¹ Lole umanye ukuti amashiku agha bhumalilo tikakabhe kadhalilo akabhidhi. ² Papo abhandu tibhakabhe bhakwitesha bhene bhabho bhashighanite ihela bhabho bhakwitufya bhabho bhakwifuna bhabho bhalinutufuyo bhabho bhatakubhapulika abhapapi bhabho, bhabho bhatakupalisha na bhabhili. ³ Bhabho bhatanulughano ulwa bhwandilo bho bhitinganite ukwikala nulutengano lwoshi, abhaghulughulu. abhamyashi bhobhatabhabhile kwishingila, abha bhakwashikisha, bho bhatighanite inyisa. ⁴ Tibhakabhe bhaghoghi, bhobhatakupasha na kamu, bhabho bhakwitesha, nu bhabhighite isha muchisu bhatakumughana u Chala. ⁵ Kuse tibhakabhe isabhabhaku nughana u Chala, lole tibhakaghakone amaka ghake. Ghwitishe nabhandu abho. ⁶ Papo bhalipo abhalisha bhamu bhakwingila munyumba isha bandu bhakushimbula abhakoto abhalema. Abhakolo bhabha bisubhile imbibhi sona bhabho bhakulongoshighwa ni ichinyonywa fyoshi. ⁷ Abhakolo abha bhakumanyila amashiku ghoshi lole bhatabhangile ukufikila amahala agha naloli. ⁸ Isa mwumo u Yane nu Yambre abha bhabhumyashi bhakwima pashima nisha naloli. Bhandu bhabho bhakumamkite munyinong'ono shabho, bhabho bhatakwitikana ukukongana nu kumwitika. ⁹ Lole bhatabhafike pabhutali papo ubhulema bhubho tiubhabhike pabhweli kubhandu bhoshi isa bhabho bhakabhapo abhandu bhala. ¹⁰ Lole ughwe ghwakonga shishongumanyisha une, akayilo kangu, ulwitiko ghwangu, ukwikasha kwangu, ulughano lwangu nu kwikasha kwangu, ¹¹ undamwo shangu nu ubhubhafu bho nabhwighite kula kuAntiokia, kuLkonia nu kuListra. Nikashishe ni ndamyo. ¹² Bhoshi bhabho bhakulonda ukwikala nu kumusekela u Chala ku Yesu Kristi kutibhatesighwe. ¹³ Abhandu abhabhibhi tibhongele ukubha bhabhibhi ngani. Tibhabhashobhe abhanine abhane bhane bhabho bhishabhite. ¹⁴ Lole ugwe ghwime ni mbombo jyijyo ghwamanyila nu kwitika papo umenye pkuti uku manyila kwani. ¹⁵ Umenye ukufuma kubhukeke ghwako ukaghamanya gho usimbile amisa agha ghabhaghile ukumanyisha amashu gha bhupoke kusila lya lwitiko Yesu Kristi. ¹⁶ Lwoshi ishu bhalibhitike ilwihi nu Chala. Libhangile ukumanyisa lilyolili nu kwonge lesha nu kusanusha imbibhi, nu kubhamanyisha ishanaloli. ¹⁷ Linga kutukuti umunduugwa Chala jyujyo apotite pobhamupile ifya kubhombela fyoshi kunongwa lya kubhosha inyisa