1 Paulo, omotomu uli ukristo Yesu, kureghana nemighiro, ghi-Iryobha omototori wito Yesu kristo anyi omteremu wito. 2 Kumwana wane Timotheo Obuhene mbonyi nobhiserire, orubhango, Rehema nobughare ya chino chekurwa mwi-Iryobha Taaa na kristo Yesu omokoro wito. 3 Kebhuno nyakusasamire hano nyatanirwe kughi makedonia, usaghe Efeso ubasakeri kubhatora ni abatonyarebhe bata cha kweghi kubheghi angana itanyi bhena. 4 Watategerera righanona kwesabhu nasaha na chino chitagwate mohiiko.gayo ngahahangeri mlashang`ana bhobhe gokera kubasakeri ghoku mereri mpango wi-Iryobha wobwisereri. 5 Gokubha asirimo yane negotomire kung`ana himo obhoseghi ni burwe mkoro inyero nirarire gukora amachomu na obwisereri bwahene. 6 Mbanyiho abhato abhande bharimiri omohiki baghatigha ubwerekereri nabho nabhi shororeri amaghambano ge kigege. 7 Mbakwenda kubha abherekereri bhantongera, amare bhateche kinobhaghughamba na kino au kuragereri. 8 Gokubha ntwenche amtongero ni mangi komoto uno akhuhokeri bhahene. 9 Ntweche kubha amtonghera tiyakoriru komoto omgareya ghokubha yakoriru kubhano bhakwang`a antonghero uwangi bhano bhateche angana Iryobha na abhakori bhamabhe nabhano bhataghate Iryobha na abhabhe, ikoriru kobhano bhagwita bisena bhanyi na bhabho na kobhiti. 10 Na kwa abhatari na kwa abhasino nakubhari bhaghugwata abhato, nakubhakora abhasese, kubhabhihi na kughambera abhato amanghana ghobhurongo, na wosee wosee uno anyi ekenyume na merekereri ghobhuhene. 11 Amaerekeri ghanongha kurwera na anghana Iryobha ko obhuchomu bwi-Iryobha unondokire kugayo nisereribhu. 12 Wachomiri Yesu kristo omokoro wito nantori rechanguru, nagho kuba nambarirwe en inibhe mtobhimu, aghantora mkachi yache. 13 Yale omoto ukwanga ang`ana Iryobha, omnyaki, omoto wahireghe, amare nyabwine ubwema ghokubwa nyakorire amang`ana ghobhugheghe ghokubha ntamenyire ang`ana Iryobha. 14 Amare orughango rwi Iryobha lito nichwire obwisereri na mighagano ghanyi ko kristo Yesu. 15 Obhotomi bhumo mbha mang`ana amahene mbukwenderu mototurunghane inyobhose kubha kristo Yesu nichire kubatori abhakori bhamabhe, enyi mobhe nenyi kokera bosee. 16 Amare eni nyabhine ebhenighong`i mkoro yaneeni amare gose gosee, kristo Yesu akereki obwikongereri bhose, nakorire hanghu gokutogereri kobose bwa mwiseriri wee bhabe nobhuhori irare. 17 Nakomtemi uno atanyi nirare, uno bhatakomorighi, Iryobha irene ibhe nashughara, orubhanyo simoka na ibhe hangu. 18 Nekuretire ng`otome ukangiti anga hiyoo Timotheo, mwana wane neghukora hangu kureng`a na obhuroti buno bhuru sibhu akumbere gukwerekera iyee, kubha nokusakerihe richomu. 19 UKore hangu kubha ubhe naghare ya omkoro umwero.abhato abhande bhakaghangha bakasarii obhisereri. 20 Kebhuno bhayo himeneyo na alekizanda bayonihere risambwa amare abherekereri bhatasari.