose kurwa mose. 8 Kughande, ibyakwi ni myando bhetusire. 9 Ebhere bhayo bhakwenda kubha nibhame mbakugha kho Obhuraganu bhwaru nu mwoyo omobhe, na ghokighero kiyo kyose kino ghekubhageri abhato bhimeri nagho sirekerera no bhusari. 10 Ghokubha ghusegha chachera nikyo eghitangi kyobusari abhato bhano kwighombu iyo. ghusari ubhema kure no bhisereri na bharing`utire abhene khobhutaka obhwaru. 11 Mare, iye omoto who Waryobha ghang`ose amang`ana ghayo noghi na maheene, ubhutobhi, obhuheene, obhseghe, ubwikongereri no bhuhoreru. 12 Rwara rihe richomu nyobhisereri.ghaterera obhuhori bho milele uno obherekeriru inoyabhene ghokubha rarusiri aghareya ambere ya bhoghwi abharu ghokiiri kyare eghichomu. 13 Nyaghukura emeghiro ghino ambere yhe Waryobha unoakogheri ebhighero bhyose kubhaho, ambere yho Yesu kristo uno abhughire heene iyo kho Pontio Pilato. 14 Wangarere eeemeghiro khobhuhene, ghuta na ruhalo kuhikera okucha kho omokoro wito Yesu kristo. 15 Waryobha nakwiyerekani ghokucha kwa kho bhughati hangu enyi Waryobha, mubhe norubhango, ochanguru, omchama omkangati, omokoro uno akwerekereri. 16 Niwe umwene agwikhara mubhero buno bhatagwisakerera moto tanyiho uno aghotora komwerera hata uno aghasaki komorighi.Ghukwacha kibhe eghesoko no oghotora iare Amina. 17 Ubhabhorere abhame bhano bhanyi more ino bhatacha gwikori, bhatacha ghwitengera ubhwane na bhano bhatanyi ghotora kumenya kwighisani kwache, mbakwenderu ghwitengera Waryobha uno aghotuha ubhwane bhose bhoheeme tuchomeru. 18 Ubhabhorere bhakore amachomu bhaamehe kho merero emichomu, bhabhe abhaheene, kubha muhani. 19 Ghomcheza iyo mbagwitorera obhorose obhumangi kumang`ana ghano ghakucha ghakubha bhatoze kugwata ubhwikar ino etubhene. 20 Timotheo, Choonga kino bhakuhere, otighe nebhikaro bhyekiraghanu na amahokano ghano ghakwihakana ghano ghanyi gho bhurongo ngahabherekeru amang`ani. 21 Abhato rebhe mbaharaghani amang`ana amang`ana ghano, na hangu bhabori ghurereri, orubhango rubhe hamwe naniye.