¹ Ulu bhogwa mwitu twiputilaghe, ukuti ishu lya Chala libhe na maka nukwendelela nukwimikigwa. Isa mmwo shibhelile kukwinyu. ² Iputagha ukuti tupokigwe kukuti tutile kumbibhi na bhandu bhabho bha kwitisha papo bhata bhoshi bhabho bhali nulwitiko. ³ Lole uChala gwa naloli, jyujyo iti akabhakashe umwe nukubhalindilila ukufuma kujyula umbibhi. ⁴ Tulina maka mwa Chala kunogwa jyinyu ukuti tukubho mba sona iti mbhombaghe imbombo jyijyo ingubhalaghila. ⁵ UChala endelele ukubhalogosho inyojyo jyinyu nulughano lwinu nukwijyula kwa Kristi. ⁶ Ulu tukubhalaghila, bhogwa mwitu mngamjya mutw, uYesu Kristi, mwitishe kubhogwa mwinyu jyujyo akwikala nubhukata kuta kwokuti ukufuma nu kwisubhila shisho mwa pokelite ukufuma kukwitu. ⁷ Papo umwe jyumwemwe mmenye mwommwo kukwinyu ukukonga utwe. Tutikile kukwinyu isa bhabho bhau na matingo. ⁸ Sona tutalile ifindu fya mundu gweshi bila ukulipila. Lole tukabhombagha imbombo pabhushiku na pamusi imbombo ingafu nindamyo ukuti manye tubhange mshigho kwa gweshi jyula mkati mmwinyu. ⁹ Twabhombitu ulu kutakwo kuti tuta ni ndughilo. Lole tukabhombagha ukuti tubhe mfano kukwinyu ukuti mtukonga utwe. ¹⁰ Akabhalilo kakotwau pampene numwe twabhalaghile '' Linga umunyinyu jyumo atakubhomba imbombo manye a lyange. ¹¹ Papotukupulika mkati mmwinyu. Bhata kubomba imbombo lole bhandu bhabho bhata nu mpaka. ¹² Abho bhope tukubhalangila nukubhakanisha kumutwa gwitu uYesu Kristi, ukuti mpaka bhabhombe imbombo kubhutulivu na kulya ifindu fyabho bhabho. ¹³ Lole umwe bhogwamwitu manye shilakaghe, mwambepo uku bhomba ghaghomisa. ¹⁴ Linga umundu gweshi jyujyo atakulonda ukwitika ishu lyitu mwakalata ujyu, mbhe maso nagwe, manye mbhombelanaghe pampene nagwe, ukuti abhenisanu. ¹⁵ Manye mmweghelaghe ungati mlungu lole mmusokaghe ungati gwigwamwinyu. ¹⁶ UChala lutengano umwene jyujyo abhape ulutengano kukabhalilo koshi kusila shoshi kusila shoshi. UChala abhe numwe mweshi. ¹⁷ Uku kwo kulamuka kwangu, pauli, kukakono kangu jyunene chicho chimanyisho icha kalata mnomwo mumwo ingusimbila. ¹⁸ Ichisa icha Chala gwitu uYesu Kristi jyibhe pampene numwe mweshi.