¹ Ubhwandilo ubwa inongwa nyiisa isha Yeesu Kristi, a mwana ugula Chala bwo ubhu. ² Inongwa ishi shikabhoneka isa mumwo shikasimbigwa mwa kalata uguwa musololi Uyesaya, ''Uchala, akati tesha ingumutuma ugwandumi gwangu yuyo itiakutangile, nu kutendekesha isila yaako. ³ Umundu yula akwitisha mu matengele akuti, ''Tundekeshanga isila iya malafyale gholoshanga isila shiisho ndiakaghendaghe.'' ⁴ Ugwandumi ywa aali gwi Yoahani umwoshi akabhoneka mu matengele akalumbililagha ukuti abhandu bhoshi bhapinduke ku mbiimbi shabho. ⁵ Po abhandu abhingi ukufuma ku kaaya aka Yerusalemu na mu mbafu shoshi isha mukaaya aka Yuteeya bhakabhukagha kwa Yohani, bhakilatagha imbiimbi shasho ghwepe akabhoshanga mu lusoako ulwa Yorotani. ⁶ UYoohani akakwatagha umwenda ghuugwo ghukasonighwa na meeya agha ngamila nu lukobha ulwa likwela mu bwuki ubwanmu matengele. ⁷ Po akalumbililagha ku bhandu akadingi, ''Kunyuma kukwangu akwisa umundu ugwa maka ukunyinda une, yuyo indabhaghile ukubha mumbombi gwake sona indabhaghile ukufulama nu kusatwa utughoye utwa mu filato fyake. ⁸ Une inyubhosha na miishi gheene loole umwene itikabhoshange mwa mbepo ukwelu.'' ⁹ Ku kabhalilo kalakala uYesu akiisa ukufuma ku kaaya aka Nasaleeti iya mu kaaya Ghalilaya, akabhuka nu kumwagha uYohana mwa po u Yohani akamwosha mu lusoko ulwa Yolotaani. ¹⁰ Bwo uYesu aatiila ukufuma mu miishi, akaagha kumwanya kwighuka, nu mbepo ugwa Chala yuuyo akaghelela ni ghunda akilomuka papake ukufuma kumwanya. ¹¹ Po ishu likapulikigwa ukufuma kumwanya likati ugwe uli mwana gwangu umughanigwa, inguhobhoka nuugwe.'' ¹² Po umbepo ugwa chala akamubhika uYeasu mu matengele. ¹³ Akiikala kulakula amashiku gho, akikalagha pamupene ni finyamana pabhumalilo bwa mashiku agho, akagheligwa nu Seetano. Bwo usetano amweka, abhandumi abha chala bhakisa nu kumubhombela . ¹⁴ Uyohani akapinyigwa mu munyololo po uYesu akabhuuka mu kaaya aka Ghalilaya akalumbililagha inongwa iya Chala, ¹⁵ Akatingi, ''Akabhalilo aka chitangalala icha Chala kafikite. Soona ichitangakila icha Chala chili papipi pinduka gha nu kwitika inongwa inyisa'' ¹⁶ UYeesu akaghenda kulubhafu ku nyanja iya Ghalilaya, akabhabhona abhakola gwi Simoni nu gwamwabho Undeleya bhakuponia ifilepa mu nyanja. ¹⁷ Po uYeesu akabhitisha, ''Isagha mungongaghe une, itimbape imbombo iya kubhabhungania abhandu ukufuma mu mbiibhi shabho nu kubhabhika kwa chala.'' ¹⁸ Po bhakafileka ifilepa fyabho nu kumukonga uYesu. ¹⁹ Akaghenda pandashi panadi, akabhabhona abhandu bhabhili bhabho bhakabha gwi Yaakobhu nu Yohani abhena abha Sebhetaayi, bhope bhaka bhamu bwato bhakatenelekeshanga ifilepa fyabho. ²⁰ Akabhitisha ukuti bhamukongaghe po bhakamuleka ugwise gwabho pamupene na bhambambombo bhali mu bwato, abheene bhakamukanga. ²¹ Uyeesu na bhamanyili bhake abha kashuka nu kufika mu kaaya aka kapelabhumu, bwo lyafika ishiku ilya sabhati bha kingila mu sina ghoghi po Yeesu akanda ukumanyisha. ²² Abhandu bhoshi bhakaswigha ingani ni fimanyisho fyake paapo atakama nyinga ingati abamanyishi abha ndaghilo isha Mose lole akamanyishagha na maka. ²³ Mu sinaghoghi mula akabhamwo umundu yumo yuuyo akakoligwa nu mbepo inyali, akakuuta ingani, ²⁴ Akati, ''Tuli bhuki tweshi gwe Yeesu ugwa mu Nasaleti? Kali gwisile pakutughogha? Nakumanya ugwe wi mwelu gwe ufumute kwa Chala!'' ²⁵ Po UYeesu akayikemela imbepo inyali yila akati sumba, ''tilakimwo mundu uyu. ²⁶ Po imbepo inyali yila yikamuyunyania na maka umundu yula yikakuta ishu ikulu nu kulilaamwo mu mundu yula. ²⁷ Abhandu bhoshi bhakaswigha, nu kubhu usania bhakati, ''Tesha? Akumanyisha ifimanyisho fyake ifipya na maka? Sona akushilaghila ni mbepo inyali shope shikumupulika!'' ²⁸ Inongwa shake shikafumukwa lubhilo mu twaya tweshi utwa mu kaaya aka Ghalilaya. ²⁹ Uyeesu na bhamanyili bhaake uyaakobhu Uyohani Usiimoni nu kubhuki ku nyumba iya Siimoni nu Ndeleeya. ³⁰ Bhakamwangwa mula ung'inafyala ugwa Siimoni aghonite pa chitata kunongwa iya sekema po bhakamu pangila UYeesu isha sekema yaake. ³¹ Po akapalamila papiipi, akamwikata akakono nu kukwiula; nakalinga umokolo ywa akapona isekema yake akaanda ukubhabhombela. ³² Bwo isubha iyashililika,abhandu bha kisa kukwana bhabhine abhingi na bha abho bhakabha ni mbepo inyali. ³³ Po abhandu abhingi abha kaaya kala aka kapelanabhumu bhakabhunyana pa mulyango. ³⁴ UYeesu akabhaponesha abhandu abhingi, bhabho bhakabha na mabhine amingi nu kushikisha imbepo inyali atakashilikisha ukuyugha shimo paapo shikabha shimumeenye. ³⁵ Ishiku ilya ningelo pangelo ingaani bwo kukali ukucha UYeesu akalaabhila ukubhuka pa bhuyo ubhushifu, akipita. ³⁶ Po Usiimoni na bhanine bhakabhuka pakumwonda. ³⁷ Bwo bhaamulagha, ''Bhakamubhula bhakati abhandu bhoshi bhakukulonda'' ³⁸ Umwene akabhabhula akati, ''Tubhuke mu twaya utwa mupiipi ukuti kwope tuye tulumbilile inongwa inyiisa, paapo niisile pakubhabhombela abhandu bhoshi.'' ³⁹ Po akabhuuka mu twaya twoshi utwa mu Ghalilaya nu kushikiisha mbepo inyali. ⁴⁰ Po umundu yumo yumo akabha ni mbugo iya makete akabhwuka kwa Yeesu, akafughana nu kumusuma akati, linga gwitika ingusuma ghunyelifye.' ⁴¹ ''Ichisa chikamwagha UYeesu, akagholosha akakono kwake akamweghelesha akati, ''Niilika. Gwelupe.'' ⁴² Nakalinga, imbungo iya makete yikatila umudu yula akeelupa. ⁴³ Po UYeesu akamubhula ukuti abhuukaghe lubhulo nu kumusoka ku mama akati, ⁴⁴ Manye, ''Umubhuwaghe umundu yumo loale ubhuuke uye gwilangishe kumukuhani nu kusopa fiifyo Umose aalaghiile, ukuti bhamanye ukuti uponite.'' ⁴⁵ Loole umundu yula atakasumba akabhuka akanda ukufumusha inongula isha mumwo UYeesu akamuponesha pooshi pala akabhukagha. Panongwa iya nongwa isho UYeesu akapotwa ukwingila mu kaaya koshi kala papwelu paapo abhapo abhandu bhakabha bhingi. Lole akiikala kuse kuukwo kutakabha na bhandu, poope abhandu bhakamu bhunganila ukufuma mu mbafu shoshi.