sura ya 3

1 Umuyahudi ali nu winza woni? na kwatwa kuhondeye kuhonu? 2 Kuhondeje ifwa kwidala lyolyondi. Umulungu ahabhapa, abhayahudi kulola. 3 Ishipe honi, pe bhamu abhayahudi bhatahitiha? abhene pe bhatahitiha uwinza uwa Mulungu wungabha wubhibhi? Ishi pe, muleshe, 4 UMulungu aloleshe kubha, wanalyoli. popeshu mundu angabha wilega, ''she yisimbilwe inga umunyishe kuti zwukulonga kutizya nalyoli, uhatole wukwinjilu kuwulonji.'' 5 Inga uwubhibhi witu wukulolesya uwupiti uwa Mulungu, ishi? UMulungu mubhibhi wakuleta islyoshi? ingulonga ishiwandu. 6 Ha! zihayibha wu Mulungu ahayiyilonga insi? 7 Uwanalyoli wa Mulungu kushilila ilenga lyani, honishi ingulongwa kuti indi ni mbibhi? 8 Honi tutahalonje inzashe, bhatwandiye ilenga na abhanji she, ''bhakulonga kuti tulonjile, tubhombe imbibhi inga zyinze iyinza''? Kulogwa kwa nalyoli. 9 Honi ishi? twebhinza inzabhanji vwe bhali? Ha shezitali. Itwetubhasitakile abhayahudi na abha Yunani bhoneli kuti bhalipasi pi mbibhi. 10 Inza she zisimbilwe kuti; ''Atalipa uwinyinza, ingaweka. 11 Alipo wa amanyile. Atalipo wa akumwanza UMulungu. 12 Bhondi bhatejile. bhabholile bhondi atalipo wa akubhomba inyinza, alipo, inga weka. 13 Imilo ilyalwabho lyina ilyazi. Indumili izyabho. zipubhile isumu iyinjoha yili mumalomu igabho. 14 Amalomu igabho vizuye imihosi nu uwuhali. 15 Inzinama ivwabho vikushimbilila kwita ibhanda. 16 Uwunanjisu na mayiba gali mumalala igabho. 17 Idala ilya lwihalo bhatalumanyile. 18 Patari ilyoga ilya UMulungu pa miso igabho ha.'' 19 Ishi twamanya kuti hohondi hi indajizyo ilonjile, Ikulonga na bhala bhebhali pusi pi ndajizyo. 20 Inga ilomu lyolyondi lidindwe, na insi yondi ibhe pasi pa kulongwa pa Mulungu. 21 Ilelo uwanalyoli, uwa Mulungu wukumanyiha bila ndajizyo. Uwuketi wuli kundajizyo na abhakubhi, 22 Wanalyoli, wa Mulungu kushilila ulwitiho lwa uYesu Kiristi kubhala bhondi bhebha mwitishile. utangaholanyu ha. 23 Bhondi bhabhombile imbibhi, na kupungushilwa nu winza wa Mulugu. 24 Bhakubhazilwa uwanalyoli pabhu kulugano lwakwe kwidela ilyawokole kushilila uKiristi uYesu. 25 Umulungu ahamufumwa uKiristi uYesu abhe luhomango kwidala ilya lwitiho kwi ibhanda ilyakwe. Inga alolense uwinza iwakwe, kwa kizileha imbibhi zyezi hashila. 26 Inga alolesye uwinza iwakwe. isalaizi inga abhe mwinza na kumubhazizya iyinza, wa amwitishile UYesu. 27 Kulikwino kuyibanda? kudindilile kunzi. kundajizyo yeyili bhulibhuli? kundajizyo iyinjendo? ha lyoli kungajizyo lwitiho. 28 Ishi twamanya kuti umundu abhazilwa inyinza kulwitilo te kukunjendendo izyi ndajizyo. 29 Awe Umulungu wu Mulungu wa bha Yahudi basi? te wu Mulungu uwa munsi yondi ha? Ee,wu Mulungu uwa munsi yondi. 30 Inga zyanalyoli UMulungu aliweka, atibhabhazizye izyanalyoli ku kwakwatwa, ku lwitiho bhebhatatilwe bhagabhazilwa izyanalyoli kwidala ilya lwitiho lunulwo. 31 Ishi tukunanganya indajizyo kulwitiho lunulwo? Tukuyitiha indajizyo.