Sura ya 9

1 Ishi ulwivwano lwa kwanda lwali ni pakuputila panapa pasi na minho aga kuputa. 2 Mla mshegwi mwali nulupitu ikasi sheshigombiwe, ijela kunzi, pahatehagwa kuti pafinjile. Puponyene pali nipakubhi na uluhozyo, ishi mbeje nishingotika shashiputi. 3 Kulusalo kwigolole ilya wubhili kwali ni kasi iya mwabho, bahali pafinjile ihani. 4 Mwali ishigemo pali ni shililo isha kutukusya uwununshizu. Iwinzamwamile insanduka iya lwivwano, lyelya lengiwe kumawe igi mpiyamene. Kukasi yakwe mwamile ni ulubhiga ilwa impiwe manna, nindisa ya Haruni yeyihamela imasole, ni mbobho izya mawe nu lwivwano. 5 Pamwanya pansanduka iya lwivwano ishifwani sha bhahabhizya uhufinjile wukugubishilani vwapa vwabo nilongo lela pitengo lya iwi vwanyo, she ishi tutawezizye kushilonjela kwina mizya. 6 Wivintuivi vwa lolesya kuti visimbiwe, abhaputi inzeshebhalubhi ya kwinjila kulupitu ulwakunzi ku shegwi kubhomba imbombo zyabho. 7 Ilelo umputi umpiti akwinji kulupito ulwa wubhili imwene lyeka kila mwakha, lwiza atakuleha kufumwa ivifinjile ivwakwe imwene, na kumbibhi zya abhandu bhabhombile we bhatamanyile. 8 Umpepu umfinjile akisimishizya kuti, idala lya pafinjile inani lishili litiguliwe peshila ishegwi isha kwanda shili sheshimiliye. 9 Ishi shenyelezyo mhabhalilo iha ikhishi. vwondi ihani ivifinjile vwe vikufumwa umsanyunu vitanga yana kumhaiga kuputa. 10 Iviliwani vwa kumwela ivwene vibhunganye mwidala limo ilya luputo ulwa kuyi zelufwa. Vyondi ivivwali na miho iga mubhili vevwamile vilinganye kugulila indajizyo impwa yihayibha mdala lyake. 11 Ukrisiti ayinzile ngati mputi umpiti kumbo inyinza zyezyinzile. Kushilila uwupiti kwimilisha ishegwi ishi piti sheshitagambiwe ni nyobhe zya bhandu, bhete bha mnsi umu kupela. 12 Itali te kwi bhanda ilyi mbuzi ni ngwata, yoli kwi bhanda lyakwe wuyo kuti wu Krisiti ahinjila pa wufinjile iani kheka kwa weka waweka na kulinganya uwupondo witu uwa wila. 13 Inga kwi bhanda lye mbuzi ni nvulisi kwitiliwa na malota igigwata kubhebhata zelupile bhahitishiwa kwa Mulungu na kulinganya amabhili gabho kubh minza, 14 Ishi litajinile ihani ibhanda lya Krisiti wekushilila mpepu uwa wila ahayifumwa wuyo ataha sita hakwa Mulungu, kugeza insibho zyitu kufuma kulugendo ulwa wufe kumbhombela uMulungu wali nu wupuma? 15 Kunongwa iyo, uKrisiti we mwanensho wa lufingwi ilupwa. Shile kuyeshela bhondi bhe bhali mulufingwi ulwa kwanda kufuma ku wutulano ngwa zyabho, ingabhondi bhe bhbhili shililwe nu Mulungu anga bhapo shele ulusubhizyo ulwaku dila wila na wila. 16 Anga kuli ulufingu lwelukudila, ikuti lumanyishe kuwufwe wa mndu ula wa bhombile. 17 Honi hekufinga kukubhana maha pewukufumila uwufwe pe wutatali na maha we wabhimbile akudila. 18 Nishi nitwe ilufingwi ulwa kwana litabhishilwe ni bhanda kha. 19 Wu Msa afumile kulajizya indajizyo kubhandu bhondi ahega ibhanda iyi ng'ombe ni mbuzi, peka na minzi, ishita mvala ishisha mamu, ni hisopo, aha sansila ni kalata lilyo na bhandu bhondi. 20 Iwinza ahalonga, "Ili libhanda ilyakufinga kundajizyo zya Mulungu ku kwitu.'' 21 Pope shishila ahasansila amabhanda pa mwanya pa shegwini vililo vwondi kumbombo iya mabhanda na bha puti. 22 Ku kholana ni ndajizyo, ivindu vwondi vikuzelufwa na mabhanda anga ibhanda lititishile kutuyiwa nakumo. 23 Kukuti paka inza she ivintu ivwa kumwanya ikuti vwozewe na kuwa nu winza uwavihanu, popivwo, ivindu ivwakumwa vwope vikwanziwa kwozewa nu wufinjile uwinza khani. 24 UKrisiti ainjila apafinjile ihani pepata gombiw ni nyobhe, kulolesha uwana lyoli. Kukuti ahinjila kumwanya yiyo, ishi alipilo ngolela pa Mulungu kwajili yitu. 25 Atinjiye kula kuyifumwa uwufinjile kukwakwe wuyo ahinji bhulo anga vwe bhabhombaga umuputi abhapiti, wakwinjila apafinjile kumwakha na kumwakha peka ni bhanda lya wunji, 26 Anga yalilyoli, hani yali kupiji wa kuyimba ahinji kufuma ku wandilo winsi, ishi kheka paka pamwisho wa makha yigushile kwefwa uwubhibhi kuyifumwa wuyo. 27 Anza vwe yali umndu wondi kufwa leka, na kwinza kulongwa, 28 zili inzu Krisiti wope ahafumwa leka kwefwa imbibhizya bhinji, ahayinza iwinza tekwenya imbibhi, yoli kubhapoha bhala bhebha kumgulira.