1 wosewose uyo ukamwamini Yesu nuwe kristo uyo nibhwiri na wa-Ryobha, na wosewose uyo amuseghile nuwe arule ghotata uno aseghere abhana bhache. 2 Kwa lino tumenyire tubhaseghere abhana bha-Walyobha-hano tuseghile Walyobha, kusegha kutongera kwache. 3 Hayo niho tuseghire Walyobha na kughwata ubhutongeri bhwache na ubhutongeri bhwache mbohoho. 4 Ghokubha uyo ibhwiru na Walyobha nuwe ashindire amatongo nakuyo niko kushinda amatongo obhwisereri bhwito. 5 Uno ashindire amatongo nuuli iseriri kubha Yesu numwana Wilyobha. 6 Uno niwe ichire kwa manche na masahe-Yesu kristo tichire na manche aghene ila nichire na manche na masahe. 7 Ghokubha mbanyiho bhatato bhagharea anchomu. 8 Akoro, amanche na masahe. Bhano bhatato mbisererini ghukumeriri, amang`ana ghano tata ang`ana na akoro atobhihu ghatakubhoneka mnyarubha ino isaghire anchomu yakare. 9 Arabhe nogheseriri agharea yabhato umenye agharea ya-Walyobha nenkoro.Ghokubha agharea ya-Walyobha niyoino agharea yumwana wache. 10 Uno iseriri umwana Walyobha nanyi nagharea yamose yache umwene na wosewose uyo akwanga agharea Ilyobha amkore aretire yu mwana wache. 11 Na agharea niyo ino kubha Ilyobha ndetuhere obhuhoru bhwachasiku choose na obhuhoru bhuyo mbonyi kumwana wache. 12 Uyo anyi numwana nanyi nobhuhoru uyo atanyi numwana Ulyobha taghatwe obhuhoru 13 Nibhandekire ghayo mumenye kubha monyi nobhuhoru bhwachasiko choose. 14 Bhuno nibho obhuhari tonyi nabhwe ambere yache kubha turasabhe ekighero kyosekyose kebhuno akwenda nakutoghwa. 15 Na arabhe ntweche nakutoghwa kyosekyose kinotokumsabha tumenye kubha ntonyi nakyo kinotumsabhire. 16 Omoto uno akurighi umwabho arakora amabhe ghano ghata kuhira moroku nakwenderu asabhe Ilyobha rimuhe obhuhoru nekughamba kwa bhaari bhano bhaghukora amang`ana ghali ghatakubhahira moroku nganyiho amang`ana amabhe ghakutuhira moroku ntekughamba kubha ikwenderu kusabha amang`ana amabhe ghayo. 17 Kusari kose na mang`ana amambhe nganyiho amang`ana amabhe ghano ghataghotuhira moroku. 18 Ntweche uyo ibhwiru na-Walyobha taghukora mang`ana mabhe uno ibhwiru na Walyobha mbamutindekire abhe bhwahene na uuri omobhe takumukora kebhe. 19 Ntweche itwe ntonyi bhilyobha na ntweche kubha amatongo ghose nganyi hase mobhutawara bhomoto omobhe. 20 Ntweche kubha umwana ulyobha nichire naghuruha obhung`eni, kubha ntumweche uuri anyi nobhuhene bhumwana wache Yesu kristo.nuwe Walybha umuhene obhuhoru bhwachasiko chooose. 21 Abhana abhachomu motighane na cha sanamu chokubhacha