¹ Upauli, Silwano nu Timoti, kuchipanga cha Wathesalonike ukuti uChala nu Bhabha gwitu nu mutwa nu Yesu Kiristi. ² Ichisa chibhe kukwinyu nu lutengano lulwo lukafuma kwa chala ubhabha gwitu nakumutwa uYesu Kiristi. ⁴ Jyikulondigwa utwe ukumpalisha uChala kumashiku ghoshi kunogwa jyinyu bhogwa mwetu. Ululwoolulwo shikutulonda papo ulwitiko lwinyu lukukula ingani nu lughano lwinyu kumndu gweshi lwongele kubwingi. ³ Ulu jyu twetwe tukwangala nuulusekeo kukwenyu na mfipanga fya Chala. Tukujyugha akapangoka lusubilo lwitu nu lwitiko lulwo mlinalwo mndamyo shoshi. Tukwa ngala kukapango ka ndamyo nu kwikasha. ⁵ Ijyijyojyo chila ngisho icha bhulongi ukubwa naloli ubwa Chala. Namatokeo agha ukuti mbhelengegwe ukuti mbhaghile ukwingila ku bhutwa ubwa Chala bhubho kunogwa jyake mkutamigwa. ⁶ Papo mwommwo kwa Chala ukubha homba bhabho bhakubhatamya umwe. ⁷ Nukubhapa ulusekelo mwemkutanigwa pampene nutwe. iti akabhombe bhubhu bhwo kukabhalilo aka kula ugishigwa kwa mutwa uYesu ukufuma kumwanya pampene na bhandumi na maka ghake. ⁸ Pakati pachishinga cha mlilo iti akabhalipishe nuku bhaghalukisha bhabho bhata mmenye uChala abhabho bhata kuoghopa ilishu lya mutwa gwitu uYesu,. ⁹ Iti bha katamigwe ni ndamyo jya bhwila bho bha kanigwa na maka gha Chala nubwinufu na maka ghake. ¹⁰ Iti akabhombe kukabhalilo kako itiakishe ukuti akinuligwange na bhandu bhake nu kubhaswighisha bhoshi bhabho bha mwitikite. Papo ukulinganya kwinyu kwa jhughi kukwinyi. ¹¹ Kunogwe ijyi tukubhasumila umwe amashiku ghoshi tukusuma kwa Chala gwitu ukuti abha helenge ukuti mbha ghile ukwitishigwa. Tukusuma ukuti akamilishe kila mbombo inyisa nimbombo jya lwitiko na maka. ¹² Tukusuma imbombo ishi ukuti tu kwaghe uku jyimtufya ingamu jya mutwa uYesu. Tukusuma ukuti mkwaghe ukwimikigwa nagwe, papo ichisa cha Chala nu mutwa nu Yesu Kiristi.