1 Ilelo ku mwaha uwa kumi na tano uwa kutabhala uwa Kaisaria Tiberia, wu Pontio Pilato amile wugavana uwa Uyahudi, Herode amile mpiti uwinzi iya Galilaya, nu Filipo uholo wakwe amile mpiti uwa Iturea na Trakoniti, na Lisaia amole mpinti uwisi iya Abilene, 2 Nishipindi isha mpati uwa Anasi nu Kayafa, izwi lya Mulungu lihamwanga u Yohana umwana uwa Zakaria, ungululu. 3 Ahashula ku mkoa wondi kuzyungula ulyizi Yordani, ahalubililanga kwozewa ukwakutunyiwa imbibhi. 4 Anza shisimbiwe mubhi tabu amazwi inga Isaya umloli, ''Ilya mndu wali mwitamtanyingombaji, ''Ilelo indala ilya mwene, ngombaji amandala genga ngoloshile. 5 Kila lihombe telyizuzye, kila labhambala no shibhabha tevisate, ibarabara zyezi ngombanile te zingoloshe, namadala ngeguminye tegabhemolo. 6 Abhandu bhodi te bhalole uhupitiwa Mulungu.'' 7 Isho, u Yohana ahabhabhuzya bhebhamganile abhinji abhandu bhebhamfwatile bhawezye kwozewa inawo, ''Umwe mpapiwe ishi njoha mwemli ni sumu, wenu wabhasoshile kushimbila umulaha wewu kwinza? 8 Papi aminza genga kubhalilana nu winza, namtandaje kulonga mkasi yinyu, ''Kunti Ibrahimu wewu tata wiyu; ku kunti ikubhabheuzya kunti, Umulungu angaweza kumbhusya Ibrahimu na bhana na kushilila amawe inga. 9 Tayari indemu ibhishiwe kwizi ilyikwi. Ishi, kukunti ikwilye litakupapa aminza ihani likute magwa na kusumba mumwoto. 10 Iwinza abhandu palubhugano bhahampembuzya ishi yukwaziwa kuhozya bhuli?'' 11 Ahalonga na kushabhuzya kunti anza umndu ali ni avalosi zibhili ikwaziwa afumwe yeka kwa wamwawo watali nayo zila, nawali ni vindu wopo abhombe shinisho.'' 12 Iwinza kubhala bhebha kusoshezya uhushuru bhahizakwozewa, na bhaha mubhuzya, ''Umumanyezyi, tukwa ziwatuhozye bhuli? 13 Ahabhabhuzya, ''Mtegaje ihela yenyita kwaziwa kwenga hala.'' 14 Iwinza abhalungu wahampembuzya bhatati, ''Natwe? Tukwanziwa kuhozya bhuli?'' Ahabhabhuzya, ''Mtegaje ihela kwa mundu wowondi kwiha na mtamwandulajae umndu wowondi ilenga. Muhobhahaje ni hera zye mkuzyanga kumbobo iyinyu.'' 15 Ishi, kukunti abhandu bhamile nulusubhilo ulya kumgulile Kristi watayi zye kila weka ahakwinanga mmwoyo wakwe kunti u Yohana wewu Kristi. 16 Yohana ahalonga kubhabhuzya bhondi, ''Ine ikubha zya kuminzi, yoli kuli weka wakwinza alinihaa kushila ine nitakwaziwa kusatula ingusa izya vilyatu ivwakwe. Atabho zye imwe kumpepu umfijile na kumwoto. 17 Ishiselo shakwe shimyobhe zyakwe anza kunti anyozye ahinza uluselo ulyakwe ulyakupemendela ingamo mshanga shakwe. Ilelo ahayipemba amasyasya kumwoto wewuta kuzima. 18 Kusoshe inyiji nyingi iwinza, alubilinye amazwi amiza kubhandu. 19 Yohana amhalalinye iwinza Herodia, umpiti uwa uwa mkoa uwa kumlola Herodia umshi uwa holo wakwe na kumbibhi inyiji zyu Herode aha zibhohhbaga. 20 Iwinza u Herode ahabhoba uwubhibhi uwapiti ihani ahamkunga u Yohana mlukapo. 21 Iwinza ihafumila kunti, wenyafiha abhandu kwozewa nu Yohana, wope u Yesu ahozewa wope. Wenyafiha kuputa, imwanya zihingaha. 22 Umpepu umfijile ahila pamwanya yakwe anza ishiholayo ishamubhili anza ikunda, Isala yiniyo yiniyo izwi lihiza kufuma kumwanya lihati, ''Iwe wewa mwanawani umgane. Inguhondezwa ihani niwe.'' 23 Ishi u Yesu wuyo wakwanda kumanyizya, amile na mahaa ngegata kupunguha thelasini. Amile msianza shebhahakwinaga kunti u Yusufu, umsi uwa Eli, 24 Umsi uwa Mathali, umsi uwa Lawi, umsi uwa Melki, umsi uwa Yana, umsi uwa Yusufu, 25 Umsi uwa Matathia, umsi uwa Amosi, umsi uwa Nahumu, umsi uwa Esli, umsi uwa Nagai, 26 Umsi uwa Maati, umsi uwa Matathia, umsi uwa Semeini, umsi uwa Yusufu, umsi uwa Yuda, 27 Umsi uwa Yoanani, umsi uwa Resa, umsi uwa Zerubabeli, umsi uwa Sheaitieli, umsi uwa Neri, 28 Umsi uwa Melki, umsi uwa Adi, umsi uwa Kosamu, umsi uwa Elmadamu, umsi uwa Eri, 29 Umsi uwa Yoshua, umsi uwa Eliezeri,, umsi uwa Yorimu, umsi uwa Matathi, umsi uwa Lawi, 30 Umsi uwa Simeoni, umsi uwa Yuda, umsi uwa Yusufu, umsi uwa Yonamu, umsi uwa Eliyakimu, 31 Umsi uwa Melea, umsi uwa Mena, umsi uwa Matatha, umsi uwa Nathani, umsi uwa Daudi, 32 Umsi uwa Yese, umsi uwa Obedi, umsi uwa Boazi, umsi uwa Salmoni, umsi uwa Nashoni, 33 Umsi uwa Abinadabu, umsi uwa Aramu, umsi uwa Hesroni,, umsi uwa Peresi, umsi uwa Yuda, 34 Umsi uwa Yakobo, umsi uwa Isaka, umsi uwa Ibrahimu, umsi uwa Tera, umsi uwa Nahori, 35 Umsi uwa Seruig, umsi uwa Ragau, umsi uwa Pelegi, umsi uwa Eberi, umsi uwa Sala, 36 Umsi uwa Kenani, umsi uwa Arfaksadi, umsi uwa Shemu, umsi uwa Nuhu, umsi uwa Lameki, 37 Umsi uwa Methusela, umsi uwa Henoko, umsi uwa Yeredi, umsi uwa Mahalalei, umsi uwa Kenani, 38 Umsi uwa Enoshi, umsi uwa Sethi, umsi uwa Adamu, umsi uwa Mulungu.