Ukalata ugwa 16

1 Papo ukuti imichango ijya bha chipanga, isa awo nabhali niesha mubhotembeli bha bha Galatia, bhubhuvwo shikubhalonda ukubhomba. 2 Mwishiku lya kwanda lya mulungu ghweshi papinyu abhike ichindu choshi palubhafu nu kuchisengula isa mwo mubkeglute. Bhomba bhubhwo inga manye kubha nukuchanganyia akabhalilo kongwisa. 3 Pope lingaponisa ghwesho jyo mwamwisala tinga auutuma pawupene nu kalata ukutisha ifya bhupe fyinyu ku Yerusalem. 4 Pope linga shamwanaloli une ukubhuka sona, inditukabhuke pamupene nune. 5 Lole itingisa kukwinyu po linga kughendela Makedonia. Ukuti tingaghendele Makedonia. 6 Pamu imbaghile ukwikala numwe na linga kumalisha utubhalilo utwambepo, inga ukuti mubhaghile ukunya fwa musafari jyangu, poshi po ingujya. 7 Ukuti indakusubhalila ulu kukabhalilo akapimba. Ukuti ngusubhalila ukwikala akabhalilo kamu linga umutwa anyitikisha. 8 Pope indingikala Muefeso mpaka pentekoste, 9 Ukuti umulyango ghwighuligha munongwa jyitu na bhalughu abhingi bhakanganagha. 10 Po linga akabhalilo U Timotheo isa, mumenye ulanti alipamupene numwe chishita koghopa akubhomba imbombo jya Mutwa, isa mwo ngubhomba. 11 Umundu ghweshi manye awufujye. Mumwafwe musila shaka ku kulutengano lole ukuti abhaghile ukwisa kwangu. Ukuti kumusubhalila ise pampene nu ghwamwabho. 12 Po ukukongana nu ghwamwitu u Apolo. Inga mupa umojyo ngani ukubhaghendela ukwisa akabhalilo ako. Po papo aka kise akabhalilo ko abhaneko. 13 Mubho maso, ima kisa mubhombe ingati bhalisha mubhe na maka. 14 Po shoshi sho mukushibhomba shibhombighwe mulughano. 15 Mukamenye akajya ka Stefano. Mumenye ukati bhakabha bhatiki bha bhwandilo kula Akaya, nukuti bhakibhika abhene mumbombo sha bhitiki nulu kubhabhusha abha mukulu nu kalumbu, 16 Mubhange bha kwijyisha kubhandu isa bhabhabho na kumundu jyujyo akubhafwa mumbombo nukubhomba pampene numwe. 17 Pope inguhobhoka ubhwisilo bhwa Stefano, Fotunato, nu Akiko. bhimite papo umwe mwalondighwa ukubha. 18 Papo bhahobhokite ni myojyo jyangu ni jyinyu. Papo ulu bhamanye ukuti abhandu isabhu. 19 Abhotembeli bha Asia bhatumito bhabhalamuka ngani. Akila nu Priska bhakubha lamuka mwa Mutwa pamupene na bhotembeli bho kukajya kukwinyu. 20 Abhomukulu na bhalumbu bhoshi bhakubhalamuka. Lamukanegha kukufipana ubhwisa. 21 Une, ni Paulo, ingusimba ulu kukakono akangu. 22 Linga jyujyo atamughanite Umtwa, po ichighune chibhe pa mwanya jyake. Mutwa ghwitu isagha! 23 Lusajyo lwa Mutwa ujYesu lubha numwe. 24 Lusaghanu lwangu lubha pamupene numwe mwa jYesu u Kristi.