Umutu ugwa 4

1 Po papo ulu lyo umundu atubhelenge utwe, kuti tulibhabhombeli abha Kristi na bheneleli abha siri isha naloli ishi Chala. 2 Kulili chochikulundighwa kubheneli ukuti bhabhe nu kusubhalila. 3 Lole kukwangu chindu chindi ngani ukuti tingalongiwe numwe au ubhulongi ughwa bhandu. Papo ndakujyilonga nune nimwene. 4 Ndakwilonga jyunene ijyijyitali ni maana ukuti une neghwanaloli. Ghwi Mutwa ghwe akundonga. 5 Papo mtakajyughe ubhulongi kulyolyoshi lila kabla akabhalilo sona akabhaliloko Mutwa atisile. Ghwe tiakabhalelo kulumuli ifindo fyo fifisite kungisi nu kubhwabhwa imbombo isha ndumbula. Po kila mundu tiakapokele imbalisho isha kufuma kwa Chala. 6 Ulu, umukulu nu mulumbu ghwengu jyu nene nu Apolo indumule ikaumi ishi kunongwa jyangu ili kufuma kukwangu mubhaghile kumanyila imaana ijya injughilo ijyi, ''Utukabhuke ngani isa bho chisimbighwe.''Ijyi ukuti kutali nayumo kwikwinyu ghwe akwifuna pamwanya jya mununine. 7 Papo ghwini ghwe akutesha itotauti jyinyo nu munine? Choni cho ulinacho atakapokea pabhobho? Linga upokelilte bure? koni mukwifuna linga utabhombile agho? 8 Lole mlinafyo fyoshi mwafighanile! Sona lole mwabha bhakabhi! mwanda ukutawala nu kutimukuniliki kukinda utwe! Ubhwa, naloli ngubhasumila mumwimuliki akisa ukuti tumuliki pampene numwe. 9 Papo imenye Uchala atubhikite utwe kubha bhabhombeli isa kutulangila ughwa kubhumalilo kumstali ughwa kubhughania isa bhandu bho bhalongighwe kughoghighwa. Twabha isa ubhukomano ughwa pachisu, kubhandumi nu kubhandu. 10 Utwe tulibhalema kunongwa ijya Kristi, lole umwe mwe bhanaloli kwa Kristi. Mukweghelana lole utwe mukufujyighwa. 11 Po papo nulushe tulinisala ni nyuota tutali ni mwenda, tulinifikumelo sona tulinapakwikala. 12 Tukubhomba imboimbo ngani, kutokono twitu jyo twetwe. Bhobhatufujya, ulusajyo akalilo ko tukutaninghwa, tukwikasha. 13 Potukutukwa, kukubhaghomo kesha kuchisa kubha isa kukanaghwa ni chiso ni finyali nimbombo shoshi. 14 Ndakusimba imbombo ishi kubhaimbishe umwe lole kughomaka kukwinyu isa abhana bhangu bho imbghanite. 15 Pope linga mlinabhanishi amalungu elfu mukati uwa Kristi, mtali na bho bhabha abhingi, papo nabha ne bhabha ghwinyu mu Yesu Kristi kughendela mubhulombili. 16 Po papo ulu ngubhabhula mngongaghe une. 17 Ijyo kunongwa ngamtuma kukwinyu Timotheo, mghunghwa ghwangu ughwanaloli kumutwa. Tiakakumbushe isila shangumo Kristi, isa bho ngubhamanyisha kila mahali na sona kila itempeli 18 Lole fingise kukwinyu akabhalilo, isa umtwa ngana po ndikamenye amashi ghabhoshe bhobhakwipalisha, lole tinga ngatesa amaka ghabho. 19 Po papo baadhi jyinyu bhakwipalisha wakubhomba isangati tengise kukwinyu. 20 Po papo ubhomalafyale ughwa Chala utakubha kumashu ila ukubha kumaka. 21 Mkulonda aki? Nise ni ngili au nu lughano na mumbepo ijya bhwololo?