sura ya 5

1 Pe abhibhazizizye uwinza ku lwitiho, mubhe nu lutengano kwa Mulungu kwidala ilya mwene uwitu UYesu Kilisti. 2 Kuwene tupatile idala ilya kwitiha kuuvufishila uwinza na kwimilila mukasi mu mwakwe. Na kusha we tutegemeye kuwufishila u winza uwaMulungu. 3 Te shishisho, basi ha mushanje na mumanyimba, tumanyile kuli amimba kuleta kunjimbilila. 4 Kujimbilila kukuloleha shu yitishile, kukwitiha kuleta kwimilila ku nsiku zyezi kwinza. 5 Kukwitiha kutakuvunza mwoyo ulugano lwa UMulungu lwinzile mumoyo kushilila umupepu umufinjile, watupiya itwe. 6 Rula we tutali na maha, wezyafiha insiku Kilisti ahafwa kwajili ya bhabhibhi. 7 Ihayibha mbombo umundu kufwa kwajili ya mwinza, ikuwenzehana umundu kufwa ku umundu umwinza. 8 Ryoli UMulungu akulolesya ulugano lwakwe kukwitwe, UKirisiti ahafwa kulitwe lwa wetwali twe bhabhibhi. 9 Ishi pe atubhazizizya inyinza kwi bhanda ilyakwe tetupone nu mulaha wakwe Mulungu. 10 Itwe we twali, twe bhabuda, tuhakundanywa Mulungu kwidala ilya wufwe ilya mwana wakwe, wa atukudanya tuhayipona ku wumi wakwe. 11 Teshishi basi, lyoli tukusha kwa Mulungu kushilila umwene UYesu Kirisiti, kwa wuyo tunzetwapata kukundanywa. 12 Kushilila, umundu wake imbibhi zihinza munsi uwufwe wuhinza kumbibhi izyo, uwufwe wuhujenda kubhondi, Bhahapela bhondi bhabho mbile imbibhi. 13 Nakuli indajizyo zyinze imbibhi yalipo munsi, ilelo imbibhi zitakumanyila ingazi tulipo indajizyo. 14 Uwufwe, wajendilu ukuma kwa Adamu paka nu Musa, na kubhalu bhebhatabhombile imbibhi she yikyholana na wubhibhi wa Adamu, akuhona na wahayinza. 15 Uwupi wula, wataliinza she amapuye, weka wa wahapubhila bhahafwa, she ziliulugano lwa Mulungu uwupi she wuli kulugano lwake kwa mundu weka, UYesu Kirisiti, Rwonjeye kubhala abhinji. 16 Uwupi te kwawula wa bhombile imbibhiha, ilelo kundwimo.Kulongwa kwinzile kajili ya mundu weka ihaleta insoshi.Ryoli lugano ulwa pa bhulo amakosa aminji ihaleta kubhazilwa inyiza. Kukusela, kwa mundu weka uwufwe wuhatanda pondi kwa wula weke. 17 Abhinji nifwa bhebhukuposhela ulugano ulwinji, nalula ulwitiho ulwanalyoli, bhayiyeleleshela kuwumi kwajili ya mundu weka. 18 Ishi ilelo, kushilila ikosa lyoka abhondu bhondi bhahabho muwulonji, ilelo kushilila imbombo yeka iyanalyoli tuhabhazilwa uwanalyoli, uwakudila kubhandu bhondi. 19 Kwa kubhomba imbibhi umundu weka, abhanda bhondi bhahinjila mumbibhi bhahinjila muwinza. 20 Indajizyo ihinjilu peka, inga uwubhibhi wubhepondi. Ilelo pi imbibhi nyinji, uwinza wuhonjelaga ihoni. 21 Inga kuti imbibhi uwe yaloleshile ku wufwe, iwinza kwidala ilyanalyoli ulugano luhaloleha paka uwumi uwuwi uwawila nu wila,ku UYesu Kirisiti umwene iwitu.