¹ Kunongwa ijyi une Pauli, Indimu pinnyighwa ghwa Yesu kunongwa jyinyu bhapanja. ² Itikangha ukuti kumbombo ijya lusajyo ijya Chala. Jjijyo ambile kukwinyu. ³ Ngubhajimbila ukukongana nu ukwighollilwa mwokobhelile ukwighulilwa kwangu. ubhubhobhwanaloli bho nasimbite kubhopimba sona kukalata inine. ⁴ Ndikubhelenga sona agha ubhaghile kubhwaghanya ubhwisa bhwangu mubhwa naloli ubhu bhwo bhwimamite ubhwa Kristi. ⁵ Kufikolo fingi ubhwa naloli bhutabhombighwe ukuti bhomanyikwe kubhana bha bhandu. Lole ulu poubhikighwe ulipabhwelu MuMbepo na bhatumighwa bho bhijye pushishe nabha sololi. ⁶ Ubhwa naloli bho bhwimanite ukuti abhapanja bho tulipampene naghwe nabhajumbe bhanyitu bhamo mubhili bho bhalipampene nu kwitika kwa Yesu Kristi ukughendela ku- Injili. ⁷ Pokilili nabha mubhumbeli ghwa zawadi ijya lisajya lwa Chalajyonapelighwe ukughendela mumaka ghake. ⁸ Uchala akishishe izawdi ijyi kukwangu palema une indi mundu mukeke palema une imeli mundu mukeke kubhoshi bhabho bhobhali pambafu kunongwa ijya Chala. Izawadi ijyi shabhaghile ukuti indumbililalaghe abhapanja Injili ijya bhokabhiibho bhutasalighwe nu Kristi. ⁹ Shimbaghile ukubhamulikila abhandu bhoshi, koniko kuko kapango ka Chala ughwa kwififa. Ulu lyolyo lubhatiko lyo lwimamite ifyinja fingi fyo fyakindite, nu Chala jyijyo afipelite ifindu fyoshi. ¹⁰ Ijyi ikabha kughendela muchipanga abhalongoshi nabhosongo kulubhafu ulwa kumwanya bhashaghanie ukuti imbafu inyinyi isha bhwila. Sona isho bhwisa isha Chala. ¹¹ Ishi ngalishangendile nombombo isha bhwila bho bhwabhombighwe mo Kristi ghwito. ¹² Kulili mukati mwa Yesu tulinama nubhwa naloli namaka kunongwa ijya lwitiko lwake. ¹³ Po nabhasomagha manyi mughalukile kunyuma papo indamyo jyango kumungwa jyinyo po agha ghakwinvighwa umwe. ¹⁴ Kunongwa ijyi pongufungamila kwa bhabha. ¹⁵ Ukuti kwa jyijyo kila kajya kumwanya na pamwanya pachisu pitishighwe ingamu. ¹⁶ Ngusuma ukuti abhape amaka ukufumana nu bhukabhi ughwa kwinulighwa ghwake, afibhike fibhe fisa na maka ukughendela kwa Mbepo ghwakejyujyo alimukati kitu. ¹⁷ Nasumagha ukuti ukristi ikale mukati mundombola shite ukughendela mulwitiko. ¹⁸ Ngusuma mubhe ni shina nu lwalilo nu lughano lwake ilimubhe bhakushaghania. Pampene na bhoshi bho bhitikite isa ubhunhwamu, nu bhotali nikimo, ni kina nishalughano lwa Kristi. ¹⁹ Nasumagha ukuti mumanye ubhwo songo ubhwa Kristi bho bhukwongela ukkinda amahala. Mubhombe ishi ukuti mwisule ubhwa naloli ubhwa Chala. ²⁰ Po ulu abhaghile kubhomba kila kandu ngani ngani kughagho tukughasuma au tukwinong'ona ukughendela mumaka gho ghali mukati jyitu. ²¹ Kukwake shibhe shakumwinula mukati muchipanga na mwa Yesu Kristi kufikolo fyoshi nabhwila nabhwila. Amina.