1 Abhinji bhalijile kubhiha kumpanjililo imbebu ku zyezi bhombeshile kukwitu, 2 Anza shebhatupinye itwe, shetwamile kufuma kuwandilo twabhaketi ibha moso twabhabhombi ibha mazwi. 3 Isho nane iwinza, iwinzawe nenya ku winza hehandule kukondi inga kufuma kuwandilo - nalola hinza kukwani iwinza kusimba kumasitali ingakwe - uwakunutinoha ihani Theofilo. 4 Anza kuuti ikwezye kumanya ilyayoli kungimanyiye. 5 Kusiku izya Herode, umwene uwa Yudea, pamile nu muputi umo bhatatiji Zekaria, uwa shiholo uwa Abiya. Mshi wakwe afumile kubhalindu ibha Haruni, nu tawa lyakwe amile Elizabeti. 6 Bhondi bhamile bhayoli pilongolela pa Mulungu; bhahajedaga bila shibhune kundajizyona kuhalalila ukwa Mwene. 7 Ilelo bhatamile nu mwana, ku kunti Elizabethi amile muluji iwinza kumasiku ingo bhondi bhabhili bhamile bhagoso ihani. 8 Iha fumila kunti Zakaria amwile kumaha nga Mulungu, ahajendaga mudajizyo izya uputi kundajizyo izya kuposhelana kwakwe. 9 Kufumila nu umwiho uwa kusebhakuti mpati alikwi watabhomba aha homewanga ikura kwinjila kushibhanza isha Mwene ahaputi wanga ilyosi. 10 Abhabhugana abhandu bhahaputaga panzi webha putiwa ilyosi. 11 Ishi uhabhizya uwa Mwene afumonye nu kumolila kumbali kundilo kushigema ukwa kuputila. 12 Zakaria ahaganduha walola; uwonga wahamwinjila. 13 Ilelo uhabhizya ahamubhwazya, ''Utogopaje Zakaria, kukuti impunto yaho yivwishole. Umshiwaho Elizabeth atikupapile mwana. Itawa lyakwe atabhe Yohana. 14 Utubhe nu hinza nu kusha, nubhinji tebha kuseshele kupapwa kwa wene. 15 Kukunti atabhe msongo pilongolela pa miso inga Mwene. Atahamwele, ihobwa au ihakumwela ahalali, ahanyi zyuzwa umpepu umfijile kufuma mlyanda mwa nyinawakwe. 16 Nu bhandu abhinji ibha Israeli bhahayi galulanywa ku Mwene Umulungu wabho. 17 Ahayibhala pilongolela pa miso pa Mwene ku mpepu nu nihaa ilya Eliya. Ahayibhaba ishi anzakuduzya amoyo inga tata ku bhana anza kunti bhebha takutinihabhahayi bhala ku hutosu uwayoli. Ahayibhoba ishi ku Mwene bhandu bhebhabhoshiwe kwa wene.'' 18 Zakaria ahamubhuza uhabhizya, ''Iutiwezye kumanya ihaa? Kukunti ine na mgosi wope umshiwanio amahaa gakwe miji ihani.'' 19 Uhabhizya ahaloga, ''Ine na Gabrieli, wakwimilila polongolela pa Mulungu. Asondelela zizye kukubhuzya kukuletela imbebu iniiyiza. 20 Ikwenya, utalonje, atapume, utuwezye kulonga mpaka isiku lye igatega fumile. Ili kukunti wa potiwe kwitiha. Amazwi gani genga fuminye kusiku zye zohondeye.'' 21 Ishi abhandu bhaha mgalilanga u Zakaria.Bhahe swiga kunti ahabhombelaga isala inyingi mshibhaza. 22 Ilelo wafuma pazi atahawezya, kulonga nabho. Bhalamanya kunti alotile wali mushibhanza. Ajendelenye kulolesya ishilolayo ahapuma ibhulo. 23 Ihafumila kunti isiku izti mbobo yakwe wezyasila ahasongora kudunga kuhanya kukwakwe. 24 Iwinza u Zakaria ahadunga kuhanya kwakwe kumbobo yakwe mshibhaza, umshi wakwe ahabha nulwanda. Wope atahafuma muunyumba yakwe kumasiku inga mezigasanu. Ahalonga, 25 ''Ili lye lwu umwene abhombile kukwani wanenya kulungano anza anyefwe isoni yani pilongolela pabhandu.'' 26 Ishi, kunti umwezi uwasita uwa lwanda ulya Elizabeti, Umulungu ahamubhuzya uhabhizya Gabrieli kubhala kusi inya Galilaya webhati Nazareti, 27 Kwa umwaminifu wamachumbiliwe numsahala witawa lyakwe amile Yusufu. Iwene amile uwashi holo isha Daudi, nitawa ilya mwaminifu uyo amile Mariamu. 28 Ahinza kukwakwe na halonga, ''Wabhomba, iwe wuposhelenye uwinza uwupiti! Umwene ahondeziwe niwe. 29 Ilole amazwi inga habhizya gamchanganyiye nakumanya kunti honi uhabhizya alojile kulamula ukwa kuswiga. 30 Uhabhizya ahamubhuzya, ''Utongopaje, Mariamu, maana upatile uwila kufuma kwa Mulungu. 31 Ikwenya, utupimbe ulwanda kulwanda lyaho utupape Umwana. Iwe utumwite itawa lyakwe 'Yesu.' 32 Atabhe mpinti atabhe Umwana wali kumwanya ihani. Umwene Umulungu atampe itengo ilya wila ilya Daudi utaha wakwe. 33 Atabhombe pamwanya pashiholo isha Yakobo wila na wupinti wakwe tebhubhe no mbelela. 34 Mariamu ahamu bhuzya uhabhuzya ili lihanyifumila wulibhuli, ita lonjile na lumo kungona nu msahala numo? 35 Uhabhizya ahalonga na kumubhuzya, ''Umpepu umufinjile tewinze pamwanya paho. Noha ilya wali pamwanya ihani telwinze papaho. Kukunti umufinjile watapapwe atabhe msiwa Mulungu. 36 Ikwenya, uholo waho Elizabeti amulwanda ulwa mwana kumaha igakwe igaungosi. Unu mweziwa sita kukwakwe, webhahatiji mluji. 37 Kukunti nalimo lyelitakuwezeha na kwa Mulungu.'' 38 Mariamu ahalonga, ''Nenya, ine ne nu mputi umlindu uwa Mwene. Lahaa zibhe shinosho kukwani anza shinisho namazwi ngaho.''Iwinza uhabhizya ahamuleha. 39 Pe kunti isiku izyo Mariamu ahasongola na kuhalaganya ahabhala kusi iya vibhambala kumji kusi iya Yudea. 40 Abhalile kuhanya kwa Zakaria na kumlamhaa Elizabeti. 41 Ishi, ihalolesya kunti Elizabeti wanyivwa kulamula kwa Mariamu, umwana mulwanda mwakwe ahatomoha, nu Elizabeti ahizuzwa nu mpepu umufijile. 42 Ahahola izwi lyakwe na kulonga kusanti imbinti, ''Uhondenye iwe ihani mubha mwinyu abhandada, na umwana na wali ulwanda lwaho ahondenye. 43 Na zyabhabhuli kukwani kunti umanyi uwa mwene wani yahonde uye anyize kukwani? 44 Kukunti, tendela wonyo fwoha mumakutwe gani izwi ilyakwe lamula kwaho, umwana mlwanda mwani ahanza tomoha kwa kusha. 45 Na aimishiwe umwandada ulawa nyitishile kunti ungafumila uwayoli kugaha ebhambhili zozye kufuma kwa mwene.'' 46 Mariamu ahalonga, umbhili wani wukumpala Umwene, 47 Umpepo wani wushonye kunti Umulungu wasebhile wani. 48 Kukunti ayenyizye ihali yapasi iya kwitiha kwakwe umwandada. Tendela, kuwandilo iwinza ku pwapa kwondi tebhambishole ungane. 49 Kukunti iwene wawezizye abhombile ama pinti kukwani, ni tawa lyakwe lwiza. 50 Uwila wakwe wakundila kufuma kupapwa na kupapwa kubhala bhebha kumtiniha iwene. 51 Alolesizye iha kunyobhe yakwe; abhasatanyinye bhala bhebha kunyibanda ku sobho. 52 Abhisizye pasi abhana ibhabha pinti kufuma kumatengo gabho inga wila na kubha bhusya pa mwanya bhebhali ni hali iya pasi. 53 Abhokuti ibhizala kuvindu ivwinza, yoli abhadumbwo abhabhijile iyobhe ibhulo. 54 Afumizye uwila kwa Israeli umpati wakwe, anza kukumbuha kulolesya uwila. 55 (Anza shamalojile kwa tata bhitu) kwa Abrahamu nu upapwa wakwe wila.'' 56 Mariamu anyihaye nu Elizabeti yaloleha amezi gatatu ishipahaduga kuhanya kwakwe. 57 Ishi isiku zyafishole kwa Elizabeti kupapa umwana wakwe na kupapa umwana umsahala. 58 Ahapalamani bhakwe nabhaholo bhakwe bhalivwa shu umwene akuzizye ulugano kukwakwe na bhahasha peka nawo. 59 Ishi ihafumila isiku ilya nane kunti bhizile kumwata umwana. Hani ya bhahondeye kumwita itawa lyakwe, ''Zekaria, ''Kufwata itawa ilya tata wakwe, 60 Ilelo unyine wakwe ahitiha na kulonga, ''Hala; atabhe Yohana.'' 61 Bhahamubhuzya, numo atamshoholo shaho webha kunti itawa ili.'' 62 Bhahambhombelo utata wakwe kulolesya iwene kunti atiji abhe itawa wunanu. 63 Utata wakwe ahanza ishibao ishakusimba, na ahasimba, ''Itawa lyakwe wu Yohani.'' Bhondi bhala swinga nili. 64 Panapo ilomu lyakwe lihinguhanu ululini lyakwe luhabha huru. Ahalonga na kumpala Umulungu. 65 Kutunya kuhamozila bhondi bhebhahandilanga papipi nawo. Ahapangwi iha halasata pasi yondu iya vibhamba ivya Yudea. 66 Na bhondi bhebhi vunye bhahagabhiha mmoyo mwabho, bhahalonga, ''Umwana unu aliwuli bhuti?'' Kukunti inyobhe ya mwene ya mole peka inawo. 67 Utata wakwe Zekaria ayizyuzizye numpepu umfijile na ahafumwa imbepu, ahati, 68 Apalwe Umwene Umulungu uwa Israeli, kukunti ayavizye na abhombile kupinduha kubhadu bhakwe. 69 Atubhusizizye ulupembe ulwa kupinduha kufuma mnyumba iya mputi wakwe Daudi, kufuma mubhamabho mushiholo isha mputi wakwe u Daudi, 70 Anza shamalojile kumili izya abhaloli bhakwe bhebhalipo ku siku izyimandi. 71 Atatufule kufuma kubhabhobhibhitu na kufuma mnyobhe mwu bhondi bhebho kutwilyama. 72 Atabhombe ishi kulolesya uwila ku bhatata bhitu, na kukumbuha indajizyo inyiza, 73 Indajizyo yamalojile kwa Abrahamu utata witu. 74 Alapile kusimishizya kunti ya wezehine kumbhombela iwene bila woga, baada ya kupinduha kufuma munyobhe inzwa bhabhi bhintu. 75 Ku kunti uwinza nu wayoli pilongolela pakwe isoku zyitu zyondi. 76 Ena, niwe mwana, utubhe umloli wali pamwanya ihani kukunti utubhale pilongolelapa miso inga mwene anza kumgombela indala, kubhabhiha abhandu kunti wakwinza wene, 77 Kubhamanyisya abhadu bhakwe kunti, tebhapindushe kwi dala ilya kutunyiwa imbibhizyawo. 78 Ili lihayi fumila kuwila uwa Mulungu witu, ku kunti izubha kufuma kuma kumwanya lihayipuma, 79 Kuhozya kwabho bhebha kwihalamuhisi na kuwufwe. Ahayibhomba ishi kuyilongo zya ivinama vwitu kwi ndala ilya uwila.'' 80 Ishi, ula umwana ahakula na kubha wiha umpepu na ahihala mmalala mpaka isiku ilya kufumila kwa Israeli.