Sura ya 2

1 Tugabhishe piloongelela haani ala getwagivuuye, angaatashe atubhishe apali na wene. 2 Anga kuekunti amazwi ge galongiwe na bhahawizya ganayooli, hundi hehakubha ahabhibhi hakuposhela uwulongwi lyooli, 3 tutimanye bhulibhuli anga tutakuuntiha uwaposhi uwupinti ununu? --uwuposhi wekuwandilo walalasizye numweene na kisimishizya kukukwitu nabhala bhebhi vuuye. 4 Umuluunu asimishizye kuvilolesyo, namayele, namayele, nakumbombo inpinti inyinji bhuulo, mwupi wa mupeepu umufinjile zyagahanyinye kulinganya nulugano lwakwe wuuyo. 5 Umulungu atabhishile ubhebha kwinza, twetukulonga inpembu zyakwe, pansi pa bhahawizya. 6 Ileelo umundu, umo, apemuliye palipo pamu ahanti, "Umuntu wewunanu, mupaubhe ukumukumbaha? Awe mwana wa muntu, inga umusengule? 7 Ubhishile umundu kubha munsi kshila uhawizya; Umgabishiiye ishipambwi ishawinza nulushindiho. (Fwantilila: Amazwi iga, umubhishile pamwanya pambombo ninyobhe zyaho. ''Gatalipo muwasimbe uwimaandi.) 8 Ubhishile kila handu pasi paa vinama vyawaho,'' Kweni Umulungu abhishile kilahandu pasi pamuundu, hatalipo nahamu ahantu hahatali pasi yakwe. Ilelo ishi tutakulola asuuti kila handu we hali pasi yaakwe. 9 Iwinza leelo, tukuloola wabhombilwe kubha habhalilo, pasi kushila uhabhizya--UYeesu, peeka ni mbombo zyaakwe na kufwa kwaakwe, amukwatizizye ishipambwi uwinza nulushindiho. Ishi leelo uwila wa Muluungu, uYeesu alinga uwufwe kunoongwa yamundu wowondi. 10 Hali hinza kwa Muluungu, kila handu hali kunongwa yakwe kulila kwa woyo, ayazilihwe kubhaleta abhana abhinji kuwinza, awinza ayalilye kubhomba mulongozi uwa wuposhi kubha wikwiliye kushilila amayimba gaakwe. 11 Kwe kunti bhondi bhabhili ula wakubhiha ulusayo nabhala bhebha kusaywa, bhondi bhakufuma imwata iya, Muluungu, kwekunti wakubhabhiha ulusayo nu Muluungu atakusupila kubhabhilishila abhaholo. 12 Akuloonga, "Indilalasye itawa lyaho kumaha gaani gondi, indiyimbe kukuloonga iwe kufuma muhanti mulubhungano.'' 13 Awinza kuloonga, "Ihayitiha kuaa wuyo." awinza, "Yenyaaga, ipa indi nabhana bhuMuluungu ambiye.'' 14 Ileelo, kwe kunti abhana bhaMuluungu bhondi bhakwavyana umubhili nibhanda, wope uYesu abhombili shishila, ishi kishilila uwufwe awezye kumuhataafwa wa we alinuwamulo pamwanya pa wufwe, iwene wushetani. 15 Ili lyali shinisho anga bhabhishi uwuhulu bhala bhondi bhekshilila kuya umufwe bhihaye uwihalo waabho wondi mumayiimba. 16 Nayooli lewuhabhizya wakubhavwa. Lyoli leelo, akubhavwa abhapaapwe abhaabulahamu. 17 Ileelo, yali ya lazima uwene abhe nganti wuholo wakwe mumadala gondi, angabhe wumwene umupinti uwawupole walwintiho muvindu vywa muluungu, angalelo abhe na maha agakufumwa kutuyila imbibhi zya bhandu. 18 Kweeku u Yeesu wuyo ayimbile, na kuliingwa, alinuwuwezo kubhaavwa bhebhakulingwa.