¹ Ishikunti isiku izyo, ihafumola kunti Kaisari Agusto afumizye idajizyo ahabhamzyanga kunti inyenjewe isensa iya bhadu bhondi bhebhali musi. ² Ine ya mile sensa iya kwanda yenya bhombishile uwakati Krenio amile msongo uwa Siria. ³ Ihaziwa kila mundu abhale kumjini kukwakwe kusimbizya isensa. ⁴ Wope uyusu asongonye kumji uwa Nazareti ukwo ku Galilaya na hajenda Yudea kumji uwa Bethelehemu, wewumanyishile kunti umji uwa Daudi, kukunti afumile kushiholo isha Daudi. ⁵ Abhalile ukwo kuyisimbi zyapeka nu Mariamu, wama muchumbiye na hagulilanga umwana. ⁶ Ishi ihafumila kunti webhali kula isiku zyakwe izya kupapa umwana zihafiha. ⁷ Ahapapa umwana umsahala , umpapwa wakwe uwa kwanda, aha nu zwungulizya amendaumbhili kumundinda ni mbepu umwana. Pahambhila mwizinga ilya kuzabhilila ing'ombe, kukunti patalipo na pamu mnyumba inyabhajeni. ⁸ Kukundi mwieneo ilyo, bhalipo abhandimi bhebhahabhaga mfwizi kugula ividima ifwi ngole zyabho uwusiku. ⁹ Nalubhilo uhabhizya uwa mwene ahabhaumila, nu mfijile uwa mwene ahalamaa, kubhazyungula bhahabha ni lwoga ihani. ¹⁰ Pe uhabhizya ahabhabhuzya, ''Mtogopaje, kukunti ikubhaletela amazwi amazwi ngelete kusha ukupiti kubhadu bhondi. ¹¹ Umsayunu apapiwe kwajili yinyu mmji uwa Daudi! Iwene wewu Kristi Umwene! ¹² Ine sheshiholayo, yetembhilenayo, temumwaje umwana apinyiwe amenda na agonile mwizinga ilya kuzubhilila ing'ombe.'' ¹³ Nalubhilo kuhabha na bhalungu abhapiti ibha kumwanya vihabhapeka nu habhizya huyo kumpala Umulungu, bhahanti, ¹⁴ ''Uwinza uwaMulungu wali kumwanya ihani nuhutosu wubhe pasi kubhondi bhebha kumhondezya wope.'' ¹⁵ Zihabha kunti uhabhizya wapela kusongola kubhala kumwanya abhadimi bhahamzanya ibhene kubhene, ''Sali ilelo kula ku Bethelehemu, tuhalole iha hahandu hehafuminye, humwene atubhuzizye.'' ¹⁶ Bhahahalagaya kula, na bhahamwanga u Mariamu nu Yusufu, nakumlola umwana agonile mwizinga ilya ku zubhilila ivihamo. ¹⁷ Nawebhalola ishi, bhahabhabhuzye abhandu hala hebhabhabhuzizye, kunti umwana. ¹⁸ Bhondi bhebhu vunye imbepu ine bhaha swiga na hala hebhalojile abhandimi. ¹⁹ Ilelo Mariamu ahendelela kukwina kuzyondi zyamazyifunye ahazibhiha mumwoyo wakwe. ²⁰ Abhadimi bhahaduga bhakumpala na kumsalifwa Umulungu kuhondi hebhifunye, na kulola, anza hezya longiwe kuwawo. ²¹ Welyafiha isiku ilya nane na shamile shipindi isha kumwanta umwana bhahampa itawa UYesu, itawa lyebhampinye nu habhizya wu lwanda lushili kumela mkasi. ²² Izyabho zyezya ziliwe izya kuputiwa wezyashila, kufumila nindajizyo iya Musa, Yusufu na Mariamu bhahamtwala mshibhanza kula ku Yerusalemu kumubhiha pilongolela pa Mwene. ²³ Anza shisimbiwe kundajizyo iya Mwene, ''Kunti umsahala watalile mulwanda atabhe wafumezye uwinza kwa Mwene.'' ²⁴ Bhope shishila bhizile kufumwa isadaka kushilila hebhekulonga kundajizyo iya Mwene, ''Zyeziholile ikunda ni nyama zibhili izyi kunda.'' ²⁵ Yenya, pamile nu mudu ku Yerusalemu webhahatiji itawa lyakwe amile wa Simeoni. Umundu uno amile wayoli na kumputa Mulungu. Iwene ahangulilanga kwa wa kumpaindilola uwa Israeli, nu mpepu umfijile amile pamwanya yakwe. ²⁶ Yangubuliwe kukwakwe kushilila umpepu umfijile kunti uwene atagafwa washili kumlola Kristi Umwene . ²⁷ Isiku lweka anyizile mkasi mshibhanza, alongo zizye nu mpepu umfijile. Pabhayise bhamuletile umwana, u Yesu, kumubhombela genga hondeye kundajizyo, ²⁸ Pu Simeoni ahamposhela myobhezyakwe, na kumpala Umulungu na kunti, ²⁹ ''Ishi mlajizye umputi waho abhale ku winza uwa Mwene, kuholama na mazwigaho. ³⁰ Kukunti amiso gani galola ulwitiho lyaho, ³¹ Weabhoneha kumiso gabhandu bhondi. ³² Iwene shihozyo kuwungumbule uwabhapangani nu winza uwandu Israeli.'' ³³ Utata nunyina uwa Mwana bheha swiga kugala gengalogiwe kwa wene. ³⁴ Pu Simeoni ahabhazanya na kulonga kwa Mariamu nunyina wakwe, ''Yivwa ahinza! Umwana unu atabhe kutega na kubhasobha abhandu abhinji ku Isrseli na teshibhe shiholanyo she abhandu abhinji tebhahane. ³⁵ Iwinza li panga lyelikulasani umbhili waho wunene inza kunti isibhoizyya moyo ga bhinji gabhoneshe''. ³⁶ Umloli umwandada weshatiji Ana awinza alipo mshibhanza iwene amile mlindu u Fanueli kufuma kushiholo isha Asheri. Amile na maha amingi ihani wope andilinye. Numlume wakwe kumaha saba we bhegana, ³⁷ Pewinza ahabha mfwile kumahaa themanini nagani. Wope atepile na lumo mshibhanza peka na kufunga na kulabha, uwusiku na shamshanya. ³⁸ Na kusiku izyo, ahinza pala pebhali ahanda kumsalifwa Umulungu. Ahalonga kunti umwana uwakila mundu wahagulilanga kukombolawa ukwa Yerusalemu. ³⁹ Webhamala kila handu hebhahanzaga kubhomba ku shila indajizyo ya mwene, bhahadunga ku Galilaya, kumji wabho Nazareti. ⁴⁰ Umwana ahakula, ahabha nihaa ahojela ku njele, nuwinza uwa Mulungu wamile pamwanya pakwe. ⁴¹ Abhanyise bhakwe kila mwahabhahabhalaga ku Yerusalemu kusikuku iyi Pasaka. ⁴² Wafiha amaha kumi na gabhili, bhahabhala iwinza anza shikwa ziwa kusikuku. ⁴³ Iwinza kusyala isiku zyondi kwaajili yi sikuku, bhahanda kuduga kuhanya. Ilelo umsahala UYesu ahasyala kulusalo kula ku Yerusalemu na bhanyise bhakwe bhatamanyile ilyo. ⁴⁴ Bhakwimile kunti ali mwiganda lye bhahashulaga inalyo, pebhahashula isafali iyi siku. Pe bhahanda kumwanza mumaganda inga bhaholo na bhamayani ibhakwe. ⁴⁵ Webhapotwa kumwanga, bhahaduga ku Yerusalemu bhahada kumwanza umwo. ⁴⁶ Ihafumila kunti wezye shila isiku zitatu, bhahamwaga mshibhanza ayi hangepakasi pabham anyizyi akubhatejelevwa na kupembuzya amaswali. ⁴⁷ Bhondi bhebha mwivunye bhahaswiga na kumanya kwakwe na majibu ingakwe. ⁴⁸ Webhamulola, bhahaswiga. Unyina wakwe ahamubhuzya, ''Mwanawani, honi hukutubhombela ishi? Tejelevwa, unyise waho nine twakwanzaga kukwinoipinti.'' ⁴⁹ Ahabhabhuzya, ''Honi hemwana zaga? Munamanyile kunti ya zanga kunti imbe munyumba ya utata wani? ⁵⁰ Ilelo bhatahamanya kunti alojelanga amazwi ingo. ⁵¹ Pe ahabhala peka nawo mpaka kuhanya ku Nazareti amamile nuluti niho kukwabho. ⁵² Ilelo UYesu ajendelenye kukula ku njele nu mubhili, na hendelela kunganiwa nu Mulungu na bhandu.