1 Tuyughe kuti tukuyugha ishu bhandu na bhandumi lole pakuti ingandali nulughano mwondishaba iliyo au upata uvumo. 2 Lole indi ni kungilwa na bhosololi kumanya ubwanaloli bwobwi mamite mahala sona indi ni imani ya kusamia utwamba hole inganda nulughano une chindu. 3 Na tuyughe ukuti tingatishe miliki iyangu yoshi kubhalisha abhapena, sona itungatishe umubhili wangu ibye umlilo, lole inganda nulughano yitakunyafwa nichimo. 4 Ulughano kwikasha ni chusa. Ulughano lutakwikwesha lutakwebhona, lutanamachingo. 5 Atanulwashikisho atakulonda imbombo gake atakuchobhona ichibhabhilila lubho, sona atakabhelenga amabhili. 6 Atakusekela ubhubhoneli; lole kusekela ubwa naloli. 7 Ulughano kwekasha imbombo yusho; kwitika imbombo yushi sona weatakwoghapa sona imbombo yoshi, kwikasha imbombo yoshi. 8 Ulughano lutakushila. Ukuti kulina na bhasololi, bwoshi utibhukakinnde, sona kuyugha, utishukashile sona kulina mahala utughakakinde. 9 Poppapo tumanye ulubhafu tukubhwamba ubhusololi kulubhafu. 10 Lole pakuti yila yoyishilite, sona yoyilashilite itiyikakinde. 11 Pongabhamwana, ingiyugha isu mwana, inginongona isu mwana, ingayugha isu mwana. Pongabha mundu wi songo, ingabhika kushutali nune imbombo ya bwana. 12 Po papo apa tukutesha isa mwighalasi, sons pamaso ingishi lole akabhalilo akabhalilokala ututukatesha kucheni kucheni. Apa imenyu kulubhafu, lole akabhachilo kala utingamenye ingani une isa mwomu kumanyika ingani. 13 Lole apa imbombo iyi itatu ya shabhombeli kwitika, ulusubhalilo lwolukwisha, nulughano. Sona lwo lungamu ingani kughagha lughano.