Maalika 5

1 Bhahinza kufuma imbali iya mwabho mwa sumbi, kuti insi ya Gerasi. 2 Na lubhilo abhulo UYesu wamamili kufuma panzi iyahatuli, umndu uwipepu imbibhi ahinza kukwakwe kufuma mumbipa mui. 3 Umundu unu ahihala mumbipa ingaweka watahawezya kumudinda ahani, numo kuti kwa munyororo. 4 Ali apinyilwe kusilai inyinji kumbigwa na ahadumula imbigwa zyakwe zihavuziha. Atali poningaweka wamali na mahaiga kuyitula. 5 Uwusiku na shamusanya ali mumbipa na mumagamba, ahalila wayibhola wuyo amwe abhulo, kumawe amahali. 6 Ahamulola vyesu ukutali, ahamushimbilila kukwakwe kuvina kwilongolela yakwe. 7 Ahalila kwizi ipiti, "Wanzaga wazaga ingubhombele ahoni, UYesu Mwana wa Mulungu wamali pamwanya ahani? Indikubhuzye kwa Mulungu wuyo, utunjivyae. 8 Kwekuti hamubhuzya, "Iumila umundu unu, iwe wuwimbepu imbibhi." 9 Wope ahamubhuzilizya, itawa lwabho wa nani? wope ahamubhuzya, "Itawa lwani na legioni kwekuti tawabhinji." 10 Ahamusisitizya awinza na winza utaha bhatwale panzi insi. 11 Ilelo imbuga imbiti iya shihanu lyamili lyakulilisya pamwanya pigamba. 12 Wope bhahamusisitizya bhalonga, "Tusondelezye kuvihanu, twinjile mukasi yabho." 13 Shinisho ahabhamula, impepo umubhibhi we wafumile kwinjila mukasi mwa shihanu, wope wuha shimbilila pasi pa hagamba ilelo mwasumbi na kufiha mushihanu elfu na zibhili bhahaswibha mwa sumbi. 14 Na bhala bhebhali kulisya ivihanu bhahashimbila na kufumwa ipembu zyezyafumiye muhaya imbiti na kufuma munsi. Anzabhandu abhinji bhahafuma kubhala kwenya hehafumiye. 15 Anza bhahinza kwa Yesu na bhaha mulola umundu walukiwe ninjele nimpepu wamali na ayihaye pasi, na amali alukiwe ninjele yakwe iyana lwoli bhope bhahogopa 16 Wope bhebhali bhalolile hehafumiye kubhandu waamili ananjishile injele na umpepu ahabhabhuzya hehamiye kukwakwe na ishyo ahavibhuzya ivihanu. 17 Bhope bhahanda kumsimishizya asogole kunsi yabho. 18 Ne webhali bhahinjila mukasi ya hatuli, nu mundu wamali asililiwe ni njele na impepu bhahamusimishizya kuti bhalaga peka naluo. 19 Ilelo atahamwitishizya, ilelo ahamubhuzya, bhalaga munyumba mumwaho na kubhandu bhaho. Na abhabhuzye bhakubhombeye mwene, na ulwitiho lyakupiye. 20 Isho ahabhla na ahanda kubhabhuzya inogwa imbiti anza zyu Yesuabhombile kukwake kuti Dekapoli, na weka ahaswiga. 21 Na ahabholilo UYesu wafumila awinza kumbali iyamwabho, mukasi muhatuli, imbuga imbiti ihahomana ihamuzyungula, wamali pambali mwa sumbi. 22 Naweka mulongozi wa sinagogi, wamamili Yairo, ahinza, na ahamulola, ahagwa pavinama vyakwe. 23 Ahamusimishizya awinza, ahalonga umutunda wani munsi apalamiye kufwa." Nakusimishizya zaga ubhishe inyobhe yaho pamwanya papakwe kuti awezye kumupa uwinza na kwihala." 24 Shinisho ahabhala peka nawo na mbuga imbiti ihafwata nawo bhaha muzyushila pipipi bhala muzyungula. 25 Kwamili nu mwandanda wibhandalyakwa lyamili lihafumaga amaha ishumi na gabhili. 26 Ahayimba ahani pasi iyamayimba ainji ahatumila ahandu hondi hamamili naho ilelo Isho atahapalamila kulwolwondi, kwimilili kwakwe kuhonjela kubha kubhibhi. 27 Ahivya inongwa zyezimupalamila UYesu. isho ahiinza palusalo ijakwe ahamula wamali kujenda mukasi ya impuga, wope bhahamupalamasya amenda gakwe. 28 Kwekuti ahalonga, enge napalamasya amenda gaho ihayibha na mpuma." 29 Wamupalamasya, ahafumwa ibhanda kuhasila, na ahayivya mumumwili wakwe kuti aponile kufuma ukwo kumayimba gakwe. 30 na panapo UYesu ahagundula mukasi yakwe wuyo kuti amaha gasila. Na ahagaluhana ukwo nu kwo kuti imbuga iya bhandu yikubhuzilizya wunanu wa palamasya umwenda wani? 31 Abhaaalandati bhakwe bhahamubhuzya, ukulola imbuga ini yilongoleye yiuzyunguluye, wope ahalonga, wunanu wa palamasya?''' 32 Ilelo UYesu ahenya ukwo nu kwo ahalola wamali kubhomba ilwo. 33 Umwandanda, ahamanya hehafumiye kukwakwe ahogapa ahayinga. Ahinza nahagwa pasi pilongelela yakwe na kumubhuzya izyanalwoli bhondi. 34 Ahalonga kukwe, "Umutunda, winza waho wkubhomba ubhe wa mpuma balaga kuwinza bhakuponwe kufuma kukwakwe ipungo zyaho? 35 Webhali bhakulonga bhamu abhandu bhahinza kufuma kwa wakulongozya wa msinagogi. Bhalonga, umutunda waho afuye honi he mukwendelela kumuyivya ummamanyizi?'' 36 Ilelo UYesu wayivya hala hebhalo njile, bhahalonga umumanyizi wa sinagogi. Utahogope uwihalo abhulo. 37 Itamulusile owondi kulongazanya nawo. Tekuti UPeteri, Yakobo, nayo hani uholo wakwe UYakobo. 38 Bhahinza mnyumu mwa mumanyizi wa sinagogi wope ahalola ifujo. ahalila hani na kuombolezya . 39 Wahinjila munyumba, ahabhabhuzya honi hemukushona na honi he mu kulila? uwana umwana atafuye yoli agonile. 40 Bhahamuseha, ilelo mwene ahabhefwa bhondi panzi. Bhahamwega uyise nu mwana uumayi na bhala bhebhali peka nawo, ahinjila mukasi mwali umwana. 41 Ahaga inyibhe ya mwana na ahamubhuzya, "Talitha koumi ilya kulonga, umutunda umunsi inguku bhuzya, damuha. 42 Lyeka umwana ahadamuha na kujenda (Kwekuti ali na umri na maha ishumu na gabhili). Na lyeka abhulo ahalemwa na kuswiga apapiti. 43 Ahabhalazimisha kumaha kutiatalipo wowondi kwanzilwa kumanya na kumuluhusu na kumubhuzya bhamupe ula umutunda ishakulya.