¹ Popo akabhalilo ako, Uchala akabha sala sabhini bhamo, nukubhatuma bhabhili bhabhili bhatangile mkafya koshi koshi kako alonda ukujya. ² Abhabhulile, ''Ukwinula kwingi, lole abhabhomba bhombo bhanandi. Ulu popo msumaghe Uchala gwa kwinula ukuti atume lubhilo abhabhomba bhombo ukwinula ivyake. ³ Mubhukaghe mkajya. Tesha, ngubhatuma ingati bhonang'oshi pakati pabho bhila bha mchitengele. ⁴ Manye mpimbaghe ichi nyabhi cha hela pamo ukomba gwa kuchula, pamo ivilato sona manye mlamkaghe najyumo msila. ⁵ Nyumba jyoshi jyo mukwingila tashi mjyughaghe, ulutengano lubhe mkati mnyumba ijyo.' ⁶ Linga umundu gwa lutengano atalipo po, lutengano lwinu utilukashale kukwake, lole linga lutamwo mumwo iti lukaghaluke kukwinu. ⁷ Sajyagha mkati mnyumba ijyo, mlyange nukunywa vifyo abhapa, papo ubhamba bhambo akurondigwa ufyualo gwake. Manye mfumaghe mnyumba ijyo nukubhuka mjyingi. ⁸ Mkajya koshi ko mkwingila, nukubhapokela, mlyange choshi cho chikubhikiwa pandashi jyunu, ⁹ Mposhange abhabhine bho bhalimwo mumwo. Jyughagha kukwabho, 'Fyale bwa Chala bwisile papipi kukwabho' ¹⁰ Lole mkati mkajya koshi ko mkwingila, lingabhatabhapokela, bhukagha kuse nu kubhuka mumusebho nu kujyugha, ¹¹ 'Namavumbi mkajya kinululu likatiti mtulundi twinu kukung'unda jyumwemwe! Lole mmanye ukuti, ubhunyafyale bha Chala upalamile .' ¹² Kubhabhula ukuti ishiku lya bhulongi ndilikubhe paki po ngani ku Sodoma kuliko akajya aka. ¹³ Aheli kukwako gwi Korazini, aheli Bethsaida! Linga imbombo ingulu shoshi kabhambika kati jyako ngalishibhabhike Mtiro nu Sidoni, ingali bhakilata ukufuma bwila bhakikala mkati mmwenda ni nghunila ni lyoto. ¹⁴ Lole indilikabhe pakipo ingani ishiku lya bhulongi Tiro nu Sidoni ingani kukwabho. ¹⁵ Ugwe Kapernaumu, gwinongo ukuti indi upibhiwe mpaka kumwanya? Nashiku, indi ngwilamshe pase mpaka kubhushuka. ¹⁶ Jyujyo abha pulika uwe akupulika une, na gwesha jyujyo akubhakana uwe akung'ana une, jyujyo akubhakana uwe kumkana jyujyo atumite'' ¹⁷ Bhala sabhini bhaka ghaluka nurusekelo, nukujyugha, ''Mtwa, nipembe sikwoghampa kulita lyako.'' ¹⁸ U Yesu abhamwile, ''Namumwenye ushetano akugwa ukufuma kumwanya sulutajya niko. ¹⁹ Tesha, ipapile ululaghilo lya kukanya jyoka nu inge, na maka ghoshi gha mulunghu, na chicho choshi icha msila choshi cha indi chikabhako manye. ²⁰ Naulwu manye msekelaghe kaili ukuti imbepo sikubhapulika, lole msekelaghe ngani papo amita ghinu ghasibhiwe kumwanya.'' ²¹ Mkati mkabhalilo kalakala asekile ngani mkati mmbepo umwelu, nukujyugha, ''Ngukwinula ugwe, bhabha, Mtwa gwa kumwanya na pachisu papo ughafisile imbombo isho ukufuma kubha hekima na bha mahala, na kubhighulila bhabho bhatabha manyile, sona bhabhana abhakete. Nalole, ubhabha, abha ghanile pamaso ghake.'' ²² Koshi akatu pelighe kukwangu nu bhabha gwangu, na jyumo atashimenye umwana gweni lole ubhabha, najyumo atamumenye ubhabha, gweni lole umwana, na gweshi jyojyo umwana akunyogwa ukwinangisha kukwake.'' ²³ Akabhatisha abhasukulu, akajyu pasili, ''Bhasajiligwe bhabho bhakushibhona ishi shisho umwe mkushibhona. ²⁴ Ngubhabhula umwe, ukuti abhasololi bhingi na bhanyafyale bhakunyonywa ukushibhona imbombo ishi mkushibhona, bhatashibhene, nukupulika shisho mkushi puka bhatashi pulike.'' ²⁵ Tesha, ummanyishi jyumo ugwa indaghilo jya kiyahudi imite nu kubhabhula, ajyughile, ''Mumanyishi, ibhombe bhulele ukuti ikabhupokele ubwumi bwa bwila na bwila?'' ²⁶ U Yesu amwamwile, ''Ilisi bhwe koni mndaghilo? Mkubhelenga koni?'' ²⁷ Amwamwile akajyugha, ''Ungane Utwa Uchala gwako nindumbula jyako jyoshi, na mmbepo jyako jyoshi, namaka ghako gwoshi, na mahala ghako gwoshi, nu palamani gwako sapapo indupula jyako gwi ghanile.'' ²⁸ U Yesu ajyughile, ''Gwamula akisa.Bhamba ulu indi ukihale.'' ²⁹ Lole umanyili, anyonjwagha ukwibheleghela ubwana lole mwene, akamwamula u Yesu, ''Nupalamani gwangu gweni?'' ³⁰ U Yesu amwamwile ajyughile, ''Umundu jyumo akila mukagha ukufuma ku Yerusalemu nu kubhuka ku Yeriko. Agwile panati pabhakupoka bapokile ubhukashi bwake, nu kumkoma nukumleka nukupona ukufwa.. ³¹ Kubhatiuputi jyumo ali kwilamuka pa pasila ijyo bha ambwe endile palubhafu ulunine. ³² Sabhubhu Mlawi gwepe, afikile papo apo bho amuwene, agendile ulubhafu ulunine. ³³ Lole Umsamalia jyumo, bha akuchula agendile, papo ali umundu jyula. Amubwene, ilamkite ni chisa. ³⁴ Alipapipi nukumupinya ivilonda vyake, akampakaa amafuta ni ndivai pamwanya jyake. Amkweshishe pamwanya pa mnyama gwake, nukumtwala papo inyumba jya bhahesha nukumbhombela. ³⁵ Pishiku lya lyakongite aletite indivai ibhili, ampile umlindili gwa nyumba jya bhe hesha nu kujyugha, 'Umbhombeli choshi chila chongela chagwabhombela, indingakupe bhokugharuka.' ³⁶ Gweni kuabha bhatatu, alimmanyani, ali mpalamani gwake ujyu agwile pakati pabhakupoka?'' ³⁷ Mmanyishi amwamwile, ''Gwejyula anangishe ichisa chake.''U Yesu amwamwile, ''Bhukagha ukabhombeghe bhubhu'' ³⁸ Lole popo bhabhakuchula, bhingile mkati mkajya kamo, nu mkolo jyumo ingamu jyake Martha amkalibhishe nyumba jyake. ³⁹ Ali numlubhu gwake ujyu bamwitile Maliamu, alilikile patulundi pa Mtwa nukupulikisha ishu lyake. ⁴⁰ Lole Martha alini bhambo inyingi isha kuanda ivindu. Abhukite kwa Yesu, nu kujyugha, ''Mtwa, umenye ukuti ukulugwangu andekile ubhubhoshi jyunene? Ulu limo mbhule andule.'' ⁴¹ Lole umtwa amwamwile nukumubhusha, Martha, Martha, uwe kufamigwa pamwanya pa bhombo inyingi, ⁴² Lole kandu kamo kene akabwanalole. Umaliamu asalite akandu ikisa, kako katalika katile ukufuma kukwake.''