1 U Paulo, umusondelezye uwa uYesu Kiristi, wa amubhilishiye kubha msondelezye, abhishilwe alumbililaje amazwi iga Mulungu. 2 Izi zye ndumbilil zyu Umulungu alonjile kushilila abhakubhi bhakwe kushilila ulusimbe u wufinjile. 3 Uyo mwana wakwe, wapapilwe kushiholo sha Daudi kumadala iga mubhili. 4 Rihabha apazelu kumaha ga mwana wa Mulungu kumaha ga mupepu umufinjile kumadala iga kuzyuha kwake. 5 Kushilila awene tuhawaga uwinza ku wutivyu nu lwitiho kubha munsi zyondi, kushilila itawa lyakwe. 6 Kunsi inzi mubhilishililwe, kubha mwe bha Yesu Kiristi. 7 Ikalata ini yilikubhondi ku Rumi, bhu Umulungu, abhaganile bhebhabhilishiliwe kubha abha finjile,umwinza wubhe nimwe nulutengano kufuma kwa Mulungu utata awitu na umwene UYesu Kiristi. 8 Kuwandilo, ingumusalifwa Umulungu wane kushilila UYesu Kiristi kulimwe ulwiho lwinyu, lukulumbililwa munsi yondi. 9 UMuungu wiingumuputa kumupepu wani, kundambilili izya mwana wakwe, wa amanyile kuti ingubhateha bila kwela. 10 Wila abhu ingulabha kuyozya kwani kumadala kumwisho ahawine kulugano lwa Mulungu kwinza kwinyu. 11 Injiganile kubhalola ingaimbape imbombo yimo iya mumwoyo inga mwimilile ahinza. 12 Inga tupelene umwoyo ine nimwe, kila mundu ku lwitiho lwa wamwabho, iyinyu ni yani. 13 Bha holo bhani, indayiganile kuti mtahamanye, insiku inyinji kuti napanji kwinza kukwinyu, ihadindwa paka ishi naiganile isho ingimbe nu wugoma kukwinyu inza shindinawo ku bhandu ibhamusumu. 14 Ikwiswa na bha Yunani na abhajeni, bhebhakwelewa na abhalema. 15 Kulugano lwani, inditayari kulumbilila izwi kukwinyu nimwe mwemuli ku Rumi. 16 Indakulilolela insoni Izwi ha, igo mahaga Mulungu gegakuleta kupona. 17 Izya nalyoli Izya Mulungu zila pazelu mukasi mumwakwekufuma ulwitiho hadi ulwitiho Inza she zisimilwe, uwanalyooli atidile ku wanalyoli. 18 Uhali uwa Mulungu wubhishilwe apazelu kufuma kumwanya ku bhandu abhamakosa na abhabhibhi, bhebhakuhana Izyanalyoli ku wubhibhi. 19 Amambo iga Mulungu gegamanyishile alapazelu makasi mumwabho. uMulungu abhalolesizye. 20 Amambo gondi gegatakuloleha kufuma kupela Insi yuneli gakuloleha. Na kumanyiha ku mbombo zyakwe. uwupiti wakwe uwa wila nu wila na uwuMulungu uwake, bhatahabhe ni nsolo. 21 Abhanda ibha we bhamumanya uMulungu bhatahamuputa Inzashali uMulungu ha wala kumusalifwa. ila bhahatega kwi lenga lyabho. Na amoyo gabho iga wutema gahabha na hisi. 22 Bhahayilongaga kuti abhene, bhebhaninjere bhali bhapumbavu. 23 Bhahabaelilisha uwinza uwa Mulungu watakunanganya ni miso iya shi wundu wali na wubhibhi. ni yinyonyi ni yi vihanu ni vye vikwavula. 24 U Mulungu ahabhaleha bhafwete injele Izya moyo igabho iga wupopo. bhavunzilana Idogo ilya amabhili igabho. 25 Bhahagalulanya uwanalyoli uwa Mulungu kubha lilenga, Bhahashisugamilila, Shipelwi na kushiputa. Bhaleha kuti bhamuputaje uMulungu uwa wila nu wila. Amina. 26 Kushisho, UMulungu abhaleha bhajendaje munjela zyabho izyi ishoni, Abhandanda bhope bhahagalulanya imwata yabho, Bhahafwatayete mwata yabho. 27 Ahasahalu bhope shinisho, Imwata iyabhamwandanda bhahayileha. bhahatala kuganana abhasahala na kubhomba gegatahondeye pamiso gabho bhahabhomba gebhakuganza bhibho. 28 Inza she bhasitile kubha nu Mulungu munjele zyabho, UMulungu ahabhaleha bhabhombe zyezitakwanziwa. 29 Bhapimbile uwubhibhi wondi, inzambi, ishigane nu wubhibhi. bhizuye umwone nu ugoji, uwuyanzi, bhebhakutezya, na bhebhakukwina imbibhi, bhebhakuseha. 30 Bhebhakukwinilila, Bhebhakumuvitwa UMulungu bhebha na ahavuluvulu,. Bhehakwambusilizya na Ibhibando, bhabhakutunga imbibhi atakubhivwa bhehamupapile. 31 Bhebhatakuzyaganya; bhebhakuvunzanyu ulitihano, bhebha tubhaganile, abhamwabho, bhebhatakutuyila. 32 Bhamanyile shu Mulungu, akulonga kuti abhandu bhebhakubhomba igo bhakwanziwa kuti bhavweilelo bhakubhomba abhulo. Bhopebhakwitihana na bhala bhebha ku bhomba.