¹ Pamo kwali nu Mfarisayo ingamu jyake Nikodemo, jumo gwa bhajumbe bha baraza la Wayahudi. ² Umundu ujyu amughendile Umtwa uYesu pabhushiku akamubhula, "Mumanyisi tumenye uti mumanyisi ufumile kwa Chala, papo na jyumo umundu fioshi linga Uchala atalipamuepene." ³ U Yesu akamwamula, "Nalole, nalole, umundu atabhaghile ukwingila bhunyafyale bwa Chala linga atapapigwe kabhili." ⁴ Nikodemo akajyugha," Umundu abhaghile ukupapigwa bho mughome abhaghile ukwingila mulwanda lwa mama gwahe apapigwe ulwa lubhili, po abhaghile?" ⁵ U Yesu akamwamula, "Nalole, nalole umundu linga atapapigwa kumisi na kwa Mbepo, atabhaghile mbhunu afyale bwa Chala. ⁶ Chicho chipapigwe ku mubhili mubhili, na chichochipapigwe ku Mbepo mbepo. ⁷ Momye-ushwighaghe papo nakubhula, 'uti lazima ukupapigwa akabhu bhili.' ⁸ Imbepo sikufuma poposhi poshighanile ishu lyake mkulipulika lole mtamenye kunolifuma nukughenda. Popapo na jyujyo apapigwenu mbepo. ⁹ Nikodemo akamwamula, nukujyugha, "Ibhombo isho sibhangile bhulele?" ¹⁰ U Yesu akamubhusha, "Ugwe uli mmanyishi gwa Israeli, utushimenye ibhombo ishi? ¹¹ Nalole, nalole, kubhabhula, chila tuchimenye tukhisimiki-she ku chila tuchiteshishe. Lole mtapokelite chicho tuchisimikishe kubhandu. ¹² Linga ibhabhulile imbombo isha chisu ichi mtitikile mbhaghile bhulele, ukwitika lingaingubhabhula imbobho kumwanya? ¹³ Po najyumu jyujyo akwelile ukufuma kumwanya lole jyujyo ikile Umwana gwa Adamu. ¹⁴ Samumo Uchalaajyikweshishe ijyoka mlungalangala, bhubhu Umwana gwa Adamu jyikumlazimu ukumkwesha, ¹⁵ papakuti bhoshi bhobhakumwitika bhakabwaghe ubwumi bwa bwila. ¹⁶ Panogwa ijyi Uchala achighanite ichisu, akamfumia gwake na mwene, ukuti umundu gweshi amwitike pakuti atakapywe lole akabwaghe ubwumi bwabwila. ¹⁷ Popo Uchala atamutumile umwana pa chisu pakuti achipyute inchisu, lole pakuti ichisuchipokigwe kusila. ¹⁸ Ujyu akumwitika jyuyo atakupyutigwa. Jyujyo atakumwitika tayali apyutigwe papo atajyifike ingamu jya Mwana jyumo ugwa Chala. ¹⁹ Ululolwulwo lwupyuto, ijyakuti ubwelu bwisile ku chisu, lole wanadamu bhakajyighana ichishii ngomi batalughanile ulumuli papo imbobhoshabho ghali shali bhibhii. ²⁰ gweshi umundu gwe akubhomba ibhibhi akulukalalila ulumuli kunongwa jya lumuli imbobho shake menye sibhe bhawelu. ²¹ Lole, jyujyo akubhomba ubwanalale akwisa kubwelu pakuti ibhombo shake shibhoneke pakutishibhombike ubwanalole mwa Chala. ²² Papipi paisho, uYesu pamo na bhasukulu bhake bhakaghendu pakati pachisu cha Yudea. Uko abhabhile akabhalilo pamo wi akwosha. ²³ Lino Yohana gwope ali akwosha ukwo Ainea papipi Salim pali na mishi mingi pala. Abhandu bhakabha bhakwisha kukwake nukwosigwa, ²⁴ papo uYohani ali akali ukushopigwa mwigereza. ²⁵ Kangi pafumia ukutali ngana kati jya bhasukulu bha Yohani na Bhayaudi ukunangisha isikukuu jya utakaso. ²⁶ Bhakabhula kwa Yohani bhakamubhusha mumanyishi jyujyo ali pisela jya losako lwa Yorodani, ujyu ajyughagha amashu ghako, tesha akwosha nabhoshi bhakughenda nukumukonga." ²⁷ U Yohani akabhubhula umundu atabhaghile ukupokela choshi chila lole linga apeghegwe ukufuma kumwanya. ²⁸ Jyu mwemwe mkushibhona ukuti najyughile ukuti une sio Kilisti', papipi pandashi jyake.' ²⁹ Jyujyo ali bibi arusi gwe mtwa gwa harusi. Lino mumanyani mtwa gwa arusi, akwima nu kupulikisha nukusekela ngoni panongwa jya lishu lya mtwa gwa alusi. Ulu lino lwo lwusekelo lwukukamilika. ³⁰ Jyikumpasa ukuongea lale, une jyikupasa ukupula. ³¹ Ujyu akufuma ku mwanya, ali pamwanya kughoshi. Jyujyo ali mchusu akufumana ni chisu. Jyujyo ahufuma kumwanya ali pa mwanya paghoshi. ³² Uwene akusishimikisha shoshi shoashi bhene nishi ashipulike, lole najyumo atakupokela ulusimikisho. ³³ Jyujyo apokelile ukusimikisha kwake akamilishe ukuti Uchala gwanalole. ³⁴ Papo jyujyo atumigwe unu Chala akujyugha amasihu gha Chala. Papo atakumpa Umbepo ku chipimo. ³⁵ Ubhabha akumghona Umwana ampile ivindu vyoshi mtukono twake. ³⁶ Jyujyo akumwitika Umwana ali nubwumi bwa bwila, lole kujyujyo jyo atamwitika Umwana atali akabwaghe ubwumi, lole ighala lishi jya Chala shoshikole ne pamwanya jyake.