Egheseku 3

1 Morighi amiigha kebhuno ganyi ghano taata atuhele, tobhelekele abhaana bi-Iryobha hangu tonyi hase tiitweche ghokubha hase tiyammenyile wee. 2 Habhahiri itwe lebhere na bhana bi-Iryobha tutamala tumenya kebhuno tokubha, ntweeche kristo alache kubhonekana ntoghutubhana nawe, ghokubha na nawe, ghokubha ntokumlola kebhuno anyi. 3 Na kila omoto amole anyi nachanguli mbwe kumwelekela chasiko chiino chekucha kwawe na kwimusa umwene anyi muchomu. 4 Kila omoto umo akwendelea gukhola amabhe na amabhe, amang`ana amabhe amabhe gwukobha amang`ana gwobhobhe moiro. 5 Mweche kristo nabhonekile kolusi omisambwa ghosee na mkoro yache tanyi na misambwa. 6 Tanyiho omoto uno agwiserieri ghukola amang`ana amabhe amabhe anyi na Yesu, tanyiho omoto umo akwendelea gukhola amang`ana amabhe alabugha namwiselili Yesu. 7 Abhana abhachomu mtacha gwisereri kunghinwa no mo moto wosee wosee, umwana wi-Iryobha nichile kwanga amangana ga lisambwa. 8 Omkori wobhobhe huyo wolisambwa, gokubha momkori wobhobhe kurwa imoka gokhubwa umwana wi-Iyobha mchile asali emelemo gemisamba. 9 Humo ibwiru ni-Iryobha tagukola amang`na amabhe, ambusuro Iryobha egwikara mkoro yache tagusaki kwendelela ghukola amang`ana go kubha nibwiru ni-Iryobha. 10 Gukhubha abhana bi-Iryobha na abhana bemisambwa mbamwenyene wosee wosee humo ateche huli ataseghile umwabho 11 Gamo niigho amang`ana mogwire kulwa simoka ntukwenda tosigane itubhane gwitubhene. 12 Tanyi kebhuno kamiale mobhobhe aghita umwabho, kohobeka amwitile? go kubha amang`ana gaachengare amabhe, amang`ana ghaumwabho ngale machomu. 13 Habhahiri bhaane mtahongora haasare ilabharege. 14 Ghokubha ntweche ntumalile kulwa mchaku, tusohire mobhuhoru, go kubha ntubhasegire bhaomwito, wosewose humo ataseghile abhato nangwikara moroku. 15 Omoto wosewose huno aleghire umwabho no mwiti, na mweche obhuhoru bwi-Iryobha bhutahikara momwiti. 16 Gokubha ntweche amigha, ghokuba kristo namsiri obuhoru bwache komtwe itobhose etughani korusi abhuhoru bwito kubwahiri. 17 Omoto wosee wosee huno anyi nabhighero nakomorigi umwabho omusabhi, mare takwenda komsakeri akong`iri akoro yache je amigha ghi-Iryobha ngangwikarabwe mkoro yaache. 18 Abanebhane abhasani bhano tutasegha kweminwa na kumang`ana aghene ila kumang`ana amachomu na ghubwema. 19 Gokubawa itwe ntweche itobhose ntweche ntonyi kubwena bwahene, chakoro chiito nchemwiseriri wee. 20 Na alibha chakoro chiito nteghutwa momera Iryobha ni korolitangha chakoro chiito niweeche amaghana goose. 21 Abhasani bhame alibhachakoro chiitocheko nchegututongera ntonyi nobwisege kwi-ryobha. 22 Kwosee kwosee kimotoghusabha ntogho kibhona kurwa kwawe, gokubha ntwangwatire antongeloyache go kubha ntoghukora amang`ana ghano ghakotuchomera mubwema bwaache. 23 Na hino niyo antongelo yaache egutughani gwisereri orina rumwana wachee Yesu kristo na toseghane itobhene gwitobhene atuhera amtongera yache. 24 Huno agochigwata antongero yache nagwikara mkoro yache, Iryobha ndehikara mkoroyache gokubha ntweche na hikara mkoro yiito kwakoro ino atuhere.