1 Po papo, abhakano abhanalolo bho bhakabha pampene bho bhakitika kumwanya, mumufikiri uYesu, mubhombela sona mtimi usongo ughwa naloli ghwitu. 2 Akabha ghwanaloli ghwa Chala ghwe akasalighwa, isa UMusa bho akabha ghwa naloli sona kunyumba yoshi ijya Chala. 3 Po papo uYesu ukuti abhele ngelighwe kubha nu lwimiko uli ng'wamu kukinda inyumba jyijyo. 4 Ukuti inyumba shoshi shiko sengwa nu mundu ghweshi sona yule ghwe asengite ifundi fyoshi ghwi Chala. 5 Naloli u Musa akabha ghwanaloli isa mubhombeli mukati munyumba jyoshijya Chala, akafunyango kinlata kufindu fyo fifikajiyunghighwe kukabhalilo ko kakwisa. 6 Sona uKristi mwana kubhe lindilili ughwa nyumba jya Chala.Utwe twe nyumba jyake linga tulipampene linga tukwikasha nu kwikasha. 7 Sona, ngati umbepo umwisa bho akujyugha, ''Umusunghu lingo ghwapnika isholyalke, 8 Utakabhombe indombola jyako ukuti jyibhe ngafu isa mwo abha Israeli bho bhakabhomba nu lighwa mwipolu. 9 Aka kukabha kubhalilo ko abhobhabha hitu bhakangana mana, bhakate sha imbombo shangu. 10 Sona ndakicha nakabhalilo ako. Ngajyugha, 'Bhakusobha akingishe mukati mundumbula shabho na bhatamenye isila shangu. 11 Isa lula ngalapa mulyoyo lyangu: Tabhakingile mubhwisa ghwangu.'' 12 Mubhe maso, bhakamu, ikute utukise ibhe po indumula imbibhi ijya kutokwitika ku mundu jyumo indumbula jyo tiyikabhe pabhutali nu Chala ughwa bhoni. 13 Kwimila kwake, mpelanaghe amaka akabhalilu koshi nu monyinyu, ukuti kila umusongho mwighanaghe, ukuti mukati mumwinyu atakabhombe kubha mukafu kwa vaupika kwa mbibhi. 14 Ukuti twabha pampene nu Kristi uti linga twakutano nu bhwa naloli bhunifu kumaka ghake ukufuma kughwandilo nu kubhumalilo. 15 Kulili tayari liyughighwe, ''Umusughu linga mwapulika isholyake, mtakabhike indumbula shinyu kubha ghafu, isa abhaIsraeli bho bhaka bhombo akabhalilo ka mbibhi.'' 16 Bho abho bhokamupulika Uchala nu kubhomba mbibhi? Bhatakabhe bhali bhala bho u Musa akabhalongoho ukufuma kumisiri? 17 Sona bhandu bhaki bho Uchal akabhakalalila kifinja amalango mana? Sona tabhala bho hakabhomba mbibhi, bho mbibhijyabho ikafwa ikaghona kujangwani? 18 Bhoni bho Uchala akabhalapila ukuti bhatakingile umwisa mwake sona isa bhala ho bhatamwitikile? 19 Tukutesha ukuti bhatabhanghile kwingila mukati umwisa kunongwa ijya kutokwitika.