Umutu ugwa 7

1 Ukukongana na shila sho mukasimbiughwa: Kaupo akabhalio kako kisa umulisha manye aghonaghe nu mkashi gawake. 2 Lole ukukukongana ni ngelo inyingi isha bhulo ghwe umulisha ghweshi abhe numukashi ghwake, nu mukolo ghweshi abhe nu mulume ghwake. 3 Umulisha akulondighwa ukumpa umukashi, ghwake ubhwanaloli bhwake ubhwa nyegha numukashi ghwepe abhombaghe isa bhubhughwo. 4 Tamukashi jyo alinulaghilo pa mubhili ghwake lole mulume. Nu mulume ghwepe ata nu lulaghilo pa mubhili ghwake lole umukashi. 5 Manye mwimanaghe linga mukoghona pamupene, papo mwitikanite ku kabhalilo ko kokako. Bhombagha bhububhwo ukuti mukaghe akabhalilo aka kusuma. Sona mubhaghile ukughalukila na sona pamupene, ukuti usetano mangese akabhaghele linga mutakwipashikisha. 6 Lole ngujyugha ishi kubhwighane bhwangu ta lulaghilo. 7 Ngunyonywa ukuti umundu ghweshi abhe isune mwombelile. Lole umundu ghqeshi umundu ghweshi alini chikungilwa chake ukufuma kwa ujyu alini chikungilwa ichi na jyula alini chikungilwa chila. 8 Ku bhala bho bateghighwe na bhafwile nguti, kisa kukwabho lingi bhateghighwenga, isa mwombelile une. 9 Lole linga mutabhaghile ukwishinghila mukulondighwa mwegheghwe. Papo paki kukwabho ukweghighwa ukuti manye bhabha ni chinyonywa. 10 Lole bhala bho bheghighwe ngubhapa ululaghilo ta nene lole Mutwa akujyugha. ''Umukashi manye alekanaghe nu mulume ghwake.'' 11 Lole linga atila kumulume, ikale bhula bhula manye aghighwange linga ighana aghalukilanage numulume ghwane. Nu mulume manye amupange italaka. umukashi ghwake.'' 12 Kubhala bho bhashala, nguti - une, ta Mutwa- linga ughwamwinyu alinumukashi jyo atitikite akuhobhokashe ukwikala naghwe, manye amulekaghe. 13 Linga umukolo alinulume jyo atitikite akuhobhokashe ukwikala naghwe manye amulekaghe. 14 Kumulume jyo atitikite akwisuka kunongwa jya lwitiko lwa mukashi. Nu mukolo jyo atitikite akwisuka kunongwa jya mulume jyo itikite. Ngali abhana bhinyu bhata bhelu lole ubhwa naloli bhisukite. 15 Lole umunyinya jyo atilikite linga atila abhukaghe. Bhubhubhwo umukulu nu mulumbu atakupinyighwa nu kwiyyugha kwabho. Uchala atwitishishe twikale nu lutengano. 16 Umenye bhulete ukuti umukolo, abhaghile abhaghile ampoke umulume? Umenye bhulele ukuti umulusha, abhaghile ampoke umukashi? 17 Ghweshi jyula ikate ubhwikale isa ghwi Mtwa bhwo abhajyabhile. Bhoshi isa mwo Uchala abhitishisheabhene. Ubhubhulongoshi bhwangu kufyaliki fyoshi. 18 Alipo jyo afurambulighwe ilishighwe kukwitika? Manye aghele ukutisha ichi manyisho icha ubhu fwambule bhwake. Alipo jyo itishighwe pa lwitiko atafwambulighwe? Atakulondighwa ukufwambulighwa. 19 Kulilili abhe afwambulighwe na jyo atafwambulighwe kuta ninongwa. Cho chilininongwa ukwijyisha kundaghilo isha Chala. 20 Ghweshi jyula ashale nu bhwitishe bhwoali na bhwo bhwo itishighwa nu uhala pa kwiika. 21 Ghwali mubhombeli akabhalilo bhwo Uchala akwitisha? Manye upashange kulililyo. Lole linga ubhaghile ukubha mwa bhuke, bhomba bhubhubhwo. 22 KU ghweshi lyo itishighwe nu Mutwa ukubha mubhombeli mundu jyo mwa bhuke ku mutwa. Isa pale jyumo jyo mwa bhuke bhwo itishighwa pa kwitika mubhombeli ghwa Kristi. 23 Mwulighwe kumutengo ghwa pamwanya po manye mubhe bhabhombeli bha bhandu. 24 Umukulu nu mulumbu pa bhwikale bhwoshi bhula kukuti kila mundu bhwo itishighwa pa kwitika tushale isa mwo tubhelile. 25 Po bhoshi bhala bho bhateghite humo, nda nindaghilo ukuluma kwa Mutwa, lole ngubhapa ubhululi bhwangu isa mwo mbelile. Ku ihisa iha Mutwa cho chikumanyikwa. 26 Papo ngwinong'ona shishisho kunongwa ya ubhuta mye, kisa umulisha ashale isa mwo abhelile. 27 Upinyigwe nu mukolo nu kwijyugha kwa nyegha? Manye ulondaghe ubhwabhuke ukuluma kushishisho. Ulinubhwabhuke ukufuma kumukashi pamu utenghite? Manye ulondaghe umukolo. 28 Lole linga ghwegha utabhomba imbibhi. Nalinga umokolo ateghighwe linga aghighwa atabhomba imbibhi. Bhakali bhala bho bhakweghana bhakushagha indamyo ishi ni shi. Nune ngulonda imbtandamye nasho. 29 Lole ngujyugha ukuti umukulu nu mulumbu ghwangu akabhalilo kapimba. Ukufuma ulu na mundashi bhala bho bhalina bhakolo bhakale uti bhata nabho. 30 Bhoshi bho bhalinu bhusulumania bhipele uti bhatali nu bhusulumania, bhope bhoshi bho bhasekite bhabhe uti bhatasekile, bhope bho bhakwula choshi chila, bhope bho bhalina fyo fyingi bhabhe uti bata nacho nachimo. 31 Bhope bho bhakwembela ni chisu bhalwe bhatakwembela nacho. Papo utujyilo twa chisu kwa fika kumwisho. 32 Ngulonda mubhe babuke kundamyo shoshi. Umulisha jyo ateghite akughebha mulindu fyo fili pamupene nu Mutwa, bhwo shikulonda ukumuhobho sha umwene. 33 Lole umulisha jyo eghite atakushikongesha imbombo isha chisu, ukumuhobhosha umwakashi, Ajyabhanikite. 34 Umukolo jyo ateghighwe na jyo atekomanite tumo mumulisha akukongesha imbombo sho ifndu fyo fili pamupene nu Mutwa ukubha pashima, ukulesania umubhili ni ndumbula lole umukolo jya eghighwe akukongesha ifindu pa chisu bhwo abhaghite ukumuhobhosha umulume ghwake. 35 Ngujyugha ishi kufaida jyinyu jyu mwemwe, ndakubhika ichitegho kukwinyu. Ngujyugha bhumo papo bhwanaloli, ukuti mubhaghile ukwishimika kwa Mutwa uhishika kubha ni ngalalishi najyimo. 36 Lole linga umundu akwinong'ona atabhaghile ukumubhombela ubhwinutu umulindwana ghwake, papo inyinong'ono shake shilinamaka ngani, muleke eghane naghwe isa mwo akulondele ta mbibhi. 37 Papo linga utumwile ukuti idakwegha, atalipo jyo akukukanila linga utabhaghile ukubha ni funyonywa kingabha kisa linga utegha. 38 Ujyo jyo kumubhona umulindwaghwake akubhomba akisa, ghwepe jyo asala ukuti une ndakwegha bhwo abhomba ngani. 39 Umukolo apinjighwe numulume ghwake pala alikwo kubhwumi, lole linga afwa alinu bhwabhuke ukweghighwa na ghweshi jyo amughanite lole mwa Mutwa mwene. 40 Bhukali ubhwamuli bhwangu indiakabhe nuluselo ngani linga ikala isa mwo abhelile. Nune ngwinong'ona ukuti nune bhubhu ndinumbepo ghwa Chala.