Maalika 16

1 Ahabhalilo ihisabato welyasila Mariamu Magdalena na Mariamu nu Mayi wakwe nu Yakobo, Salome, bhahakala amafuta aminza kutibhawezye kwinza kumupaha amafuta umubhili wa Yesu kuti bhamuswile. 2 Ishilabhi na pwii isuku ilyakuwa ndilo iyapamandi bhahabhala kumbipa wi zubha lyafuma. 3 Wahabhuzilizanya abhene kubhene wunanu watiyefwe iwe akultwe engetwinjile mumbipa? 4 Ahabhalilo webhenya, bhahamu lala umunduulu wakwefwa iwe ilwo lyelyali lipiti ahani. 5 Bhahinjila mwi mumbipa ahamulola umutunda akwatile igolole izelu. Ayihaye kumbali kumbali kukandilo na bhahaswiga. 6 Ahabhabhuzya mutahogope. Muku mwanza UYesu, umunazareti webhahamuyivyaga. Azyushile atalipo ipa yenya ipa pala pebhamili bhahamubhiha. 7 Bhalaji muhabhabhuzye abhalanda bhakwe Peteri kubha abhatanguliye bhahafiha Galilaya. Ukwo mtimulole shamamili ahamubhuzya." 8 Bhahasogola na kushimbilila kufuma kwebhafumile kumbipa, bhahayinga na kuswiga. Bhatahalona ningaheka kubhandu na wowondi kuti bhahogopa ahani. 9 (Kufwatilila amakarata ingimandi kusengula Marka 16:9-20). Ishilama isiku ilyakuwandilo ilya pamandi kufuma kuzyuha ahamu fumila kuwandilo Mariamu Magdalena kwamafumile kukwakwe aha mwefwa upepu saba. 10 Ahasogola na kubhamuzya bhala bhebhamili peka nawo. Kati webhamili ahaswimilila ahafuma amasozi. 11 Bhahivya kuti wupuma nabhalole ha nawo ilelo bhatitishile. 12 (Kufwatilila amakarata igimandi na kusengula Marka 16:9-20). kufuma isho ahafumila shingunga kubhandu abhamwabho bhabhili webhamili kujenda kufuma kutipansi. 13 Walienda na kubhabhuzya abhalandati abhamwabho bhebhasyalile. Ilelo bhatahitiha. 14 (Kufwatililila amakalata igimandi kusengula Marka 16:9-20) UYesu asuti ahamila kubhala ishumi na weka webhamili bhigamiye pameza. bhahabhashemela bhatahitiha ningaheka nuwugomu uwamkasi, kwekuti bhatahitiha bhala bhebhamulolile kulusulo ahazyuha kufma kubhafuye. 15 Ahabhabhuzya bhalaji pansi yondi kubhabhuzya izwi kubhebhakupapwa bhondi. 16 Wowondi wakwitiha na kuzilya ahayitiha nula watakwitiha ahayilongwa. 17 (Kufwatilila amakalata ingimandi kusengu Mark 16:9-20 kulosya uku kuhayifwatana na bhondi bhebhakwitiha kwitawa lyani lohahayifumwa impepu. bhayilonga amazwi amapya. 18 Bhahayilema injoha ninyobhe zyabho nakuti bhangamwila ahandu hohondi ihakufisa tehahahobhona nganye. Bhahayibha bhapuma." 19 Kulusalo ukwa umwene ahalonga nabho bhahabhega na kubhazuvya kumwanya inihaye munyobhe iyashisahala iya Mulungu. 20 Abhalandati bhahasogola na kutangazwa popondi pala, umwene ahabhomba imbombo anabho na kusimishizya izwi kumayele. Nakulolesya zeziholine inawo.