Sura ya 3

1 Undongo ini yakwitishilwa: Anga umndu akwanza kubha mwimilili, akusunguha imbombo inyinza. 2 Kulongozya yoli wakulongozya ikuti atahabhe ni shibhune. Ikuti abhe msahala uwa mshi weka. Ikuti abhe kwashi. 3 Atamwelage ipele, atahabhe myanzi, abhe mtonsu, uwalutengano ata hazigane impiya. 4 amanye kwimililila ahinza abhantu bha inyumba yakwe wuyo, na bhana bhakwe ikuti bha yisyaje nulutiniho lwonti. 5 Anga umntu ata manyile kubhalongozya abhantu ibha mnyumba yakwe wuyo, angalisungaishibhanza sha Mulungu? 6 Atahabhe wa pindushile shinishi, anga atainze ayile na kugwa muwulonji inzula we mubhibhi. 7 Ikuti abhe nulujendo ulwinza kubhandu bhebhali panzi, anga atahinze agwe kuwusupizu mlusandiho lwa umbhibhi. 8 Abhadikoni, shishila bhabe bhe kujimba kuyisya hatabhanje ni ndongo zibhili. Bhata mwelaje ipele inhani ewe kusunguha. 9 Bhabhe wa kuyidima kunsibho inyinza ni zya nalyoli izyalulwitiho lweluzelupile. 10 Bhabhe bhabalinjile isuti anga bhawezye kubhomba ikulolesya bhatalinibhune. 11 Abhandanda shinisho bhabhe bha kuyishya. Bhatabhaje ni lengaha. Bhabhe kwashi uwinza kumbombo zyondi. 12 Abhadikoni inkwanziwa bhabhe bha sahala ibhamshi weka weka ikuti bhabhe na maha iga kwimililila abhana bhabho na bhebhali mnyumba zyabho. 13 Kukuti bhala bhe bha kubhomba ahinza bhakuwezya kwimilila ahinza na maha amapiti kulwiti lwelulimwa Krisiti uYesu. 14 Ikusimba iga kukwaho, inkusu blila kwinza kukwaho shinishi. 15 Pope angingahabha, inkusimba iga kuti umanye shubhalaje munyumba ya Mulungu, lye ti shibhanza isi puma isha Mulungu we mpuma, lupanda lwelukwavwa na yoli. 16 Itakuhaniha ha kuti yoli iya Mulungu yeyigushile mpinti: "'Ahaloleha kumbhili, ahasimi shizwa nu mpepu, ahaloleha nuhabhizya ahavwinha mu bhamu mnsi ahitishilwa na bhantu ahapimbwa kumwa nu winza.