¹ PAuli, ughwa ndumi ughwa Yesu Kristi Kubhunugane ghwa Chala kubhobho bhisoshishe kwa Chala bho bhalikuefeso bhabho bha mwandoli mwa Yesu Kristi. ² Ilipyona libhe kuwinyu nulwitiko lyolukufuma kwa Chala ubhabhe ghwitu na Kumutwa UYesu Kristi. ³ Uchala nu Bhabha ughwa Mtwa UYesu Kristi apelighwe imbalo. Ghwejyijyo atusajijite nisajyo isha mumbepo, ukufuma kumwanya na mukati mwa Yesu Kristi. ⁴ Bochiso chikali kupelighwa Uchala atusalite utwe twetwe tukutwika mwa Kristi atusalite utwe ukuti tubhe bhisa bhotutali nubhulongi. ⁵ Mulughano mwa Chala atusalite Kubhwandilo, kutupoka utibhana bhake musila ya Yesu Kristi abhombile ishi papo shanohobhoshishe ukubhomba shisho ashighanite. ⁶ Matokeo ghake ukuti Chala shampalite kuipyana nubhwinofu bhwake. Ichi chocho atupile pabhubho mu sila gha mughanighwe ghwake. ⁷ Ukuti kulili umghanighiwa ghwakwe, tulibhwabhoke ukoghendela mwi bhanda lyakwe, muluhobhokelo lwa mbibhi. Tulinalyo ili ukukungana nili tulibhakabhi mulusajyo lwake. ⁸ Abhombite ulusajyo nu kubhabhwingi ukughendela musila ijya mahara nukushaghania. ⁹ Uchala atileshimanyikwe kukwito jyila ujya bhwanaloli jyo jyimamite ijya mbatiko, ukufumana nukunyonywa kwo kwiyelushishe mukati mwa Kristi. ¹⁰ Bho utubhalilo twafika utwake utwa mbombo yake UChala, ndakabhike pampene ifindi fya kumwanya nafyo filipase pachisu mukati ka Kristi ¹¹ Mwa Kristi twali tusalighwe na ukwinong'onolibwa bho akabhalilo kakali. Ishi shali ukuti ukufumane ni mbatiko jyijyo akubhomba fyake kubhughane bhwake. ¹² Uchala abhombite isho ukuti tubhaghile ukibhapo kumbalo ishakumwinula umwene. Twali bhwabhwandilo ukubha na makamwa Kristi. ¹³ Jyali kusila ya Kristi mwali mulipulikite ishu ijya mwanaloli Injili ijya bhupoki ghwinyo musila ya Kristi. Jyali mumwake jyijyo ukuti mwitikite ukubhikighwa amaka agha mbepo umwisa jyijyo akalaghishwa. ¹⁴ Mbepo ghwejyo ghwa bho bhwachilingo chitu, mpaka ukujya kifika kukwake pala tumwagha. Ijyi yalimbalo jyo bhwinofu ghwake. ¹⁵ Kusila ijyi, okufuma akhalilo kubhwotwalika ulwitiko lwinyu mukati mwa Yesu na ukughendela mulughano lwinyu bhabho mboshi bho bhalipambafu kusila jyake. ¹⁶ Indalekite ukumpala Uchala kusila jyiiyo nukubhajyogha munyiputo shangu. ¹⁷ Ingusuma ukuti Uchala nu mwana ghwake Yesu Kristi nu bhabha bhwa bhwinufu ndiabhape Imbepo ijya mahara nukubhi ghola isha mahara ghake. ¹⁸ Ingusuma ukuti amaso ghwiiyu agha mundumbula ghabhikighwe ulumuli. Kusila ijya kumanya ukuti tabhe na maka ghakwitishi ghwa umwe. Ngusuma ukuti mumanye ubhukabhi nghwa kwinulighwa ughwa chilingo mumbombo shake mubhabho walipambafu kumbombo shake. ¹⁹ Nasumagha ukuti mushimanye amaka ghoghakongela kumaka ghake mukati mwitu ghagho tukwitika agha amaka gho ghala ghakufumila nu kubhomba musila jyake. ²⁰ Agha bho maka ghakabhombagha mukati misa Yesu mukabhalilo kake Uchala papo akamu shushanga ukufuma kubhafwe nu kumwikasha mukakono kake akabhulisha kakajya aka kumwanya. ²¹ Akamwikasha Ukristi kumwanya ngani nu bhulongoshi agha bhwamuli, agha maka, bhwila, uketi kila ngamu jyo ikujyoghighwa. Amwikashishe UYesu kitakwo kabhalilo aka lole kukabhalilo ko kakwisa kope. ²² Uchala afilaghile ifindi fyoshi fibhe pase patulundi utwa Kristi. Amopelite ukisha mutu ghwa findu fyoshi muchipanga. ²³ Ichaliki bhobho mubhili ghwake, umwisho ghwake ukufisosha ifindu fyoshi musila yake jyoshi