Umlyango gwa 1

1 Unu wuzusye uwa Yesu Kilisiti uwa Mlungu ampiye ingelelo kubhalolesya abhabhombi abhakwe inongwa yeikwanzilwa yeyifumiye shinishi. Ahagabhiha kuti gamanyishe kwa kumsondelezya uhabhizya iwakwe kubhabhombi ibhakwe uYohani. 2 U Yohani afumizye apango wehondu hondi aharolile kufumilana kufumila nu Yesu Kilisiti. 3 Na sayilwe wuyo wakubhazya kwa kuzutizya na bhala bhondi bhebhekutejelevwa inongwa izya mkuwi unu, na kulema hehandishiliwe umwo, insiku ziparamiye. 4 U Yohani, kuvibhanza saba vwevili ku Asia: ulugano lubhe kukwinyu nuwinza kufuma kukwakwe walipo, na walipo, nabhahayinza, kufuma kumpepu saba bhebhali pilongolela pitengo ilya wumi, 5 na kufuma kwa Yesu Kilisiti wanayoli, umpapwe uwakuwandilo kubhe bhafuye, na watabhalaye abhamwene ibhapansi ipa. Kwake yeye atupendaye na ametuweka huru kutoka katika dhambi zetu kwa damu yake, 6 mtubhishile kubha twabhamwene, twabharongozi ibha Mulungu nu Tata iwakwe - kukwe nuwinza na maha iga wila nzila. Amina. 7 Yenya akwinza na mabhingo, lyondi ilyiso lilimlola, peka nabhala bhebhamlasile. Na ivihoro vyondi vwevyamnsi bhahaizinda kukwakwe. Lwelusubhilo, Amina. 8 "Ine na Wakuwandiro iwinza na Wakumwisho," ukuronga Umwene Umulungu, "Iwene walipo, na walipo, na wa kwinza, Walina maha." 9 Ine na Yohani - nahoro uwinyu naweku wakubha peka nimwe kumayimba nuumwene na kuvumilila uwanayoli wewuli kwa Yesu; kwekuli kwene kwebhakuti kupatimo kunongwa izya Mlungu kuhapango iha Yesu. 10 Namile nu Mpepu isiku ilya Mwene. Ihivya kurusalo kukwani izi ilya kumwanya inzisaji, 11 likuti, "yandiha mshitabu gukugarola, ugatwale mvibhanza saba, kubha Efeso, kubhala Smrina, kubhala Pergamo kubhala Thiatira, kubhala Sardi, kubhala Philadelphia, na kubhala Laodikia." 12 Ahagaruhana kuti lizi lyananu lyelyaronga nine, wenagaruhana ihalola ishinyumba ishi hela isha luhozyo saba. 13 Pakasi pashiyumba iparuhozyo alipo weka unzu Mwana wa Adamu, akwatile igorole itali lyelifishile pasi pavinama ivwakwe, nilambi lyugati hela kuzyungula pashifubha pakwe. 14 Itwe ilyakwe ni nsisi izyakwe zyomile nzelu inzi sufu inzeru inzi ngonda, na miso igakwe gali inzimbibhi izya mwoto. 15 Inyenyo zyakwe zyamile ugati shabha yebhakushile ihoni, inzi shabha yebhashizizye mmwoto, na izi lyakwe lyomile inzizi ilya minzi aminji gegakwitiha ihani. 16 Alemelezizye inzuta saba kunyobhe iyakwe indiro, nakufuma mwiromu mwakwe kwali iponga iihali ilyoji kwondikwondi kumiso kwakwe kuhabhingamilaga unzuruhozyo uluhali inzizubha. Uso wake ulikuwa uking'aa kama mwanga mkali wa jua. 17 Wenamlola, ihangwa pavinama papakwe unzumndu wafuye. Abhiha inyobhe iyakwe iyakundilo pamwanya papani na kulonga, "Utahogope! Ine na wakuwandilo iwinza na waku Mwisho, 18 na wakudila. Nalinamfuye, ilelo yenya, ingudila wila na wila! Na ndinazyo ifwungulo izya kuwufye na kuwuzimu. 19 Ishi puyandishe gewagarolile, ishi nagala gegahayifuma pagiga. 20 Pegegayifisile kunzuta saba zyebhaziwenyi kunyobhe iya kundilo na ishiyumba ishihela ishi koloboi saba inzuta saba bhabhahabhizya ibhavibhanza saba, ni shiyumba ishikoroba saba na vila ivibhanza saba."