Umutu ugwa 9

1 Une indamwabhuke? Une nda mtumighwa? Une indakamubhona umutwa ghwitu? Umwe mutaseke shambombo shangu mutwa? 2 Pala une indamtumighwa ghwabhanino po une indamtumighwa ghwinyu. Papo umwe mukulangisha ubhutumighwa bhwinyu kwa Yesu. 3 Uku ko kujhugha kwangu kwa bhabho bhakundesha une. 4 Tutanubhwanaloli ukweghwa umukolo jhujho itikite isamwobhakubhombela 5 abhatumighwa abhanine, na bhwoghwa mwa bhwo bha Yeesu nu Keefa? 6 Nene numwene nu Barnaba jhutwetwe tukulondighwa ukubhomba imbombo? 7 Gwini jhujho akubhomba imbombo ingati mushikari ni fyapamwanya fyake? Ghwini jhujho akubhyala imizabibu namealye niseke shake? Gwini jhujho akulisha ichilundilo name angwe ulukama lwake? 8 Po ngujhugha ahgakibwamuliwa bhwa bhandu? Indaghilo shikakulaghila shisho? 9 Isapapojhisimbighwe kundaghilo sha Musa, ''Manye upinyaghe ing'ombe umulomu linga jhilipakulya ifindu .''Sona bhwanaloli apa Uchala akujhi pashikisha ing'ombe? 10 Apo akujhugha ubhwanaloli kwitu? jhisimbighwe ukukongana kwitu, jhujho akulima ifindu shimu bhaghile ukulima mulusubhilo, jhujho akwinula jhikulonda inulaghe nulusubhilo bhwakubhomba pakwinunula. 11 Pala tukabhyala ifyapepo mwitu, po! Lishu likulu kwitu ukwinula ifindu fya mumubhili kufuma kwinyu? 12 Pala bhamu bha bhwaghite ubhwa naloli ukufuma kwinyu, po! Utwe tutapamwanya? Pope tutakukana ubhwanaloli ubhu. Isapapo tukumilila imbombo shoshi isapapo ichikalalishi cha ubhulumbilili bhwa Kristi. 13 Mtamenye bhabho bhakubhomba imbombo mwatembeli bhakufyagha ifindu fyao kufuma mwa tembeli?Mutamenye ukuti bhabho bhakubhomba imbombo pachi ghemu bhochagha chimo pachighemu? 14 Kukongana na bhubhubho, umutwa akalaghila ukuti bhabho bhakutangasha injili, indaghilo bhakushagha ukwikala ukukongana ni injili jhijhijho. 15 Lole indalonda ishamwanaloli shoshi ishi. Sona indakwandika ukuti pamu chimo chibhombighwe kukwangu. Pakipo une ifwe kuliko umundu ghweshi jhula ghula aghalabhushe ukwipala kwangu. 16 Pala ingutangasha injili, ndana chonuchimo ichakwibhona, papo jhikulochighwa imbe bhunobhuno. Sona ndishi pala indakutangasha injili! 17 Pala indakubhomba imbombo kubhwighane bhwangu indinulusubhilo. Isapapo takokwibhwighane ngali indi ni mbombo kuwa mwene leli. 18 Po ulusubhilo lwangu lwoluliku? Pala ingulumbilila, ingutisha injili nachimo ichapamwanya, na sona pala indakubhombela ubhwanaloli kuinjili jhijho indinajho. 19 Pala ingabhamwabhuke kubhoshi, ngabhambinghwa kuri nabha mubhombi ghwabhashi, sona ingabhaghila ukubhagha abhingi ngani. 20 Kubhayahudi, inga bha myahudi. Inga imbaghe abhayudi. Kubhabho bhali paseni ndaghilo, ingabha humojhujho ichohwa kwanda sona ghwa pase ni ndaghilo inga imbaghe abha pase.Ngabhomba bhubhubho lole une indakabha ni ndaghilo jha pase. 21 Bhabho bhakabha kuse nindaghilo, ingabha mundu jhumo jhujho ingawa kuse ni ndaghilo shabho, lole une nimwene itakabha kuse ni ndaghilo sha Chala, lole ingabhapase nindaghilo inga ingabha pase nindaghilo jha Kristi. Ingabhomba bhubhubho inga imbaghe bhabho bhalikuse ni ndaghilo. 22 Bhabho bhakabha bhapotwe nune ingabha mupotwe, inga imbaghe bhabho bhapashitwe. 23 Nabha kila kandu kubhandu bhoshi, ingakusila shoshi imbapoke bhamu. Nuni ingubhomba shoshi ishi kunongwa jhu injili, inga nafwane ukulwaghwa ulusajho. 24 Mutamenye ukuti ukukinda bhoshi bhobhakulwila, bhakukinda lole jho akwegha ichabhupe alijhumu jhwene?Po apo kindagha inga mwenghe ichabhupe. 25 Mwana umulebheli akwinyima ghoshi linda alimfimanyilo. Abho bhakubhomba ubhwo inga bhapokele ubhupe bhubho bhukukomanika, lole utwe tukukinda inga tubhwaghe ubhupe bhubho bhutakukomanika. 26 Po une indakukinda nongwa nonongwa najhimo, sona ndokomana ingumi pala ingukoma imbepo. 27 Lole ingughu panisha umubhili ghwangu nu kughubhika ingati mubhombi, na pala namala ukubhatangashikisha abhanine, jhunene nameimbe ghwakukanighwa.