1 Po ulu bhika pa mbafu ubhu nyali bhoshi, ubhumyashi, mughulugholo ulututomelo, ulufyuyo. 2 Isabhana, Munyonywange ulukana ulwisa ulwa mumbepo ukuti mukule mukati mubhupokighwa. 3 Papo linga mukugela ukuti Mtwa mwisa. 4 Mwise kukwake jyujyo ilibhwe lyumi lifwene lilyo likanighwe na bhandu, lole ilyo lisaghighwe nu Chala sona lya pamwanyu ukwake. 5 Sona umwe mulisamabhwe ghagho mumi gho ghakuseghwa kumwanya kunyumba ijya mumbepo, sona tubhe bhatini abhanunu bhabho bhabho bhakwisosha imibhili jyabho ni ndumbura shisho shikwitishighwa nu Chala ukughendelea kwa Yesu Kristi. 6 Ilisimbo likuti, tesha, '' Imbikighwe musayuni ilya pambafu likulu lyolikanighwe lyoli lya pamwanywa, jyijyo akwitika mukati kake ata kushigho ni soni''. 7 Bhubhu ikwimikighwa kwinyu mwemwe mwikitika. Lole , '' ibhwe lyo likanighwe na bhakamu lyolyo lyabha libhwe likulu ilya pambafu.'' 8 Ubhwe ilya kwiputola sona bhwalabhwe lwa kwiputul, bhebhe bhakwiputula bho bhakulikana ishu, kulilyo lilyo bhope bhitishighwe 9 Umwe mwe chikolo cho chiti shighwe ubhutimu ubhwa bhutwa, ichipanga ichinunu, abhandu abha chilingo cha Chala ukuti mutangashe imbombo isha fyika jyujyo abharishishe muchisi nukubhabhika kubhwelu ubhwa chika. 10 Umwe ukufuma kubhwandilo mutali bhandu, Lole ulu puulibhandu bha Chala. Po ulu mutakupokela ulusajyo lole ulu pomukupokela ulusajyo 11 Bho ghwamwitu ng'ubhitisha uti mulibhahesha sona bhakughenda ghenda sona mwe mukujyima ukufuma ifinyonywa ifibhibhi ni mbibhi, shikulwa ubhwite ni ndombula shitu. 12 Mukulundighwa mubhe na akajyilo akisa ko kalipashima na bhapanja. Ukuti mubhombile imbombo imbibhi, ndikumpala uChala namashiku gha kwisa kwake. 13 Ukuti ubhutawala ghwo bhandu kunogwa ijya Chala, ukuti umalafyale usungo. 14 Lole abhalongoshi bho bhakatamighwa kubhakona bho bhakabhombagha imbibhi nu kubhapala bho bhakabhomba gha amisa. 15 Papo bhwighane gwa Chala, ukuti ukubhomba inyisa nukughasumbisha agha kujyugha gha agha bholema, sona agha bhakunyofu. 16 Mwe bhabhike manyi mubhombalange ubhwabhuke bhwinyi manyi ukukipikala imbibhi lole mubhe bhabhombeli bha Chala. 17 Bhinikaghe abhundu bhoshi, bhaghanaghe bhoghwa Mungu sona mwoghopange nu Chala mwimikaghe umalafyale. 18 Bhabhombeli imikaghe bhosongo bhinyu nu kwika kwoshi. Tabhene bhabho bhisa na bhobhakubhomba imbibhi. 19 Ukuti shombalo shiki shisho umundu ghwe abhangile kwikasha ubhubhafu pala akutamighwa linga shitalipo isha mwanaloli mukati yake nu Chala. 20 Faidi jyiki jyu jyilipo pala umundu po akubhomba imbibhi sona akwendelela kukumighwa? Lole indimwabhomba inyisa popolole mukushagha imbalo kwa Chala. 21 Po kili mwitishighw papo uKristi atamighwe kunongwa jyinyu. Abhalekile ichi fwani ukuti mukunganghe itulundi twake. 22 Lole umwene atabhombite imbibhi sona bhutabhonekagha ubhumnyashi pamlomo pake. 23 Umwene bho bhakumtuka umwene atakaghalusha ukutuka papo akalabhagha atakoghofya lole akisosha jyujyo lole umwene akahobhokelagha bhwa naloli. 24 Lole umwene akapimba imbibhi shitu mumubhili mumwake pamukokwe ukuti manyi tughe sona kulubhafu lwakubhomba imbibhi lole twikalaghe kubhwa naloli. Ukukumighwa kwake utwe twaponite. 25 Bhoshi bhobhakaghenda ghendagha uti ng'oshi isa jyu jyiso bhite, ulu po mwaghaluka kwa mutini sona mwaghaluka kumulindili ghwa ngumbula shinyu.