1 Ingubhasuma mwibhotata bhabho mlinabho mkati mmwinyu, une nimkangale ni mnyinyu nu mketi gwa ndamyo isha Kiristi. Sona jyujyo mbhombeli mkati mbwelu bhubho bhu kutwisila. 2 Popapo ingu bhapa amaka mwibha kangale mlishange ichibhugha tila cha Chala chicho chilimkati mmwinyu. Mliteshange papo mkulondigwa, lole papo mkunyonywa bhubhubwo, kukwo kuta kwa kwighana indalama isha soni lole ukwighana. 3 Manye mwibhikaghe bhatwa panwanya pa bhandu bhabho bhani pase pabhwendeli bwinyu lole mbhange chinangisho kuchibhughatila. 4 Papo umtimi usongo linga ila ngisha, itimkapokele ingigha ijya bhwinufu bhubho bhukusofya ichindu cha pamwanya. 5 Bhubhu bhwo numwe mwibhalu myana mwibhakeke mwijyishange kubhoso ngo bhinyu, numwe mweshi mfwale ukwijyisha nu bhombelana jyumwemwe, papo uChala akubha kana abhamatingo, Lole akubhapa ulusubhilo bhabho bha kwijyisha. 6 Lole mwijyishange pase patukono twa Chala ugwama maka ukuti abhakuteshe, kukabhalilo kake. 7 Mbhikilaghe indamyoshitu pamwanya papake papo kubhapasha. 8 Mbhange na mahala, mbhange masa. Jyula umbhibhi gwinyu usentanu alisingala mujyo jyikubhuna nukunyanyatuka, jyikumlonda umundu gwa kumnya pulania. 9 Mwimaghe pashima nagwe mubhange namaka mlwitiko lwinyu. Mmanyaghe ukuti abhogwa mwinyu bhabhobha lipa chisu bhakughendela mndamyo isishi. 10 Akabhalilo kakutanigwa kukabhalilo akatali, UChala gwa chisa akubhapa amaka. 11 Ubhutwa bhubhe kukwake bhwila na bhwila. Amina. 12 Ingumwimila usilwano isa ugwa mwitu ugwa naloli, ingubhasimbila umwe kubhupimba ukwendela kukwake ingubhapa amaka sona ingubha himikisha ukuti chicho imbasimbile ulusubhilo ulwa naloli ulwa Chala. Imagha mkati mwake. 13 Mbhitikaghe bhabho bhali bhobhasa ligwe pampene numwe, ngubhalamuka, nu Marko umwana gwangu, akubhalamuka. 14 Mulamkaneghe jyumo jyumo kwa busu ijya lughana. Nulwitiko lubhe kukwinyu mkati mwa Kristi.