1 UPetro, umsondelezywa uwa Yesu Krisiti, kubhajeni ibhakusata, kubhasebhe, kuponto yondi, abhagalatia, abhakapadokia, abha Asia, nubha Bithinia, 2 Kufumila nu kumanya kwa Mulungu utata, kwe kuzelufwa nu mpepu umfijile, kuwinza uwa Yesu Krisiti, nukwitiwa amabhada gakwe. Uwinza uwa Yesu wubhe kukwingu, nu lwitiho lwojele. 3 UMulungu utata uwa mwene witu uYesu Krisiti. Aimishiwaje kuwu piti u wawinza wakwe, atupiye kupapwa ishipya ku mabha ingakwihala kushilila kuzyuha kwa Yesu Krisiti kufuma kubhafwe. 4 Ku pwanila kwetekwakufwa tewubhabhe nu wubhibhi, iwinza kutapuha. Ibhishiwe kumwanya ku kwinyu imwe. 5 Kiwupiti wa Mulungu mkungiliwa kushilila ulwitiho ulwa lugano lwelulipo isalizi lwu hayikubuliwa kusiku izya kumbelela. 6 Mshaje kulili, pope ikwaiziwa kusugama kundugo zyondi. 7 Ishi kukuti kwitiha kwinyakiwezye kulingwa, kwitiha kwe kwa yoli kushila ipiwe, yeyikutega ku mwoto wewukuliga kwitiha kwinyu. Ili likufumila aza kwitiha kwinyu kuwezye kupapa, kupara, uwinza kuyisya kuloleha kwa Yesu Krisiti. 8 Mtamlolile iwene, ilelo mmuganile. Mutakumulola ishi, ilelo mkumwitiha iwene mkusha kwekuta kulojehahala, kwa kusha kwe kwizyunye uwizya. 9 Ishi mkuposhela mnemwezye zikufuma kulwitiho lwinyu, ulokole uwa mnemwe imwe. 10 Abha mkubhi bhazile nu kupembu zya kulojela uwulokole unu, uwiza wehani wamile kukwinyu. 11 Bhazile kumanya kuti wulokole bhuli we haniwizile. Bhazile iwiza kumanya isala yilikwi yu umwana uwa Krisiti wali mkasi yao ahaloganga ahoni inabho, lwope lihafumilaga. Isala ya habhabhuzyaga amayimba inga Krisiti nu winza wehani wa bhafwatile. 12 Yaloleshile kubhakuwi kuti bhahaga bhombelaga izyo, tekuti kubhene hala, yoli kukuti kukwiyu, ahapajilo ihamazwi ingo, kushilila kubhala bhebha letile, amazwi kukwinyu - kwindala ilya uYesu umwinza we bhamsondelezizya kufuma kumwanya, Amazwiingo, abha malaika bhakusuguha kugalola. 13 Ikwanza kupinyi amasanaginyu igejele. Mubhe mwabhatosu kukwina kwinyu. Mubhe na mabha gegimiliye kuwinza wewuhayiza weakuzyuha uYesu Krisiti. 14 Aza abhana abhatosu, mtapinywaje mnemwe, nakusunguha, kwe mwalandatinye isiku zyemtamayile. 15 Anza lelo wabhabhilishinye she mwinza, namwe, ishi, mubhe mwabhinza, kujendo inyizya musi. 16 Aza shisimbiwe, "Mubhaje mwabhinza, iwene mwinza.'' 17 Aza mwitiha "Utata'' ula wakulonga izyayoli kufumilana ni mbombo iya mundu wondi, ubhombelaje isala inya kushula kwaho kuwinza. 18 Mmanyile kuti yitamile hela hala winza mbiwe hala -ivindu vye vikunajiha, vye mwalokoshenye kufuma kumbombo zyinyu izya ulema, zye mwamanyinye kufuma kubhatata bhinyu. 19 Ilelo mlokoshenye kumabhanda kwitiha kwa Krisiti, aza kungole yenyitali ni koko. 20 Krisiti afuminye wisi ishili kusiku izi izya kupelela, alole shile kukwinyu. 21 Mmwitishile uMulungu kushilila kukwakwe, wu Mulungu amuzyusizye kufuma kubhafye wamejile uwinza anza kwitiha kwinyu kubhe niha ilya Mulungu. 22 Mubhishile amabhili ginyu kubhaminza kwa kwitiha izyayoli, kulila ilya lugano ulwahuholo nu hungolosu, ishi gananaji kumaha inga mumoyo. 23 Mpapiwe ilya wubhili, te kumbenyu yeyita kunajiha, kushilila kuwupuma uwa mazwi iga Mulungu gegasyalile. 24 Ilelo "Amabhili ngondi gali anza ama lala, nu winza wakwe wuli anza ipambo, ilyi lala. Ilala likumwa, ni pambo likulenda, 25 Ilelo izwi lya mwene likusyala wila.'' Ililyelizwilye bhalojile anza isoshe kukwinyu.