¹ Kuwandilo aliko Isyu, ni Isyu ali pampene Uchala, ni Isyu aligwe Chala. ² Ujyo, Isyo, Kuwandilo ali pamupene nu Chala. ³ Ivindu vyoshi vyabho mbile ukughendela jyujyo, paangali jyujyo nakamu akandu kamo kakokabhabheka. ⁴ Mkati jyake mwali nu bhumi, nubhu ubhumi lwali lumuli lwa bhandu bhoshi. ⁵ Ulumuli lwa mulike ichisu popo ichishi chita lushimishe. ⁶ Pali nu mundu jyujyo bhamutumite ukufuma kula Chala, jyujyo ingamu jyake ali gwe Yohani. ⁷ Akisa ingati mketi gwa lushimikisho kulu muli ulo, popo ukuti bhoshi bhabhe nulwitiko ukughendela kukwakwe. ⁸ Yohani atali lumuli ale ishile ukulushimikisha nukulunakisha ulumuli ⁹ Po lwali lumuli lwa nalole lulwo lwalishile pa chisu lulwo lukumpa shoshi jyula. ¹⁰ Alipa chisu ni chisu, chapeliwe ukughendela jyujyo ni chisu chita mumenyile. ¹¹ Alishile kuvindu vyoshi, na bhandu bhake lole bhatampokelite. ¹² Lole abha abhingi bhobhampokile nu kujyitika ingamu jyake, kuabha abhapile ubwanalole ukubha bhana bha Chala, ¹³ Bhabho bhatapapigwe mwibhanda pamu mlughano lwa mubhili pamu kulughano lwa mundu, lole cha Chala jyujyo. ¹⁴ Gwepe isyu apeligwe nu mbili akikala pampene nutwe tubhubhene ubwinufu bwake ubwinufu sapapo umundu mwene jyujyo mwene akisa ukufuma kwa Bhabha, ishile ichisa nu bwanalole. ¹⁵ U Yohani akalubhililagha ukumanangisha jyujyo, akatile isyu nukujyugha, "Ujyu gwejyo anajyughile amasyu ghake ingajyugha jyujyo akikwisha pamwanya jyangu mkukulu kuliko une, papo alipo bho ndalipo une." ¹⁶ Papo ukufuma mbwanalole bwake utwe, tweshi tupokeliti bhubhu, ichipeghiwa chake sona iichipeghiwa. ¹⁷ Popo ululaghilo lwishile ukughendela mwa Musa. Ichisa nubwanalole vishile ukughendela kwa Yesu Kilisti. ¹⁸ Najyumo umundu gwe amubhene Uchala gwa bhoshi. Umundu mwene jyujyo gwe Chala, jyujyo ali pakati pachifubha cha Bhabha, ampelile jyujyo bhamumanye. ¹⁹ Agha gho masyu gha Yohani bhali pabhaputi na bhalawi bhobhatumiwe kukwake na Bhayaundi bhakamubhushe, "Ugwe gwe gweni?" ²⁰ Kishitakukana atakanite abhamwile, "Une inda nene Kilisti." ²¹ Pobhamubhushishe pougwe gwe gweni ulu?" Gwe Eliye? Akajyugha , "Une nashiku." Wakajyugha, Ugwe uli msololi? Akabhamula, "Nashiku." ²² Po bhakamubhala, "Ugwe gweni, ukuti tubhamule bhabhobhatutumite"? Kwi nangisha bhulele ugwe?" ²³ Ajyughile, "Une indilisyu lilyo likulila mlung'alang'ala: 'Gholosha isila jya Chala,' samuno isya umsololi ajyugha." ²⁴ Pali na bhandu bhatumike pala ukufuma ku Mafalisayo. Bhakamubhusha nukujyugha, ²⁵ "Koni ko kwosha papo ugwe utagwe Kilisti pamo Eliya au msololi?" ²⁶ U Yohani akabhamula akajyugha,"Nigwosha kumishi. Popo pakati yunu imite umundu jyujyo mutamumenye. ²⁷ Ujyu jyujyu akwisa pandashi jyangu. Une ndabhaghile nukulegheshe ulukwamba lya chilato chake." ²⁸ Ibhambo isho shikabhobhika huka Bethania, pisila ila poo Yordani. apo ali Yohani ali ashanga. ²⁹ Ishiku lyolyoakongite uYohani amubwene uYesu akisa kukwake akajyugha, "Tesha umwa gwa ng'oshi gwa Chala ujyu eghiteimbibhi sha chisu! ³⁰ ujyu gwejyo najyughite amashu ghake ingajyugha ujyu akwisa kunyuma jyangu gwe mkulu kuliko une, papo ali pandashi jyangu.' ³¹ Indamumenye jyujyo lole abhombile ulu ukuti inangishe pakati pi Israeli, ukuti ingisa noshiwe." ³² Yohani akijyugha ingamubhona, "Umbepo akwika ukufuma kumwanya ichinangisho cha kuda, ashele pamwanya jyake. ³⁴ Une indamumenye lole jyujyo atumite ukkuti imwoshe kumishi abhulite, 'jyula jyujyo utimubhone Umbepo akwika pamwanya jyake, Ujyu gwe jyujyo akwosha mwa Mbepo Umwelu.' ³³ Ishibhene gona ishishimikishe ukuti ujyu Mwana gwa Chala." ³⁵ Shona ishiku lilyo lya kongite Yohani ali imile pamo na bhasungulu bhake bhabhili, ³⁶ bhamubwene uYesu akughenda nu Yohani bakajyugha, "Tesha, Umwana gwa ng'oshi gwa Chala!" ³⁷ Abhasukuru bhabhili bhapulike bho uYohani akujyugha isho bhamkongite uYesu. ³⁸ Sona uYesu asamweke nukubhabhona abhasukulu bhala bhakumkonga, akabhbhusha, "Mkumlonda gwini?" Bhakamwaula, "Mmanyishi, (ukuti 'mmanyishi,' kwikala kwoki?" ³⁹ Abhabhulile, "Isanga mpateshe."Popo bhakaghenda nukupatesha papo ali ikalagha, bhikile pamo nagwe ishiku lilyo papo twali tubhalilo saa kumi ilu. ⁴⁰ Jyumo bhala bhabhili bhabhapulike Yohani akujyugha kangi ukumkonga uYesu ali gwe Andrea, ugwamwabho gwake Simoni Peteli. ⁴¹ Amubhene ugwa mwabho gwake Simoni akamubhula, "Tumwaghite Umasihi" (jyujyo akujyughigwe Kiristi). ⁴² Akamutwala kwa Yesu. U Yesu akamtesha nukujyugha, "Ugwe gwe Simoni mwana gwa Yohana" ngukwitisha Kefa," (ukuti 'Peteli'). ⁴³ Ishiku lilyo lyakongite utubhalilo uYesu bhoafumile ukubhuka akaghenda Mgalilaya, amwaghile Filipo akabhabhulu, "Ngongagha une." ⁴⁴ U Filipo ali gwa kajya ka Bethsaida, nu mji gwa Andrea nu Peteli. ⁴⁵ Filipo amwaghite uNathanaeli, akamubhula tumwaghile jyujyo ujyu uMusa akasibha mashu jyake mululaghilo lya Basololi. U Yesu mwana gwa Yusufu, ukufuma Mnazareti. ⁴⁶ U Nathanaeli akabhabhula, "Po akandu akisa kabhaghile ukufuma Nazareti?" Filipo akambhula, Isagha uteshe." ⁴⁷ U Yesu akamutesha Nathanaeli ikwisa kukwake sona akajyugha, "Tesha, Umwisraeli ugwa nalole lole ata nubhumishi mkati jyake!" ⁴⁸ Nathanaeli akambula, "Umenye bhulele une?" U Yesu akamwamula nukumubhula, "Bhaakali Filipo ukukwitisha bho uli pase jya mkokwe, nakuteshishe." ⁴⁹ Nathanaeli akamubhusha, "Mmanyisi ugwe Mwana gwa Chala! Ugwe mnyafyale gwa Israeli"! ⁵⁰ U Yesu akamubhusha akamubhula, Papo nakubhula ukuti nakuwene pase pamkokwe bhule kwitika kuti uteshe ibhombo ingulu kuliko ishi." ⁵¹ U Yesu akajyugha, "Nalole nalole kukubhula kutiuteshe amabhingu ghakwika, nukubhateshe abhasololi bhakukwela nukwika pamwanya pa Mwana gwa Adamu."