¹ Ubhujyughi ubhu bhakumanyikwa nandi umundu akunyonywa ukubho mwimilili, akunyonywa imbombo inyisa. ² Shalondighuagha ukuti uwimilili manyi abhe nishakumuyugha. Shalondighwaghe numulume ughwa mukono jyumuywene shabhaghile sona abhe ni kiasi, akajyilo, abhe ghwanbatiko, abhe mupe. Abhe na maka aghakumasha. ³ Manye abhe mundu ghwa kulonda ulwalwa, manyi abhe ghwa kulonda ubhwite, lole abhe umundu mwololo, abhe ghwalutengano. Manyi abhe ghwa kushighana indalama. ⁴ Shamubhaghile ulabhimililila akisa abhando abha nyumba yake, na bhana bhake, ukwiyisha nu mwololo bhoshi. ⁵ Pala umundu atamenye kubhimilila abha munyumba yake jyujyo atalichisunghe bhulele ichipanga cha chala? ⁶ Manyi abhe ghwakwitika umupya ukuti manyi abhe ghwa kwifuna nu kughwa nu kulongighwa isajyula mubhomba imbibhi. ⁷ Shalo ndighwanga abhe ni mbalo inyisa kubhoshi bho bhalikuse, manyise aghwe ku soni nu kukolighwa nu mubhibhi. ⁸ Mashemasi, bhope shalundighwanga ukuti, bhabhe bhandu bha kwikasha, kijyisha, manyi bhabhe ni jyunga shibhili, manyi bhang'wange ulwalwa ukukisha manyi abhe mundu ghwa kupululila sona manyi abhe nifinyonywa. ⁹ Bhabhe bhakusengula bhabhe ni ndumbula inunu, sona bhabhe nu lwitiko lyo lwighulile. ¹⁰ Bhabhe sona abhandu bhabho bhaghelighwe sona, sona bhabho bhabhaghile kubhomba imbombo papo bhatanishakujyughighwa. ¹¹ Abhakolo bhope bhubhuo bhabhe bha kwijyisha, sona bhatakabhe kijyugha ubhumyashi. Manyi bhabhe bha kukindilila sona bhabhe bhavamwanaloli kumbombo shoshi. ¹² Mashemasi ikulondighwa bhabhe bha mulume jyu mujywene sona bhabhe bhimilili, bhisa abha bhana bhabho abha munyumba yabho. ¹³ Kubhabho bhakubhomba akisa kumwagha umwimilili umwisa nu kutokwoghopa bhwisongo kulwitiko ukuti ulwitiko lyo muli mwa Klisite Yesu. ¹⁴ Ngubhasimbila ishokukwako sona ngunyonywa ukwisa kukwa kolulolushe. ¹⁵ Lole pala ngukabha musimbilighwe ukuti mushaghanie mukaghendeli kamunyumba ijya chala, chipanga cha chala umwumi, ukuti mbanda ijya bhutuli ghwa naloli. ¹⁶ Jyifakushilighwa ukuti ughwa naloli ukuti ubho malafyale bho bhwingulighwe bho songo: "Bhwabhonekite kumubhili, bhwinangishishe mu mbepo bhukinangisha nabhandumi, bhapanja, abhinghi abha muchisu na ukeghighwa kumwanya nu bhwinutu.''